Texts
Return to list | edit | delete | Create a new | history | Statistics | ? Help
Van’ka
Van’ka
Livvi
Syamozero
Oli
sie leskiakku .Hänel oli poigu – Van’ka nimi .Ylen oli kewhy .Van’ka lähtöw kois piädy syöttämäh , ku kois ei ole ni midä .Muamah sanow :
– Mene , poigu .
Menöw häi i puwttuw kupčah , taričeh kazakakse .
Kupču sanow :
– Ga voit , požualui , ottua .
Kupčal oli tytär ylen hyvä .Kupču rubei Van’kua palkuamah , kazakakse viijekse vuottu i kyzyw :
– Äijängo otat viijes vuvves kazakoindas ?
Van’ka sanow :
– En ota ni midä , ku andanet tyttären mučoikse kazakoičendois .
Kupču rubei duwmaičemah akan kere : "Pidäw ottua kazakakse Van’ka , anna viizi vuottu ruadaw Van’ka . Viijen vuvven peräs mene tie midä vie roihez .Moožet annammo i bohatembale tyttären miehele ".
Palkattih Van’kua kazakakse , uslovii luajittih : viijen vuvven proidihuw tyttären Van’kal mučoikse .Viizi vuottu ruadaw Van’ka kupčal ylen hyvin , bezizmenno .Proidii viizi vuottu .Tuldih kupčan tyttäreh sulhaizet – toizen , ylen bohatan kupčan poigu .Kupču rubei tytärdy miehel andamah kupčan poijale .Pidi svuad’ban kupču , andoi tyttären miehel .Van’kale rodih ylen paha mieles , sanow :
– Kačo , ruavoin viizi vuottu : kewhäl vikse ainos pidäw tirpua .
Työndi kupču Van’kan melliččäh toizeh kyläh .Ajaw Van’ka melliččäh telegäl .Ajoi palaizen , virstan muadu . Kyläs telegäs os’s’u katkei .Van’kal duwmu tuli paha : "Kui minä ielleh piäzen melliččäh "?Duwmaiččemah rubei : "Midä ruadua "?Sit otti kirvehen , meni meččäh , rubei koivuw leikkuamah .Koivu diävii iänen :
– Älä minuw leikkua , mene telegällyö , sano : "Tartu , os’s’u endizeleh "!Dai os’s’u tartuw .
Van’ka koivuw ei leikannuh , koivu händy vie nevvoi , sanow :
– Konzu , slučai , rodineh midä , sano : "Piäze iäre "!, sit sigä i roitos , moločču .
Meni Van’ka telegällyö , sanoi :
– Tartu , os’s’u , därilleh !
Os’s’u tartui därilleh .Lähti Van’ka ajamah ieleh melliččäh .Meni melliččäh , rugehet d’awhotti . Tuli därilleh kupčalluo d’awholoin kele .
– Rugehet d’awhotin .
Kupču sanoi :
– Pane d’awhot aittah .
Van’ka pani aittah d’awhot .Lasketti häi hevon iäre .A ku Van’kal himoittaw tiijustua : "Ongo neče koivun pagin tozi "?Sanoi os’ale :
– Piäze , os’s’u , iäre !
Os’s’u helähtihes – katkei därilleh .Van’ka duwmaiččow : "Kačos kummua , koivu pravvan on sanonu "!
Menöw pertih kupčalluo .Kupču syöttäw Van’kan .
Tulow kupčal tytär vävyh kele gostih . Tullah gostih .Tullah gostih , ga Van’kal on paha mieles , sanow :
– Neče olis , hyviä myöte , minun mučoi , tol’ko vai ei andanuh minul kupču .
Kupču tyttären da vävyn syöttäw da d’uottaw , panow gorniččah muata .Van’ka sanow :
– Tartukkua piälei !
Hyö tartuttih .Muamah huondeksel nowzow .Paistoi kuda-midägi vävyle da tyttärele .Paistoi häi kaiken luaduistu piiruadu da nižustu , samvuaran keitti , koufein zavarii , kirgai :
– Vävy da Маšа , nowskua , koufei on valmis !
