Texts
Return to list | edit | delete | Create a new | history | Statistics | ? Help
Hätikkö-tyttären starina
Hätikkö-tyttären starina
Karelian Proper
Uhta
Oli
kakši sisarušta .Toini on laiska . Šen nimi on Hätikkö .Toini on virkku ta ruatau kaikki .Virkku tytär pesi pyykkie .Mäni avannolla huuhtomah vuatteita .Hänellä oli pualikka .Še kirpoi avantoh .Tyttö hyppyäy avantoh pualikalla jälkeh .Järven pohjašta läksi levie tie .Tyttö ei löyvä pualikkua ta läksi tietä myöt’e mänömäh .Tien piäššä tulou talo .Mänöy taloh .Talošša on koukku leuka akka .Akka kyšyy :
– Mistä olet , tyttön ?
Tyttö vaštuau :
– Tuolta olen yläilmoilta .
– Mitäpä šie tänne läksit ? – kyšyy akka .
– Läksin työtä-ruokua eččimäh . (Ei ruohi šanuo , jotta hiän läksi pualikkua eččimäh ).
– Miula on työtä ta ruokua .
Šyöttäy , juottau tyttären .Šanou :
– Mäne liäväh .Lypšä lehmät ta ašeta hyväsistä .
Lehmät ollah pahanšiivoset , šitašša .Tytär lämmittäy vettä ta pešöy ne hyväsistä .Lehmät ruokkiu , lypšäy , tulou pitttih , tuou maijon akalla .
Akka mänöy liäväh .Kyšyy lehmiltä :
– Mitein uuši piika ruato , hyvinkö ruokki ?
Lehmät šanotah :
– Hyväsistä pesi , ruokki , lämmintä juomista anto , hyväsistä lypši .
Akka šyöttäy , juottau tyttären hyvällä mielin , kun niin hyväsistä ruato .
Tytär kyšyy :
– Mitäpä nyt on työtä ?
Akka šanou :
– Lämmitä kyly ta peše hyväsistä lapšet .
Hiän mänöy , lämmittäy kylyn , vejen kuumentau , vaššat laittau valmehekše .Tulou pirttih ta šanou :
– Kyly on , täti , valmis .
Akka panou tuohiropeheh šammakon poikasie ta čičiliuškoja i šanou :
– Mäne peše nämӓ lapšet .
Tytär manöy ta ajattelou , jotta hyvät on nämä lapšet .Tytär pesi lapšet yksitellen , valo puhtahalla vejellä , pani ropeheh .Toi pirttih lapšet akalla .Nošti kiukahan korvalla .Akka kyšyy lapšilta :
– Hyväsistäkö kylvetti ?
Lapšet šanotah :
– Hyvӓsistӓ .Šie et ole meitä ni konša niin hyväsista peššyn .Hiӓn pesi ta valo meijӓt kaikki yksitellen .
Akka šanou :
– Nyt , tyttön , mäne poikeš .Miula ei ole enӓmpi mitӓnä työtӓ .
Antau tyttärellӓ palkakše kakši lipašta .Tytӓr lӓksi , otti yhen lippahan yhteh käteh , toisen lippahan toiseh käteh ta mӓnneššӓh löytäy i pualikan .Tulou kotih .Hätikkö-tytär šanou :
– Missӓ šie olit ?
Hiän šanou :
– Huuhoin pyykkie , kirvotin pualikan .Läksin šitä eččimӓh .Jouvuin tietä myöt’e taloh .Olin šielä piikana .Nӓmä lippahat šain palkakše .
Tyttö avuau lippahat : yheššä on kultua , toisešša šulkkuo .
Hätikkö-tyttärellä rupei mieli tekömäh , jotta pitäy hänenki lähtie šinne ta šuaha palkakše šemmoset lippahat .Hiӓn pesi vӓhӓsen pyykkie , mӓni huuhtomah , loi pualikan avannolla jiän alla ta iče hyppӓi jӓlkeh .Mäni tietӓ myöt’e šamaseh taloh , missä oli ollun sisӓr .Talošša akka kyšyy :
– Mistä olet , tyttö , mitä läksit tänne ?
– Tuoltahan ylӓilmoilta . Lӓksin työtӓ-ruokua eččimäh .
Akka šanou :
– Miula on työtä ta ruokua .
Šyöttäy , juottau šen tyttären .Käšköy liäväh :
– Mӓne juota ta lypšӓ lehmät .
Tytӓr mänöy liӓväh .Trӓhni kylmyӓ vettä eteh , miltä hӓnnӓn , miltӓ nӓnnin , miltä šarven kiskou ta vielӓ noituu lehmie .Tulou tupah :
– Täšš on maito , työt on ruattu !
Akka mӓnöy liäväh , kyšyy lehmiltӓ :
– Mimmoni on piika ?
Lehmät itetäh tušissah , kun hiän kellӓ mitäki pahua ruato .Akka kyšyy :
– Mit työ itettӓ ?
Lehmät šanotah :
– Šemmosen piijan laitoit , mikä trähni viluo vettӓ eteh ta meijӓt kaikki vaivasilla päivillä löi .
Tulou akka pirttih .Šanou piijalla :
– Mӓne lämmitä kyly .
Mänöy tyttö , pikkusen lämmittäy , šavun keralla pačkuau kiukuan pellin .Tulou pirttih , šanou akalla :
– Kyly on valmis !
Akka panou lapšet – šammakot ta čičiliuškot – tuohiropeheh ta käšköy kylvettämäh .Tyttö viey kylyh lapšet .Šiel on šavuo .Pačkuau šammakot ta čičiliuškot ropeheh yhtäaikua .Viluo vettӓ piällä .Eikӓ šen paremmin kylvetä .Katkuau miltӓ hännӓn , miltä jalan , puhkou šilmӓt .Lapšet itetäh , karjutah .Akka kyšyy :
– Mitein piika kylvetti ?
Ne itetäh ta šanotah , jotta puolet tappo ta loput šuatto vaiva-siksi .
Akka šanou :
– Mӓne nyt poikeš .Ei ole työtӓ enӓmpyӓ meilӓ .
Tytär lӓhtöy pois .Akka antau kakši lipašta .Šanou :
– Kun mӓnet kotihis , avua nӓmӓ riihen kynnykšellӓ , nin še tulou täyši eluo .
Tytӓr mӓni hyvӓllӓ mielin , jotta nyt hӓnellӓ on tavarua nӓin kaunehissa lippahissa , ta mӓni riiheh .Niin hiӓn avai lippahat : toisešša oli tulta , toisešša tervua .Riihi šytty palamah .Hätikkö-tytär tuli niin muššakši šavušta , kuin terva , ta šemmosekši jäi koko ijӓkšeh .
Šiihi še loppu .
Hätikkö-tyttären starina
Karelian Proper
Uhta
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
Сказка о девушке-неряхе
Russian
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–