Texts
Return to list | edit | delete | Create a new | history | Statistics | ? Help
Poslovičat
Poslovičat
Karelian Proper
Tolmachi
1. Aigan’e
l’indun’e jo n’okas’t’a pywhkiw , myöhän’e vašta keruo avual’ow .
2. Aigan’e myöhäzel’lä ei heit’t’iäče .
3. Bohatalla i kukko mun’iw .
4. Bron’i nagol’e kohti l’end’äw , da kod’ih yökši ei kergie .
5. D’engalla ožua et ošša .
6. D’engalla vain tuattuo da muamuo et ošša .
7. D’engašta i howketah .
8. D’enga ei jogohizella pyžy .
9. D’iela ei makša n’i palannutta groššua .
10. Dorogalla šeizo – dorogua kyžy .
11. Duaroin i bajar’i makkuralla ei nowže .
12. Ed’emmäkši rabieššat – l’ähembiäd’ä otat .
13. Ei igiä el’iä – igä muistua .
14. Ei ihuo illas’t’ua , eigo vardaluo val’l’aštua .
15. Ei kyžyt’ä : väl’iängo luajittih , kyžyt’äh : ken luad’i .
16. Ei nagol’e kaz’illa kakkarua , popad’iw i kolahušta .
17. Ei n’imi mieštä riko .
18. Ei pie howkkua dr’iäz’n’ie .
19. El’ä ihaššu enžimäs’t’ä hyvyt’t’ä , el’ä pöl’l’äššy enžimäs’t’ä pahutta .
20. El’ä jalgoih jät’ä da vorua r’iähkih kavota .
21. Ei mua , a vuoži ein’ehen kažvattaw .
22. El’ä luaji aijas’t’a en’n’en važas’t’a .
23. El’ä luo kyl’männyöl’l’ä n’ävöl’l’ä lunda .
24. El’ämät’öin – t’ied’ämät’öin .
25. El’ä opašša ut’ua uimah .
26. El’ä varaja kuol’eida , varaja el’ävie .
27. Emän’d’ä on kynžil’öis’t’ä kyl’l’än’e .
28. Enz’imän’e ostuwda on parembi jäl’gimäs’t’ä .
29. Eruot päiväkši – pros’t’ieče ijäkši .
30. Kärbäz’ie et tapannalla ota .
31. Et t’iijä , n’in kiwgualla issut , t’iijät – n’in dorogua myöt’ hyppiät .
32. Et t’äwt’ä šuannalla , pid’äw t’äwt’t’iä piennäl’l’ä .
33. Ew kaikilla yks’i šomuš , kaikilla on yks’i nuoruš .
34. Ew kaikki puwt mečäššä yhenmuoz’et , ei što rahvaš .
35. Ewle pahutta pakkuonnašta , omalla kiäl’l’ä el’ä ota .
36. Ewle šid’ä miehyt’t’ä , ken ottais’ iččieh vieryt’t’ä .
37. Ew omah šuwh šyl’gijäs’t’ä .
38. Ew šid’ä puwhutta mečäššä , kumbazella l’indu ei issu , ew šid’ä r’is’t’ikanžua mualla , kumbazella ew gor’ua .
39. Ew šiid’ä r’iähkä , mi šuwh mänöw , on šiid’ä r’iähkä , mi šuwšta l’äht’öw .
40. Ew žen verdua muan piäl’l’ä , mi on muan alla .
41. Gaz’ietta ew az’ietta .
42. Groz’ija groz’iw , a el’äjä el’äw .
43. Gul’un’e ei kezriä , ei kuvo , a vuatteissa on šulkuz’issa .
44. Hairahuš ew viäryš .
45. Harvoissa kobrissa d’enga šormiloista l’äbi uid’iw .
46. Hawkkujua on , armaštajua ew .
47. Howkka i že hyvän t’ied’äw .
48. Howkalla hajuo et ana .
49. Howkka on nagol’e l’öwd’än .
50. Howkalla valehella ei šua .
