Texts
Return to list | edit | delete | Create a new | history | Statistics | ? Help
Mida edel södihe i g’odihe
Mida edel södihe i g’odihe
Veps
Central Western Veps
Kevädel
sabustelimei brotcal kalad .
Henot kalad saba ningomad , maimeižed i g’aredan kalan .
Touvel kiitäd maimkiitmišt’ .Kartohkeit’ krošid’ da maimiit’ sinna paad .
Päčipohg’ale levitam ouged i sinnä roiba kalan , kiivdamei .
Penen i suren , hougid’ daže kiivedelimei .
Edel sadihe ejan kalad , pudin’ kahesin’ sabusteldihe .
Gärved rindal , gär’v miil’ ičemeiden derenas sür’ .
Potom ajelimeiš Mud’gärvele , Tüžangärvele , Kovergärvele , Karhilgärvele .
Kalaspei kurnikat teged .
G’ouhod sitiid’ , panod vet i blödas teget tahthan .
Potom skan’c’an ajad , neche skan’c’ha panod kalan , souptad kur’ikan i päčhe paad .
Nižiižes g’ouhos tegel’tihe kurnikad , g’aredas kalas .
G’ouhospei kalitkiid’ tehlimei , liibän paštlimei .
Segeitamei teignaha miigitest , miignob , potom neche miigiteshe segeitad g’ouhon , liibän paštad .
Kalitkeid’ nižiižes g’ouhos tehlod , rahtpirogan , muite nižunikiid’ teged , vatruškeid’ .
Teged rahtiišpei pirogan ili g’ablokeišpei , teged kapustaspei pirogan , kalaspei .Touknaspei tehlimei toukunkalitkeid’ , toukunpirgiid .
Ajad skan’c’ad , touknad segeitad i kiitäd voiš .
Kolobiit’ touknaspei tegelimei .
Erašti muite teget söda , kiität kašat touknaspei .
Teget surinkalitkeid’ , surinkašad kiitäd .
Mid’ä marg’išpei tehlimei ?
Bolad keradelimei ka tegomei touveks .Bolat puhtastamei , zalimei kipätkol i mugoman bolan söskenzimei .
Bolaspei kiitäd bolkašad .Paamei rugihižd’ g’ouhod i kiitämei bolkašad .
Lohkeit’ tehlimei nagrhespei .
Nagrhen krošid’ henošti , panod g’ouhod , pejän päčiš om i vot nece lohkei .
G’ouhospei tahthan völ miiktan tegelimei , idün .
Idätamei rugihen , g’ouhomei , potom tegomei surho padaha ningomaha , ei čugunnikaha , a savižehe padaha , päčhe panomei .
Pejän päčiš hän om , sigä imitüb , ehtkeičel vedad , söd palabad ningomad .
Nagrhespei repnikeit’ tehlimei .
Krošimei nagrhen , skan’cid’ ajamei g’ouhospei , panomei skanc’ale , souptamei ku piroškan i päčhe .
Paštub i vot nene repnikad .
Krošimei čugunnikaha nagrhen , panomei päčhe .Hän pejän houduse sigäna , a ehtkeičel otad i söd .
Paštikahid’ paštlimei .Panomei nagrhen päčhe , hiled vedamei väheižen , räked ii pidä propustida .
Paštuba paštikahad peilonghesei , peilongiš tulemei , paštikahid’ vedamei korzikon , stolan taga ištud i söd .
Repeit’ teged , repeihe krošid' nenit’ paštikahid'’ .
Čajüd silei vähän g’odihe , silei saharid’ vähemban ostetihe .
Muštan mama osteskenz’ saharid’ , kilograman ostab ka touven sömei , praznikan .
Touvel samvaran eitha vöb i ühtel söndal .
Ku praznik ka hän samvaran pert’he , ast’g’at , kacun , per’the , saharnican pert’he i vot čajun tol’ko g’omei praznikan .A nedalil em g’odud nikonz .
Maidod bude söd , miiktat tegoba da vot rahtišpei miigetetas .
Skopiba rahtiid’ kezal , а potom ladiba süguzel necen maidon i touvel rahtmaidod mödha söd , mittušt ni surinkašad kiittäs g’aredas sur’mas ili lihakiitmišt’ kiitäd da maimiš kiit’mine .G’aredad sur’mad da maimit’ pandas väheižen kiivid’ , i vot mugomat kiitmišt’ söd , a mödha möst necida rahtvet , rahtmaidod söd miiktad .
Edel oluden kiittihe .
Idün idätet’ihe i vot kiitäd .
Bučiižihe souptad da kehub sigä koume pejäd , eskei g’oba .
Necen praznikan g’osketihe , a nedalil ka ii g’odud .
Vinad silei ostta ka dengiid’ , näd , vähän zarabativaimei ka ii vinhasei .
Kagreižes g’ouhospei , kürzit’ pašteskenzimei .
Kürzit’ paštamei , potom kagrašt’ tahtast ili korbiid’ ...
Kut korbiid tehlimei ?
Samvar kehub , mä muštan , mama tegesken’z’ .
Ehtkeičel samvaran lämbitab ili sigä čugunnikan , kip’atk kehuštub , nec’he kip’atkoho zavarib kagrašt’ g’ouhod bl’odha i sagedaks ningoman tegob , tol’ko kogos püžub , i vot necen sömei , korbiin’ .
Kürzit’ paštab da tegob munaričad ili painimaidot tegob , paab prostokišad , rahtiid’ , kandatest i ningoman-se painamei .Homesol kuni paštab , ka mö sömei palabad .Longiš ka munaričake sigä ili kala hen žaritut , necen kalake söd kürzan .
Senen žarib homesel , söskenzimei kürzid’eke ili pejäl ka kartohkeideke .
Kevädel kagran semendamei , sügüzol rahnomei , haz’g’ha paamei .
Haz’g’aspei vedamei gomnale , ahtamei riheze , lämbitamei , potom tapamei .
Touvel purnhu , a purnuspei otamei , konz , nääd , touknat tehta .
Houdud , päčhe panod ili lačhu panomei , kivid’ laskomei nec’he touknaze .Nääd , ei tehta ka i kived kehuba sigäna kagras , kipätkol zalimei necen kagran , a potom kived sin’n’a .
Kehub , krepimei .Potom necen kagran valutad seglha i päčipohg’ale paad , kuivdad .
Potom vöd mel’nicale , g’ouhotad , segliid’ i vot toukun linob .
Panod solad väheižen völ keskhe kagrale , linob skusni toukun .
Söd muite ili teged toukusüdant .
Panod prostokišad , kandatest i necida touknad i ningomad söskenzimei toukunsüdant .
Mida edel södihe i g’odihe
Veps
Central Western Veps