Texts
Return to list | edit | delete | Create a new | history | Statistics | ? Help
Hebomvor
Hebomvor
Veps
Central Western Veps
(Sarn
)
Ende eliba mužik da ak .
Elend hiil’ hebod .
Nu mužik sanub : «Den’goid ele osttes , mända kuna-nibud’ , da miččeheni bohataha mužikaha öks da voruida hebo ».
Läks’ kodišpei , dorogadme astub da dumaib : «En tä kehe mända da kus hebo voruida ».
Dumai , dumai : «Mänen vot ningomaha bohačoho , ödun i hebon voruin’ ».
Händast mužik sabust’ .
«Edahasik astud ?».
– "Ka astun nakkana ningomaha derenaha az’ad ".
– «Ka minä-gi sin’n’a derenaha astun ».
Sen paginan , toižen paginan otiba .
«Astun , saab , hebod voruimaha , ningomaha pert’he ».
– «A minä , saab , astun sihe pert’he prihašt’ voruimaha ».
– «Kut sä priheižen voruid’ ?».
– «Ka voruin , saab , muga : ehtkoižuu ištuse užinale , priheine kerdan hernub , niken ii sano ”Buid’ zdorov ”, toižen kerdan hernub – niken ii sano , kuumanden kerdan hernub – ii sano , i minä öl otan necen priheižen .
Minä , tedad , olen čort ».
– «Nu , čort ka čort .
Minä ka ödun , uinotas kaik , mänen tänhale , hebon val’l’astan i uidin’ hebuu ».
Hüvä , tuliba .
Mužik män’ pert’he , öks taričihe , a čort trubha ličoiheze da i kundleb sigä .
Müžik ödui .Užinale ištuihezoi .
Priheine čehni hernuda kerdan , niken nimidä ii sanotud , toižen kerdan hernui , niken nimidä ii sanotud , kuumanden kerdan hernui niken nimid’ä ii sanotud .
A nece mužik i sanub : «Buid’ zdorov ».
Nece trubaspei kobegan’z’ : «Hebomvor , Hebomvor !».
«Ka mi hän kulub ?» – ižand saab .
– «Ka kulub , prihač , vot midä . Mini dovediše nügde jo priznaidas .
Minä , sanob , tulin’ tijale hebod voruimaha , а minunke tuli čort necidä tiide prihašt voruimaha i sanoi vot ninga i ninga .
Kuume kerdad priheine hernub , niken ii sano ”Buid’ zdorov ”, ka min’ä öl priheižen otan ».
Ka mužik hälle spasiboid’ , ak spasiboid’ .
Homencuu mužikan sötiba , vinou jötiba , hebon val’l’astiba i hebon andoiba kaiken val’l’astusenke .
Mužik kod’he šarahti .
Hebod ii voruind , andoiba čomašti .
Hebomvor
Veps
Central Western Veps
Конокрад
Russian
«
– «
– «
«
– «
– «
— «
– «
«
– «