Texts
Return to list | edit | delete | Create a new | history | Statistics | ? Help
Нома kazakku
Нома kazakku
Livvi
Syamozero
On
sie kyläs kewhy mužikku . Homa on nimi .Lähtöw häi mieroh , eigo ken ota kazakakse .Astuw d’uomua myö , ajaw pappi vastah .Pappi kyzyw hänel :
– Kunna , mies , matkuat ?
– Matkuan ruaduo eččimäh , eigo ken ottas kazakakse .
Pappi sanow :
– Minä ajan kazakkuo eččimäh , etgo minule lähte ?
– Lähten , velli , minule yksikai .
– Mibo on nimi ? – pappi kyzyw .
– Nimi on Homa .
Pappi sanow :
– Homa nimellisty ei käskenyt papad’d’u ottua .
Hyö – yksi yksiel , toine toiziel .Homa duwmaiččow (palaizen astui lujal ): "Papilluo kazakoija hyvä oliz ollu .Lähten d’uoksen meččie myö därilleh i tulen uvvessah papile vastah ".I d’uostes hänelleh puwtuttih nožničemet kerale , lyhendäw parran , štobi̮ ei pappi tundiz .A ennen ved’ dorogad oldih pahat .Pappi ajoi ylen hil’l’ai .Yhtytäh opät’ papin kera , kyzyw :
– Kunna , mies , matkuat ?
– Matkuan mieroh , eigo ken ota kazakakse ?
Pappi sanow :
– Minä ajan kazakkuo eččimäh , etgo łähte minule ?
– Lähten , velli , – sanow .
– Mibo on nimi ? – pappi kyzyw .
– Nimi on Homa .
– Ei muatuška käskeny ottua Homa nimellisty kazakkuo .
Homa duwmaiččow : "Kui nygöi "?Opät’ erotah : pappi ajaw yksiel , Homa , toiziel .Astuw Homa palaizen i duwmaiččow : "Lähten opin kolmanden kerran papile taritakseh ".D’uoksow därilleh meččie myö , keriččöw ičelleh piän .Astuw opät’ papile vastah .Vastavutah . Pappi kyzyw :
– Kunna , mies , menet ?
– Matkuan mieroh , eigo ken ota kazakakse .
Pappi sanow :
– Minä ajan kazakkuo eččimäh , lähtedgo minule ?
– Lähten , velli .
Pappi kyzyw :
– Mi on nimi ?
Häin vastuaw :
– Homa on nimi .
Pappi sanow :
– Kolmas mužikku tulow vastah i kai on Homa nimellizet !
А Homa papile vastuaw :
– Meil on , buat’uška , kai mužikat Homat .
Pappi duwmaiččow : "Siid ei maksa ajuo ielleh , a pidäw ottua kazakakse tämä mies ".Tullah kodih pogostale .Papad’d’u kyzyw papil :
– Mibo on nimi kazakal ?
Pappi vastuaw :
– Kazakal on nimi Homa .
– Minä ved’ kielin Homa nimellisty kazakkuo tuomas .
Pappi sanow :
– Kolme mužikkuo tuli vastah i kai oldih Homa-nimellizet , i tämä Homa sanoi minule : "Meil ollah kai Homat ", sendäh en menny ielleh .
Rubiew Homa kazakakse i ruadaw hyvin .Pappi mieldyi kazakkah i papad’d’u mieldyi , a Homa mies ei prostoi .Papad’d’ah kävyi druwgudiekkon .Nu ku pappi pidäw Homua ylen hyvin , Homale rodih žiäli pappii .Duwmaiččow Homa : "Hävitän minä nečen diekkonan , heitäw häi kävyndän papad’d’alluo ".
Tulow kezäaigu , varusteleh pappi kazakan kera niityle .A papad’d’u da diekkon paistah : "Vot nygöi lähtöw pappi nedälikse kazakan kera niityl , siid ehki omal vol’al elämmö ".I lähtöw pappi kazakan kera niityle .Astutah kilometra kyläs päi , kazakku papile sanow :
– Buat’uška , myö menemmö niittämäh , a kovažimed diädih kodih !Pidäw lähtie tuvva .
Pappi sanow :
– Mene , velli , d’uokse teriembi , tuo .
Lähtöw Homa .Menöw hil’l’aizeh senčoih i rubiew menemäh pertih , uksel on kr’učku .Kuwlow , d’o on diekkon sie , kolahuttaw ustu , papad’d’u sanow :
– Nygöi neče on Homa , naverno mi-tahto unohtettih i tuli sidä ottamah .Kunnabo nygöi minä sinun peitän ?Peittie sinuo pidäw : täz on čerdakkah pordahat , mene hewhenkomšah .
Papad’d’u avuaw i kyzyw Homal :
– Minbo unohtiitto ?
Homa vastuaw papad’d’ale :
– Buat’uška käski , čerdakas onhäi hewhenkomšu , hewhenet on homehtunnuzet i pahat , lykätä komšu čerdakan ikkunas alah .
I menöw pordahiz , nowzow čerdakkah , ottaw hewhenkomšan i odva kiendäw ikkunas pihale , a kodi oli kaksietuažahine .Diekkon kömsähtih alah .Hot’ hewhenet oldih pehmiet , no vie bokku sattoih i odva lähti astumah .Homa sanow muatuškale :
– Näidgo kuhe sah on sportittuheze hewhenet , d’o miittuine madoine lähti !
