Texts
Return to list | edit | delete | Create a new | history | Statistics | ? Help
Oli ennen ukko da akku
Oli ennen ukko da akku
Livvi
Vidlitsa
Oli
ennen ukko da akku , vanhat , köyhäzet oldih .Hyö duumaijah : "Ei ole mil leibypalastu saaha , vod olis ruveta tieduimah "!Hyö yön aigah uveh peitetäh .Taloin ižändy eččii uvehtu : "Kunne liene uveh saanuh "?Sanoo :
– Minä opin tieduija !
– Voizid gu , minä hyvän palkan maksazin !
Ottaa kerää haavoh kottaa da nogikegälehty , lähtöö dorogoi myö eččimäh – roonu gu pidäs tääpäi olla !Dai lähtöy ielleh .Meni – ga kohti heboh !Hevon ižändy duumaiččoo : "Vai tämä on tiedoiniekku "!Ottaa da andaa d’engaa , d’auhoo , äijän eloo , dai hyö akkazen ker päästih elämäh : "Kačo , gu duuman piimmö "!
Saarin baalu rodiaa , häi hävitti imennoin kuldazen kol’čazen .
– Vod gu moine tiedoiniekku löydyz , imennoin kol’čazen löydäz , minä hyväd d’engat maksazin !
Neuvotah :
– Ga on pellol starikkaine , kudai tiedää .
Dai tullah starikkastu ottamah tiedohuol .(Eläessäh heijän pihah ei käynyh kibitky da troikku heboo )! Sen ker tullah starikkastu ottamah tiedohuol .Starikku proššaihes staruuhan ker .Kai itköö .Menöö sinne :
– Minul imennoi kol’čaine hävii , gu löydänet , ga bohatut ijäkse , a gu et , ga pää poikki !
Starikkastu pannah kammarih .Ei jo voi juvva ni syvvä !Händy :
– Mindähbo et juo , edgo syö ? Vai pidäygo dovariššu ?
– Ei mešaiče , hod’ olis !
Starikkaine oli plieššipää dai toine annettih plieššipää .Jo jälgi päivin ei tuskat synnytä vaččah , sanoo toizel :
– Oh , pliešši , pliešši , jälgi päivii elät kuldazen kol’čazen tähte !
Häi starikkazel jalgah :
– Oh , mis sinä lienet tiedänyh , što minul on kol’čaine ?– jalgah kumardah . – Edgo voi kui toizin käändää , emmo sano , što minul on kol’čaine !
Otetah da kol’čazen kanale syötetäh , oigias siives sulgaine katkatah tunnuksekse .Tuloo saari ga :
– Löyvidgo kol’čazen ?
– A sain tiedää ! Työnä kanaa arteli , ga ei piä kaikkii kanoi tappaa , minä tiijän , kudai on sen syönyh !
Työtäh vai kanaa arteli , dai ottaa :
– Tämä kana on !
Otetah dai kana tapetah .Kanal kol’čaine i lövvetäh .Dai saari andaa seiččemen podvodaa starikkazel syömää da juomaa .Akkaine muga ihastui , vai gu ei kunne enembää lekahutettas , pädis elää !Ei mene ni midä aigaa , taase kellos tullah ottamah .
– Mibo nygöi rodih ?
– Saari kučui !
Menöö :
– Vod voinu nouzi , sinuu pidää työndää tiedäjäkse !
Sen ker kamanduiččoo :
– Midä starikkaine raadaa , sidä i työ !
Starikkaine lähtöö , ottaa seivästy tukun olgupääl .Tuloo , aijastukus ottaa aijastu , dai toizet .Jo neprijatel’ nägyy .Laadii tulen dai saldatat tuli laitah .Neprijatel’ pöllästyy , azutah miira , voinu azettuu .Jo starikkastu vietäh saarilloo , häi sanoo :
– Minä sinuu syötän , juotan , kuldazes korietaz ajelutan vai jää minulloo .
Saari syötti , juotti ijän kaiken starikkaa da staruuhastu , mi vai kulkus kulgi .
Oli ennen ukko da akku
Livvi
Vidlitsa
–
–
–
–
–
–
–
–
–
–
–
[Знахарь]
Russian
–
–
–
–
–
–
–
–
–
–
–