Vävy da Maša ni midä ei virketä .Teizen kerran kirgai .Opitah gorničas nosta , ga ei voija : tartuttu оn .Muamah menöw nostattamah .Kaččow , ga tytär da vävy tartuksis .Rubiew piästämäh tytärdy da vävyw muamah .A Van’ka sanow :
– Tartu sinägi !
Dai muamah tartuw .A tuattah tiä kuhn’al duwmaiččow : "Midä kaikin liennöw sinne d’owvuttu , pidäw lähtie kaččuo , midä sie ruatah "?Dai menöw sinne .Nägöw – kaikin kolmei tartuksis .Rubei tuattah piästämäh heidy . Dai tuattah tartuw .Opitah piästä , melotahez , ga ei voija piästä .Van’ka kaččow da nagraw , a Van’kale sanotah :
– Mene , – sanow kupču , – poikki d’oves on akku tiedoiniekku , häi piästäw meidy .
Van’ka lähti venehel tuomah akkua .Meni akale sanoi :
– Läkkä , t’owta , nengomat ollah dielot : kai on tartuttu , edgo sinä voi piästiä .
Akku ihastui , duwmaiččow : "Nygy kupču andaw äijän eluo "!Lähtiettin Van’kan kele . Istuihez Van’ka veneheh , venehen piästi d’o syväle .Akku rannal kaččow , i kirguw Van’ka akale :
– Tule veneheh !
Akku nosti helmat ylähäkse , i kualaw veneheh päi .Van’ka sanow :
– Tartukkua , helmat , ylähäkse !
Helmat i tartuttih .Akku piäzi veneheh , a helmat ollah ylähän .Nu , mendih kupčan kodih . Rubei akku piästämäh – dai tiedoiniekku akku tartui sih : ei voija piästä .D’o on viizi hengie sit šaikas .
Kupču käski Van’kua dowhturih .Van’ka val’l’asti puaran hebuo , panow heidy regeh , lähtöw linnah ajamah .Molodoit mennäh regeh , toizet dälles astutah .Tiedoiniekku akku astuw helmat ylähän .Ajaw linnua myö Van’ka ohjakset käis .Astuw kaksi suomelastu , trupkat suws .Dai trupkin kele suomelaizet sih tartuttih .Ajetah čiganua arteli vastah , obozu .Dogaditah trupkat ylen hyvät i tahtotah ottua trupkat iäre .Ruvetah trupkii ottamah – i čiganat sih tartutah .
Dogadiw heidy ur’adnikku – ur’adnikku hevol selläs ajaw :
– Mibo tämä čuwdoloi matkuaw , ettego piäze iäre ?
Ur’adnikku rubei nagaikal lyömäh , i ur’adnikku tartui sih .Ajaw Van’ka dowhturilluo pertih , artelin dättäw pihale .Dowhturil dielon doložiw , sanow , kui kai tartuttih . Nygöi on ylen tobd’u šaikku heidy .Dowhturi meni pihal kaččomah .Dowhturi sanow :
– Tämä , kačo , on kummu , pidäw oppie piästiä !
Rubei häi šelomah molodoiloi , i dowhturi sih tartui .Dowhturi sanoi :
– Nygöi kaikil pidäw yhteh tukkuh kuolta , ewle ni kunne mendäviä !
Dowhturi sanow Van’kale :
– Edgo sinä midä šuwttinuh ?
Van’ka sanow dowhturile :
– En , rawkku , minä šuwttinuh .Minä tiijen tiedoiniekan starikan .Häi piästäw , tol’ko pidäw sada rubl’ua piäständiä miehen kohtah .Starikku eläw kolmen virstan peräs , mökkizes eläw .Sinne pidäw kävvä starikalluo , starikal pidäw ezmäi d’eagua vediä , eiga ei usko .
Dowhturi andoi sada rubl’ua Van’kale .Van’ka lähti starikalluo .Meni Van’ka lawkah . Osti hyvän nahkaizen pletin .Tuli Van’ka dowhturilluo , dowhturii voidi kerran pletil selgäh i sanow :
– Piäze , dowhturi , iäre !
Dai dowhturi piäzi i lähti hyvis mielis kodih .Ur’adnikku sanoi :
– Piästä , velli , minuw , sada rubl’ua annan !