Ottaw kovažimet i tulow papilluo , i astutah niityle niittämäh .A pappi oli prostottaw , ei tiedäny , što oma akku imeiččöw dielon diekkonan kera .I Homa ei sano hälle tädä slučeidu .Niitetäh nedäli , yölöil muatah niityl .Suovattan tullah kodih .Muatuška vastuaw , kyly lämmitetty , syöttäw , d’uottaw , muata panow .Tulow enzimäineargi , opät’ varusteltaheze niityle .Nygöi on niitty lähel , yksi on virstu kyläs , i diekkonan niitty on papin niityn rinnal .A pyhänpiän aigana Homa kuwlow papad’d’uo da diekkonuo pagizemas .Papad’d’u sanow diekkonale :
– Pappi kuččuw murginan enzimäizenarren niityl , no minä enzimäi vien heile pahembat syömizet , a siid tulen sinun niityle , tuon parembat , no vai azu tiehtet , kui niitule tulla , štobi̮ ei nägis pappi .
Lähtietäh niityle . Mennes Homa azuw tiehtet , kui käski papad’d’u azuo diekkonale .Puolenpäin aigana papad’d’u tulow tiešuarale i kaččow , on tiehtet , i sanow :
– Neče on diekkonan niitule , a tämä n’okos , tropinku , menöw meijän niityle .
Ottaw pahembat syömizet , a parembat dättäw sih i lähtöw n’okohtu myö .Astuw n’okohtu myö , menöw , ga diekkon niittäw .Kuččuw mečän randah i sanow :
– Prosti , raukku , nygy ošipkas minä toin pahembat syömizet .
I dättäw diekkonale .Menöw därilleh n’okkohol i ottaw parembat syömizet i ned nygöi gor’as pidäw vedie papile da kazakale .Tulow niityle , andaw syömizet papile da kazakale .Pappi syöw da duwmaiččow : "Kymmene vuottu akan kera elän , nengostu veruo ni äijänpäin en syöny , a nygöi toi niityle ".I syvväh murgin , huagavutah , lähtietäh орät’ ruadoh .Illal lähtieh kodih i papad’d’u on heijen kera .Muatah yö , tossupäivän lähtietäh luvvole .Huondeksel aijoi , päivy on hyvä .A papad’d’u diäw vie kodih i uskaldaw opät’ tuvva murginan i tulla ruadoh .Astutah palaine kyläs päi , Homa papile sanow :
– Buat’uška , myö heinii uberimah menemmö , a haravat jiädih kodih !
Pappi sanow :
– Mene , poigane , tuo .
Lähtöw Homa .Tulow hil’l’aizin senčoih i rubiew pertih menemäh , uksel on kr’učku .Naverno , diekkon on sie .Kolahuttaw ustu , papad’d’u sanow :
– Neče on Homa , naverno mi-tahto unohtettih .Kunnabo nygöi minä sinun peitän ?Ylen on Homa viizas , štobi̮ ei vois löytä !
I käsköw diekkonale d’aksuakseh .D’aksah diekkon .Papad’d’u käsköw nosta stolale seizoi .I seizuo muga , jesli Homa gorničan uksen avannow i kaččonow , štobi̮ ed lekahtazih , kiät huarattuo .Roitoz gu ristu i ristah raspinoidu d’umal .I avuaw uksen Homale i kyzyw Homal :
– Midä , Homa , unohtiitto ?
А Homa vastuaw :
– Huondeksel on hot’ päivy hyvä , no illal voibo vihmuo , a buat’uška työndi minun .Onhäi sv’atoi gorničas stolal , sille panna kolme yheksie tuohustu i käski moliekseh , siid mowžet pidäw kaiken päivän povvannu .
Homa muatuškale sanow :
– Anna tuohukset , minä panen i rubiemmo molimaheze .
I rubiew Homa tuohuksii panemah i nareko vahuo tiputtaw pal’l’ahile d’alloile , käzile i kaikele rungale , i ruvettih molimaheze .Molittiheze čuassu aiguo .Enämbi diekkon tirpuo ei voinu , diävii paginan .А Homa sanow :
– Kačo , vai userdno moliimokseh , kai d’umal hengistyi !
I siid diekkon papad’d’ale sanow :
– Nygöi minä enämbi sinulluo en tule , kuni et työndäne tädä kazakkua ieres !
Siid papad’d’u Homale sanow :
– Äijygo pidäw palkuo , min aiguo meil ruavoid , annan d’engat !
Homa sanow :
– Pidäw kolme sadua .
Papạd’d’u sanow :
– Enne meil oli kazakku , ruadoi kolme vuottu , otti vai yhten suan , a sinule pidäw vajuas vuvves kolme sadua !
Siid papad’d’u i diekkon kerätäh dostalit d’engat i annetah kolme sadua i työtäh Homuo ieres .
Tulow Homa kodih , ostaw lehmän , hevon , azuw kodin i enämbi ei kazakoinnu .Piäzi hyvin elämäh .
Нома kazakku
Livvi
Syamozero
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
Работник Хома
Russian
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–