Texts
Return to list | edit | delete | Create a new | history | Statistics | ? Help
Voik
Voik
Veps
Central Western Veps
Poručiba minun
vouktan voudeižen-se ,
krasnijan da krasoteižen
rodimijad da roditel’ad ,
kal’hed da kandjeihuded
minun vouktan da voudeižen-se .
Minä krasuimoi i likuimoi
ičiin’ dubovijou da laveižuu-se
rodimijoide roditel'oide
čomas da čogeižes-se .
Rodimijad tii roditel’ad ,
kal’hed da kand’jeihuded ,
kacuhtagateske minun gor’o-gor'kijan päle-se .
Poručeičitei vouktan voudeižen ka
verhale vilule da randeižele-se ,
diki edaheižele ka .
Verhad vilud armoižed-ne lin’das ,
ii rodimijan roditel’an armod-ne lin’goi ,
lin’das verhad vilud armoižed-ne ,
kiven da kinkčed-ne ,
roudan da kovučed-ne .
Sötei da tatoihudem ,
kutag minei linneb n’ugu erigata-se
ičemoi kal’hez dа kanzeižes-se .
Sötei sinä da čižoihudem ,
kacuhtaške minun gor’o-gor'kijan päle-se ,
otaške šä minun vouged da voudeine-se ,
krasnii da krasoteine-se .
Aigoin’ mäned vos’kal’hel da praznikeižele-se ,
ka krasuižoitaške i likuižoita
minun vouged da voudeine-se ,
krasnii da krasoteine-se ,
alaske sinä da unohta .
Paštaškandeb vouged peiveihut-se ,
minä verhou viluu randeižuu-se ,
hot’ l’ämbitab kaidad minun hardeižed-ne .
Sötei sinä čižeihudem ,
ala si’ä unohta krasuižoitta i likuižoitta
kut i ičiin’ vouged voudeižen-se ,
muga i minun vouged voudeine .
Voik
Veps
Central Western Veps