Texts
Return to list | edit | delete | Create a new | history | Statistics | ? Help
Kut mužik pagastaspei grähid’ sai
Kut mužik pagastaspei grähid’ sai
Veps
Central Western Veps
Ende
eli uk järven taga .
Pagastha nikonz ei kävelend , a rahvaz kaika sandas : "Midäk hän pagastha ei kävele ".
Erašti äjanpäjan sab : "Kuckam necidä ukod , v obšem , väges vegäm pagastha ".
Mäniba kucmaha .Nece uk kodiš .Pagastha ukon kucuiba väges .
Uk pagastha sobihes , tuli järverandha , järverandas rahvaz venhil da ajetas .A hän ei ištnus venheze .Kopsutab vetme järves .
I jougoid ei kastand , pagastha tuli .Tuli pagastha , osti tohusen , proidi , tohusen seižuti , laskihe koimbuile ikonan kohtha i ristiše .
Ristiše i kundleb .Tuli besid vatag .Hebonahkan levitiba lavale , grähid kirjutadase , ken miččen grähän sigä tegeb .
Kirjutiba , kirjutiba grähid , kirjutiba , kirjutiba .Enamb grähid nahkale mülü ei .Nahk pen’ .Midäk tehta ?
"Vedagam , sab , tabagamoiš ümbri , da necen nahkan , dei vuu mülüb grähid ".
Kaik krugom tabazihe , dei vediba , vediba .Ühtuu besou jougad libestuiba dei hän peri .
Nece uk oti dei muhahti .Muhahti dei .
Pagast končihe , uk astub kod’he .Kod’he astub , tuli järverandha ,kaik ištuiheze venheze da ajetase , a hän töndui järvedme , vöhössei vedes bradi .
Tuli kodihe i sanui : "Enamb minä pagastha en mäne .Minä pagastas sein enamban grähäd ".
A hii küzuiba : "A mijak sinä "?
Hän sanui : "Besad tod’he hebonahkan .Da grähäd kirjutiba , kirjutiba .Dei enamb mülünd ii .Da hii hebonahkan-se vediba , vediba , ühtou besou-se jougad libestuiba , dei hän peri , a minä muhahtin ".
Kut mužik pagastaspei grähid’ sai
Veps
Central Western Veps