Texts
Return to list | edit | delete | Create a new | history | Statistics | ? Help
Ded’oi meil oli plenas
Ded’oi meil oli plenas
Ludian
Central Ludian (Munozero)
Ded’oi
meil oli plenas , Germanijas .Kovs on tämä germanskaja oli voina , hän on puuttui plenaa .Sit plenas siga hän puuttui tämin bohatuinno ižänduoinke i hän ruazi žiivatanke .Kovs Germanija osvobodila nämid vojennoplennij , hän soberize kodii .Tägä ved’ pereh oli : ižä da emä , da pereh tobd’ .No i nämäd ižändäd hälle sanottih što : Iivan Gerasimovič , mäne kodih , mäne .I ižände hälle azui čabatud .Čabatud edne azuttih vot yhtez , azuttih ved’ tämäs nahkaspiä , no nahkad čabatud hyväd , kablukad tobd’ad azui .I kablukkuh tämi pani kuldaižed monetki hälle , što hyö ol’dih , tiedi , kui sanoi , što hyö bednie .Vot , mäne , sanou , kodih , osta žiivatad , osta muad .A esli et tahto siga eläda , akke tänne tulou , tulkat meile .Hyö ol’dih ižände da emände .Lapsiid tuot , i tägä budete elämäi .Meil kui elit , muga i perehenke .No died’ kodii tuli .Minä tädä en mušta , tädä minule mamo kai saneli .Meile kaik tämäd saneli .
Ded’oi meil oli plenas
Ludian
Central Ludian (Munozero)