51. Huigie ew muigie i šil’mie ei l’eikkua .
52. Humala prawvan šanow .
53. Huomenel’l’in’e iče huolen pid’äw .
54. Huomneščiron’e ei l’ämmit’t’än , n’iin ildačirolla ew konža (toiz’ičči miehel’l’ä män’en’dä ).
55. Huwl’i pakšu , n’in vačča hoikka .
56. Hyviä lašta ei pie pergua , pahua i perrannalla et ota .
57. Hyviä viikon muissat , pahua – n’i konža et unaha .
58. Hyvä – da vieraš , paha – da oma .
59. Hyvä mel’l’iččän’e , da piet’t’y .
60. Hyvä šana , da kuin ših koh i šanottu .
61. Häd’yš tulow paraššoppeh , n’in ei šua ovenšuwh ajua .
62. Häd’ähizen šuw muhahtaw , l’äz’ijän – ei .
63. Häd’äwd’yn , on howkka .
64. Hän’en l’äz’imin’e – miwn t’ervehyš [yhenmuozet ].
65. Hän’en šiännynnän t’äh meil’ä l’eibäkeškie ei l’iene .
66. Iče i huolešša , vain omah oččah tuwlomah rubiew .
67. Iemmä merd’ä kalah ei pie männä .
68. Igä el’et’t’ävä ew poikki pellon proijittava .
69. Igä el’ä , igä i opaššu .
70. Igäš hukkua i šyöt’ä , hiän nagole meččäh kaččow .
71. Igäš pez’ieče – vet’t’ä valgiembi et l’iene .
72. Ijäkši n’i mid’ä et varušša .
73. I kullašta l’äbi kywn’el t’ippuw .
74. I pada puanken čyl’kiäčöw .
75. Iz’än’dä ei olle kod’ih päin , n’iin labiella i roiččow , a kuin emän’d’ä – n’iin metlalla i pywhkiw .
76. Iz’än’n’ät’t’ä i kod’i s’irot’ina .
77. Jogohizella on yks’i piä olgupäil’l’ä .
78. Jogo talošša omat i gor’at .
79. Jumalan nuoran’e on kolmekerdan’e .
80. Jygie on d’engua šuaha , kahta jygiembi on pid’iä .
81. Kagran’e – da gos’t’inča .
82. Kakši kukkuo yhel’l’ä tuahitukulla ei mahuta .
83. Kala huovis’ , l’iemi i šid’ä ei makša .
84. Kammuo hyviä hyvyt’en , palvuo pahua pahuten .
85. Kana ew žiivatta , rosad’n’iekka ew huonehuš , da jo i privuala ew mužikka .
86. Kannettu vez’i kaivošša ei pyz’y .
87. Kaz’ie el’ä pane kalua vardeimah .
88. Kaz’i issunnalla ottaw .
89. Kaz’illa kiza – hiirel’l’ä toži .
90. Kawn’is’ velga makšuan .
91. Kel’l’ä kiäššä , šil’l’ä i käržäššä .
92. Kel’l’ä mi kivis’t’äw , ze šid’ä i kuottelow .
93. Kel’l’ä on n’eros’t’a , on šil’l’ä i elos’t’a .
94. Kel’l’ä piälakka kizuaw , že puolella viäl’l’ä el’äw .
95. Ken elošša , že i huolešša .
96. Kenen voi puašša , šil’l’ä i huol’i piäššä .
97. Ken l’eibiä šyöw , a ked’ä i l’eibä .
98. Ken mid’ä eččiw , žen i šuaw .
99. Ken on boikoi šyömäh , muon’e i ruadamah .
100. Kerda šanuo da igä muistua .
101. Ken ševotti , že i šel’l’it’t’äw .
102. Ken toizella awttaw , že iččiel’l’ä l’iz’iäw .
103. Kiel’i l’ibie , n’in el’iä kebie .
104. Koira hawkkuw – tuwl’i kandaw .
105. Koissa i šein’ät awtetah .
