Texts
Return to list | edit | delete | Create a new | history | Statistics | ? Help
Oli kaksi vellesty
Oli kaksi vellesty
Livvi
Vidlitsa
Oli
kaksi vellesty , yksi on torguiččii , a toine on köyhy .Laadii bohattu velli baalun .Nu bohatat kai kuččuu , a omaa köyhää vellii ei kuču gostih .Köyhy velli menöy i uksičupus syöy stolas lykittylöi braakkuloi – luupalazii .Bohatal vellel rodih huigei , ku hänel on bohattaa gost’aa , i työndi köyhän vellen ääres luuloi n'ablimas .Köyhy velli lähti itkunke , meni kodih i vi̮iduumaičči , sanou :
– Lähten hot’ bohatan vellen riihen puin , ku häin ei andanuh baalun aigah ni veruo syvvä .
Meni riihty puimah puolen yön aigah , ga kaksi mužikkaa ruskeis paijois jo ollah riihes .Kyzyy :
– Midbo miehii työ oletto , ku minä en tiije teidy , kugalaizedbo työ oletto ?
– Myö olemmo , – sanotah , – sinun bohatan vellen Ozat .
Häin i kyzyy :
– Kuzbo minun Ozat on ?– sanou . – Ku minä en tiije ni syvvä midä , ni d’uvva midä , ni sobaa ei ole pääl ?
Sanotah bohatan vellen Ozat köyhäl vellel :
– Sinun Oza magaa .
А sе köyhy velli sanou :
– A voizingo minä löydää händy , kus häin magaa ?
– Lövvät , lagiel pellol on , vihandal nurmel , sinizen kiven kulmas , ruskei vaate on al , ruskei pääl .
– A kuibo minä voinnen hänen nostattaa ?
– Mennes ota pajumättähäs viččaine i ristah-rastah iške sinisty kivee .
I sе köyhy velli mugai raadaa , i hyppää hänen oza , sanou :
– Ah , hätken magain !
Köyhy velli sanou :
– Da , sinä magaat , a minä en tiije ni syvvä , ni d’uvva midä , da sobaa pääl ei ole .
Oza otti iččeh pääs yhten tukan i andoi mužikal , sanou :
– Na , ota tukku , da mene !
Mužikku tukan otti , kormanih pani , palazen astui i käändyi därilleh , duumaiččou : "Oza minuu nälläs pidi , a minä händäh ni lyönnyh en , a midäbo täl tukal lain ?Lähten hot’ lyön Ozaa "!
Meni sih kohtah , kuz Oza magai – ga d’o ei ole ni kedä .Häin därilleh pahas mieles astuu kodih päi i astuu d’ogirandaa myö , kaččou , ga sorzu uidelou .Hänel se sorzu himoittas saaha , i d’uohtuu mieleh se ozan annettu tukku , i duumaiččou : "Engo voi silmukal saaha , laadin rihman ".Dai sai sorzan .
Se on sorzu kuldaine i kuldazen däičän muniu d’oga päivää .Mužikku se kuldazen däičän möi linnal d’oga päivää i rubei bohattumah .Hyvin rubei syömäh , hyvin rubei d’uomah i sobaagi azui .Bohatal vellel rodih zaavidno i rubei duumaimah :
– Mil sinä rubeit eloo saamah ?
Nu , velli vs’otaki ei sanonuh vellel , mil häin saa eloo .No hänel oli pieni brihaččuine , i sil häin maanitti , kyzeli .Brihaččuine sanou , što "taatol on moine lindu , kudai muniu d’oga päivää kuldazen däiččäzen , i taatto , – sanou , – myöy "!
Siit bohattu velleh rubei sen köyhän vellellyö käymäh , sanou :
– Hot’ ozuta , miittuine on sе sorzu ?
Nu , köyhy velli ozutti sen sorzan , a hänel siiven al on kird’utettu , što "ken tämän sorzan lihat syönnöy , se roih bohattu dostalikse igää "!A bohatal vellel himoittas se sorzu syvvä .Häin ni kui ei voi maanittaa sidä sorzaa velles .Häin bohattu ku on , ga ostau toizen sorzan i höyhenet krassiu d’uuri sen moizekse , ottau i peitoči vaihtau .Sen sorzan išköy i lihat keittäy .Keittähyy lihat panou ikkunal vilustumah .
Endizen köyhän vellen kaži tuli , lihat otti i kodih vedi .Kodih vedi , a brihaččuine net lihat i söi .Siit hyödyi i nygöigi vie nečie torguiččou .
Oli kaksi vellesty
Livvi
Vidlitsa
–
–
–
–
–
–
–
–
–
–
[Чудесная птица]
Russian
–
–
–
–
–
–
–
–
–
–