Texts
Return to list | edit | delete | Create a new | history | Statistics | ? Help
On kolme vellesty, tuatat-muamat kuolluot
On kolme vellesty, tuatat-muamat kuolluot
Livvi
Vedlozero
On
kolme vellesty , tuatat-muamat kuolluot .Kaksi on hyviä , kolmas on tuhkimus Iivan .Toizet vellet sanotah :
– Mindäh sinä ruadane et ?
Häi vai spokoino päčil maguaw .
– Ni vetty et tuo , ni lat’ettu et peze , ni midä et rua !
– Pidäw lähtie , – sanow , – hot’a vetty tuvva .
Meni astui järvirandah .Havgine maguaw haguon alla .
– Pidäw ottua i keittiä , syvvä kurjan kulkuh .
Hawgi anow :
– Älägo ota vetty , älägo minuw !Mene kodih , minä sanon sinulles – muga vetty tulow .
Häi kodih tulow .
– Po šutki podvorki , štobi̮ vetty olis !
Hawgine hänel nämä sanat nevvow .Jo nowzow häi lawčal , jo nowzow orrel , jo nowzow trubah , jo on vetty ynnäh täwzi perti .Hänel juohtuw net sanat mieleh :
– Po šutki podvorki , štobi̮ vezi iäres menis , seinät , lattiet pestä i astiet tävvet vetty jiäis !
Vellet tullah kodih .
– Kačo , urai ! Vetty kois ei ole , a pihal päi on seinät i pordahat pessyh !
Tullah pertih : perti pesty , kabrastettu kai hyvin .
Menöw aigua sie mi mennöw .Vellet suwditah :
– Et tuo halguo , edgo midä !
Nygöi ottaw kaksitostu regie .Aizat pystyh nostaw , sanow :
– Po šutki podvorki , kai reit tävvet halguo !
Iče istuhes jälgimäizeh regeh .Ajaw suarin ikkunan alači .Suarin tytär kirguw :
– Kačo , urai ajaw , kačo , urai ajaw !
Iivan Tuhkimus sanow :
– Po šutki podvorki , suarin tytär kohtustukkah !
Ollah-eletäh , mi aigua mennöw sie .Suari sanow :
– Mi neče kummie ollow : kaksi hengie on kaččojua , tyttärel ainos vačču kazvaw !Mi nečė kummie ollow ?
Menöw kodvu aigua , suarin tytär suaw lapsen .Suari sanow :
– Pidäw kaikkii mužikoi kuččuo täh , kedä poigu kirguaw tuatokse .
Kučutah kai mužikat , ei kirgua ni kedä tuatokse .Vellet sanotah :
– Olis meil Iivan velli , ga päčil ni liikahtai ei , ei voi lähtie .
Suari duwmaiččow : "Ga olis ku sidä kuččuo "!Händy kučutah .Päčin očal jallat panow , sanow :
– Po šutki podvorki , tämä päčči suarin kodih !
Ajaw suarin pihah , brihaččune ikkunah hyppiäw , sanow :
– Kačo , tata ajaw , tata ajaw !
Suari ottaw da moizen pučin laittaw , kaksipiähizen .Ottaw da sinne panow brihačun , Tuhkimuksen i suarin tyttären i merel työndäw .
Merel äijy vuottu ajellah .
– Blahoslovikkua puččie potkuamah ! – sanow brihačču .
– Älä potkua , keski merel olemmo , – sanow muamo .
Ajetah vägi kodvan aigua vie .Rubiew pučči randoih kolizemah .
– Nygöi blahoslovikkua , tuatoini i muamoini !
– Nygöi blahoslovimmo !
Pučin hajottaw häi .Moine on korbi rannal , što ei mennä hiiret alači , linnut piäliči .Brihaččuine sanow :
– Po šutki podvorki , täh rodikkah suarin kodie parembi kodi !
Puwt ku ottaw viwhkuaw , kodi roih seičas ylen hyvä , parembi suarin kodie .
Ollah-eletäh mi vuottu .Heil ongo syvvä , ongo juvva , kaikkie luaduo !Yksikai suarin tyttärel himoittaw nečil čural kävvä .
– Et piäze ni kuin tuane , – sanow .
Poigu sanow :
– Ну , et piäze !Hätki menöw tuane piästes !Po šutki podvorki , štobi̮ olis sildu rešotkoin kel poikki meres !
Sildu rodih .Suari sanow :
– Mi neče kummie ollow !Nečil čural enne ni midä ei nägynyh , a nygöi rešotkat läikkäw !Nygöi työnän polkan saldattua kaččomah .
Menöw polku , lähenöw .Poigu kaččow ikkunas i sanow :
– Po šutki podvorki , kai saldatat mereh !
Kätty-jälgua vai viwhkaw , ku mereh mennäh .
Ollah-eletäh , kodvu aigua menöw .
– Mi neče kummu oh , ni midä viestie ei saldatois , ni mis , – sanow suari . – Mengiä vai toine polku !
Poigu opät’ kaččow ikkunas i sanow :
– Po šutki podvorki , kai mereh !
Suari sanow :
– Tämä dielo ei hyvä .Kaksi polkua työniin saldattua , ni viestie ei tule .Nygöi otan polkan saldattua i iče lähten .
Ottaw polkan saldattua i lähtöw .Iče astuw iel , a polku jälles .Mennäh sinne .Poigu kaččow i sanow :
– Saldatat i suari vedeh !
Muamah sanow :
– O , hospodi , о hospodi !Mi tuah rahvastu pogibaiččow , minul kai žiäli on .
– On , ga ruttoh nuat juostah : po šutki podvorki , – sanow , – kai saldatat i suarigi noskah !
Sid kätty-jalgua vai viwhkaw , ku meres nostah , i suari nowzow .Ni jällel päi ei kačottu , ku matkattih iäre .Ei nähty kodie ni midä .
Minul pohjattomal stokanal viinua . Mat’oil pluat’t’u , sinul troikku .
On kolme vellesty, tuatat-muamat kuolluot
Livvi
Vedlozero
–
–
–
–
–
–
–
–
–
–
–
–
–
–
–
–
–
–
–
–
[По щучьему веленью]
Russian
–
–
–
–
–
–
–
–
–
–
–
–
–
–
–
–
–
–
–
–