106. Koissa i šein’ät voissa , muwvalla – puolet aigua kuivalla .
107. Koldunan kod’i ei korgene .
108. Kondie n’i konža ei pez’ieče , a händ’ä kaikin varatah .
109. Kondie on vägövä , da ris’t’ikanžua varajaw .
110. Krid’žiz’ijä puw viikomman šeizow .
111. Kugal’i katetta , s’igäl’i i jalgoja oijenna .
112. Kuin el’ät , n’iin i kuwlut .
113. Kuiva luz’ikka i šuwn r’evit’t’äw .
114. Kulda revušta tunduw .
115. Kumban’e kebiel’d’i tulow , že kebiel’d’i i uid’iw .
116. Kumban’e l’ehmä hävii , n’in že voina i l’ypši .
117. Kummas’t’a šormie i pure : yhen äijyöl’d’i kivis’t’äw .
118. Kun brihan’e šyn’d’yw , n’iin yhekšäl’l’ä pihalla laštuzet ihaššutah : toizeh koh hiät luokšiw .
119. Kun’i avokero kaččel’iečow , šin’i ownaš ongurdaw .
120. Kun’i igiä – šin’i t’ervehyt’t’ä .
121. Kun’i jalgan’e kapšaw , šin’i šuwhut n’apšaw .
122. Kun lapšelda tuatto kuolow , l’iew puol’it’iekšeh s’irot’ina , a kun muamo kuolow – n’iin yn’n’äh s’irot’ina .
123. Kunne kurgi i l’en’n’ä : yhet havut ruwvakši .
124. Kunne yöt – šinnei unet .
125. Kyven i kyl’än vir’it’t’äw .
126. Kyl’l’än’e n’äl’gähizel’l’ä ew tovarissa .
127. Kyl’l’äs’t’ä on hyvä ber’goija .
128. Kyngä l’äššä , da et pure .
129. Käz’i kät’t’ä pežöw .
130. Kewhän velga ei viikokši .
131. Laisan regi ei jiä ved’ämät’t’ä .
132. Laiska ruaduo varajaw .
133. Lapšen tokkua i n’än’käl’l’ä n’okkua .
134. Lapšet kažvetah – i huolet kažvetah .
135. Lapšie da kaz’iloida et muan’ita .
136. L’eččimät’öin kibu janduw .
137. L’eppä l’epäššä vigua n’ägöw .
138. L’iiga l’iikkujalla .
139. L’innašša kaikki hinnašša .
140. L’iävän verejän šalbuat – mieron šuwda et .
141. Luwn luona l’iha magiembi .
142. Luwn piäl’l’ä l’iha kažvaw .
143. L’ymmyt’ä rawdua , kun’i on kuhma .
144. L’ähet muwvalda äijiä šuamah , koista en’ämmän kavotat .
145. Magavolla keguo et nošša .
146. Maguajalla – pielušta .
147. Mid’ä muwt , šid’ä i avošuwt .
148. Mid’ä pl’äčöt’ät , šid’ä i n’äčöt’ät .
149. Mieron šuwda et šalbua .
150. Mierošša kuin mereššä : kaikkie on .
151. Mieš – da i miel’i , l’indu – da i kiel’i .
152. Mi humalatta miel’el’l’ä , že humalašša kiel’el’l’ä .
153. Min’n’a on mierošta otettava : mit’yš popad’iw .
154. Mis’s’ä hoikka – šiid’ä i poikki .
155. Mualla pid’äw el’iä muan rukah , ei n’in mualda pois’ .
156. Muamolla lapšet ewlla armahat šomuten , ollah armahat omuten .
157. Muamon vičča villan’e .
158. Muamo poigua žal’eiješša it’köw , kuin jogi virduaw ; čikko vel’l’ie – kuin ruwčča pagenow ; nain’e mužikkua – kuin kašše heit’t’iäčöw .