Dai ur’adnikkua iški pletil – dai se piäzi .Van’kal on d’o kaksi sadua d’engua .Čigan sanoi :
– Piästä , Van’ka , minuw , minä annan parahan hevon !
I čiganan piästi Van’ka , Van’kal on hebo da kaksi sadua d’engua .A suomelaizet sanotah :
– Piästä , ole niin hyvä , myö annammo rahua .
Iški pletil Van’ka , dai suomelaizet piästih .A tiedoiniekku akku sanow , što "vuota sinä velgah ".
– En vieri ni sinul , ni kupčal , ota velgah kupčal , da sit piästän .
– Piästä , Van’a ! – sanow kupču .
– En piästä , minä en usko sinuw : ved’ d’o viizi vuottu ruavoin , a sinä muanitiit minuw . Teidy minä tukul kodih vien , sie i rozberimokseh .
Ajettih hyö kodih pihal .Van’ka hevot lasketti .Hyö ainos ollah tartuksis .Van’ka sanow kupčale :
– Pie čottu viijen vuvven ruadolois , äski piäzet , enne ni piäze , kačo , et !
Kupču sanow Van’kale :
– Ota tytär mučoikse !
A Van’ka sanow :
– Huogehel tahtozit piästä , opät’ tahtot kielastua .Pidäw čottu pidiä ylen hyvin , äski piäzet .
Häi kucčui volosnoin staršinan čottua pidämäh da ur’adnikan .Viijes vuvves čotaittih Van’kale sredn’e seiččesadua .Kupču d’engas ei voinnuh täwdyä , kird’utettih kodi Van’kale kupčan .Sit rubei Van’ka piästämäh heidy .Tiedoiniekkua akkua iški kerran pletil , sanoi Van’ka :
– Tämä sille trudis !
Akku piäzi iäre .Otti , rubei kupčua piästämäh iäre .Kupčua išköw kerran :
– Tämä sille , – sanow , – suas rubl’as !
Išköw toizen kerran :
– Tämä sinul vuvven ruatutuksis .
Išköw toizen kerran :
– Tämä toizen , tämä kolmanden vuvven ruatutuksis , tämä nel’länden vuvven ruatutuksis i tämä viijes kierdu viijenden vuvven ruatutuksis !
I kupčan piästäw iäres .Rubiew pertih menemäh , Van’ka sanow kupčale :
– Vierahah pertih kyzymätä mene älä !
Ottaw Van’ka provodiw pletin kele kupčan virstan kolmen peräh , a iče vai pletil selgäh sordaw da iče kirguw :
– Povuadei vai vie kielastelemah !
Rubiew nygy akkua piästämäh .Išköw pletil :
– Tämä sille vuvven kielastuksis !
Toizen išköw :
– Tämä vuvven ruatutuksis !
I išköw kaikis vuozis kerralleh : išköw i hyväs piendäs da hyväs magaitandas – kaikes andaw akal selgäh , a sit piästäw iäre .
Rubiew tytärdy piästämäh .: Išköw kerran pletil :
– Tämä sille tuatan da muaman kuwlendas !
Išköw toizen kerran :
– Tämä sinul minun kielastuksis .
Išköw kolmanden kerran :
– Tämä sinul sulhaizen vietändiä !– I piästäw tyttären iäre .
Išköw kerran vävyydäh :
– Tämä sinul viinubuti̮lku , vävylöinny gostindua !
Išköw toizen kerran :
– Tämä sinul keitinpiirais !
Išköw kolmanden kerran :
– Tämä sille vierahan akan ruandua !
Išköw viijenden kerran :
– Tämä sinul svajakaspäi podarkat !
Piästäw heidy iäre .Heidy česno provodiw virstua kolme pletin kele , iče vai lugow :
– Ottakkua mielekse da enämbiä tänne älgiä tulgua !
Tuli kodih Van’ka .Rubei kois elämäh . Rapsai nai .Ylen hyvin vai i nygöi eletäh , hyvän-tervehen .
Van’ka
Livvi
Syamozero
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
Ванька
Russian
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–