Texts
Return to list | edit | delete | Create a new | history | Statistics | ? Help
Pajod
Pajod
Veps
Central Western Veps
Pajatagam
pit’kid’ pajoid’ ,
pajatagam lühudįd’ .
Uugam lüpköi vanhoid’ prihoid’ ,
fatib miile norembid’ .
Kukkub kägei , kukkub kägei ,
konzgi kukkub , konzgi ii .
Minun milai muga radab :
ehtou tuleb , toižuu ii .
Kukkub kägei , kukkub kägei
kuivan kuzen ladvas .
Voikab , voikab niičukaine
čomou prihou kaglas .
Paštab , paštab peiveihudem
boksiin’ale iknaha .
Kacuhtaške , mamoihudem ,
mitte verhiš eläda .
Oi sä , mamoi , oi sä , mamoi ,
rodid' sinä gor’ale ,
stanovitsa jougaižile ,
oigenzid' sä raffaze .
Kukkub , kukkub kägoihudem
kahtuu habalehtuižuu .
Voikab , voikab niičukaine
jogen taga peskuižuu .
Rahnoin’ snapun , rahnoin’ kaks’ ,
molombad-ne praznikaks .
Tegin’ drugun , tegin’ kaks’ ,
molombad-ne edahaks .
Sanuin’ minä kanaižele :
ala muni laptaižele ,
muni minun pordhaižele ,
kümne munad priheižele .
Paik-se čoma , paik-se čoma ,
rüuneižed-ne parembad .
Oma verhiš prihad čomad ,
jälleižed-ne parembad .
Mušta regi , mušta korj ,
mušta kus mi kateimoiš .
Mušta penes pertiižes ,
kut mii seboitelimoiš .
Oi sä , Ul’a , oi sä , Ul’a ,
vouged samovar stolou ,
vouktad čaškad valetud ,
Ul’ou kudrid käritud .
Van’a šurgab regudel
derüunanno mägudel
i nikonz ii säreida .
Mikš vilud ii vareida ?
Torskahtab i jorskahtab ,
tol’ko lumi pörskähtab ,
vastmäghepei joksendab –
vot ku lämän saskendab .
Pajod
Veps
Central Western Veps