159. Mužikašta ed’izeh eruot harpawkšella , šiid’ä – viršalla , a žen jäl’geh i – yn’n’äh .
160. Myt’t’yöt kannot , muozet i vežat .
161. Nagrajan šuwh on parembi kaččuo , mi it’kijän .
162. Naiješša t’äwži šiegla d’engua , a naiduoh ew mil’l’ä šieglua oštua .
163. Nait’ikella ew n’i puppuo , n’i päppiä .
164. Naroš kiitoš on parembi nar’oš moitošta .
165. N’i ken ew šeppä šyn’d’ymiä .
166. N’uorušaiga – howkušaiga .
167. N’äl’gä – tora pereheššä .
168. N’äl’l’äl’l’ä – da omalla väl’l’äl’l’ä .
169. Ohvotn’iekkua šiä ei pie .
170. Olgah vain piäd’ä – l’ängie l’uboida .
171. Omašta ubitkua ewle .
172. Ongikala – da pakkuondapala .
173. On häd’yš , n’in hammaš halgiew .
174. Peigalo on keššel’l’ä kämmen’d’ä .
175. Opašša lašta , kun’i o poikki lawčan .
176. Oššettu käz’ie varajaw .
177. Ožatoin naimah – yöt l’yhen’ömäh .
178. Ottajalla yks’i riähkä – arvuajalla yhekšän .
179. Ottajan käz’i ei vaivu , andajan vaibuw .
180. Pahalla vaštah kät’t’ä et pane .
181. Pahašta pagoh – hyväh hyppiä !
182. Paimen ruoškua punow kaikkeh karjah varoin , a ei yhteh l’ehmäh .
183. Parembi yhekšän kyd’yö , mi yks’i nado .
184. Pehmiel’d’i l’evit’t’äw , da kovalda nowžet .
185. Pellošša peldo , n’ägöw , mečäššä meččä kuwlow .
186. Pereheštä erottuoh kolme vuotta pid’äw ruadua vain vuarnoih varoin .
187. Pien’d’ä kiit’ä , šuwrella takka pane .
188. Pikkaran’e koiran’e on ijän pendun’e .
189. Pit’kä ilo itukši .
190. Počči muistaw šyönd’äsijan , ei muissa l’yönd’äšijua .
191. Poiga hawkkuw – kiwgualla i kabad’i , vävy – jo kiägäštä i pyz’y .
192. Rebo revon hännäl’l’ä ei tallua .
193. Yheštä opaštunnuošta kolmie opaštumatonda ei pie .
194. Rodu ew redu .
195. Rodu lapšen t’embuaw .
196. Ruado mieštä еi riko .
197. Ruattu – ew muattu .
198. Šigua panet kartalla – hiän i jallat noštaw kartah .
199. Šiäštäjäl’l’ä šyöjä l’öwd’yw .
200. Šuor’ita kando , n’in i že l’iew šoma .
201. Šuwda viär’is’s’ä , da omua puol’issa .
202. Šuwrella pinolla rewnašša on hyvä laštuz’ie kerät’ä .
203. Šuwr’i pala i šuwn r’evit’t’äw , pien’i kyl’l’äššä pid’äw .
204. Šurmalla da šulahazella vägeh et män’e .
205. Šyön’d’ä šyönnän piäl’l’ä šobiw , l’yön’d’ä l’yönnän piäl’l’ä ei .
206. Že koira ei košše , kumban’e hawkkuw , purow že , kumban’e urizow .
207. Že že l’indu , da virret toizet .
208. Tanhuon šijan muwtat , tabua et muwta .
209. T’erän alda vain piäžet , n’in hamaran alda piäžet .
210. T’iet’en hebo regie potkiw .
211. Toivotuš da muan’itus ollah rinnakkeh .
212. Tuattuo da muamuo ei fat’i ijäkši .
213. T’yhjäl’l’ä n’i mid’ä et t’ykiče .
214. T’yhjä värči šeizualleh ei pyz’y .
215. T’ywn’i väl’iämme t’ywriäw .
216. Vačča ewle z’irkalo .
217. Valehukšella ed’äh et aja .
218. Vanhah varua ei pie pid’iä .
219. Vanha vavolda ei ševo .
220. Ver’i vet’t’ä šagiembi .
221. Verkazel’d’i i l’eppä l’ymbyw , kerdah i kadaja katkiew .
222. Vierahaššä šil’mäššä soruzen n’ägöw , omašša i hir’t’ä ei dogad’i .
223. Vieraš luw pert’is’s’ä riidua eččiw .
224. Vieraš randa – vilu randa .
225. Vierašta pid’äw ottua vain žen verda , mi šil’mäh mahtuw .
226. Vies’t’il’l’ä podvodua ei pie .
227. Virduajua vet’t’ä et pijä .
228. Vora hot’ šein’ät jät’t’äw , palo kaikki keriäw .
229. Vorua lukku ei pie .
230. Vägeh vävykši et vejä .
231. Vävynken vain kalakukkoh käz’iin , vel’l’enken kondieh käz’iin .
232. Yheštä huavasta l’iew l’eibälabieda i tuahilabieda .
233. Yhteh hiil’eh puhutah .
234. Yks’i šuw it’köw , yks’i šuw nagraw .
235. Yl’ähäkkiä l’indu l’end’el’öw , da ei t’iijä , kunne istuočow .
Poslovičat
Karelian Proper
Tolmachi