Texts
Return to list | edit | delete | Create a new | history | Statistics | ? Help
Däi armoittomakse brihačču
Däi armoittomakse brihačču
Livvi
Vidlitsa
Däi armoittomakse
brihačču .Häi läksi maailmal päädy syöttämäh .Tuloo vanhu starikku vastah .Kyzyy :
– Kunne , poigani , menet ?
– A menen , kus pään elättäzin .
Häi sanoo :
– Avaa suu .
Brihačču gu suun avaa , ga starikku suuh i sylgöö .Sylgöö , ga brihačču rubiaa kaiken dyttymät kielet tiedämäh .
Lähtöö ielleh astumah brihaččuine .Hänel tuloo kupsu vastah .Hänel on kolme heboo .Kupsu kyzyy :
– Kunne , poigani , menet ?
Häi sanoo :
– Menen päädy elättämäh , kuz vai pää eläz .
Kupsu sanoo :
– Edgo rubia minul heboo ajamah ?Minä sinuu syöttäzin dai d’uottazin dai šuorittazin .
Häi rubiaa .Lähtieh matkah .Kupsal on kaksi koiraa .Azetutah syöttämäh heboloi , a koirat laitah pagin : "Pahoi ižändy laadi , gu täh rubei syöttämäh .Täs kohtaa vorat tullah , kai kiškotah , hevot otetah dai iččeedäh tapetah "!Brihaččuine sanoo :
– Emmogo lähte toizeh paikkah syöttämäh heboloi , eigo kuz oliz ugoožoimbi ?
Kupsu i soglassihez .Brihaččuine nareko jättää veičen , tahtoo ispi̮ti̮vaija , ongo tozi , gu häi ellendi koirien paginan .Mennäh hyö palazen peräh , lasketetah hevot i däähäh sih yökse .Huondeksel ku brihaččuine nouzoo dai kupsal sanoo :
– Lähten minä tuon veičen , gu veičči unohtui sille kohtale , kuz enzimäi tahtoimmo huogavuo .
Menöö sinne , ga mugai on : sid verdy , da nägyy , što rozboiniekat on hälisty .
Lähtietäh ielleh , ga kodih däi vai palane .Koirat zavodittih keskenäh pagin .Vanhembi koiru sanoo nuorembal koiral : "Mene kodih da ylen äijäl hauku , štobi̮ ei rozboiniekat ruohtizi tulla graabimah "!Meni koirane kodih , ga parahite vorat oldih kois . Koirane ku zavodiihäi haukundan , dai vorat ääres pajetah .
Tullah kodih , ga emändy on pahaz mieles , sanoo :
– D’engat vai ehtittih varrastaa , muudu ei ehtitty , gu koirane tuli kodih .
Vanhembi koiru toizel koiral kyzyy :
– Kunnebo hyö d’engat pandih ?
A häi sanoo :
– Gu minä dällez ajoin , ga tuol pellol ollah höštetukut , sinne peitettih .
– Kačoidgo tarkah ?
– Ga tarkah kačoin , ei muijal ni kunne peitetty , gu vai sinne !
Huondeksel gu nostah , ga ižändy da emändy ollah ylen pahaz mielez .A brihaččuine i sanoo :
– Davaiz opimmo eččiä , emmogo lövvä ?
A kupsu sanoo :
– Ga midäi eči , ga onnaako ei saa löydää .
Vanhembi koiru nuorembal sanoo : "Menehäi kačo , kul kohtaa peitettih d’engat "!
Brihačču sanoo :
– Läkkähäi , ižändy , koirien kel koittelemmo eččiä .
Mendih dai löyttih ne d’engat .Kupsale ponraavihes se brihačču .Kupsu kazakan pani yhtenny huondeksen kyndämäh .Se gu kyndämäz gu tuli , ga häkki i maata vieri .A bokki pläššii .Bokki häkil sanoo :
– Oh uraa , uraa , gu robiat päiväkse ĸyndämäh !
Brihaččubo i kuundeli dai ižändälleh sanoo :
– Panez bokki kyndämäh !
Bokil gu kazakku päivän kyndi , ga illal häkki i kyzyy :
– Midäbo sinä et pläši nygöi ?
A bokki sanoo :
– Ohoo , opi vai sinä päivy kyndää , ga ei pläšindu mieleh tule !
Sit kiisto loppih .
A kupsu andoi brihačul tyttären mučoikse .
Däi armoittomakse brihačču
Livvi
Vidlitsa
–
–
–
–
–
–
–
–
–
–
–
–
–
–
–
–
–
[Язык животных]
Russian
–
–
–
–
–
–
–
–
–
–
–
–
–
–
–
–
–