Texts
Return to list | edit | delete | Create a new | history | Statistics | ? Help
Kulkijaukko
Kulkijaukko
Karelian Proper
Uhta
Oli
ennein kulkijaukko ta mänöy köyhäh taloh ta kyšyy yhteh mittah , jotta "antuat ruokua ".Talon joukko tapetah lehmä ainut ta keitetäh .Ka jauhuo ei ole yhtänä .
– Ka mäne šie aittah ta kačo , još šielä on .
– Ka ei šielä ole , kuin rnie vet eklein kävin ta ei ollun yhtänä .
– Ka mänehän .
Akka mäni aittah ta kaččou – kun on puurnut täyvet vil’l’ua .Ka kun akka hyvilläh , jotta on jauhuo !
– Ka nyt myö , ukkoseni , hyvin elämmä , kun šaima jauhuo äijän .
Vain kuin kerkisimä lehmän tappua ta lehmyä ei ole .
Ka ukko šanou , "jotta pankua huoli muata vašše ".Та muatah huomenekšeh .Ka kun talon ukko mänöy tanhuolla , niin lehmät kuin liäväššä ammou , nin kaikki hirvie .
– Ka a-voi-voi , akkaseni , kuin on lehmie liävä täyši !
Та kenen nuo , vel’l’et , lehmät ollah ?
– Ka kenen – tiän , – šanou kulkijaukko ta lähtöy pois kulkomah .
Šiitä mänöy toiseh taloh , jotta šais yötä olla .Šielä ei ole muuta šyömistä , kuin vuaššua ta mämmie .Talon tyttö lähtöy pohatalta kysymäh leipiä vierahalla .Mänöy ta kyšyy , jotta "antuat meilä leipiä , kuin vieraš tuli ".
– Ka käškiet še vieraš meilä riihtä puimah , jotta šuau hos yhtenä piänä kunnollah šyyvä , a vet on jo monta aikua šyömättä ollun .
Та niin annetah leipiä tytöllä .Ka kun ruvetah nassakašta vuaššua laškomah , niin ei ni lähe tulomah .Ka ruvetah kaččomah , niin kultua on ihan täyši , tai vielä nakrista karsinan täyveltä .
Ei nin ruven šyömäh , kuin läksi rikkahah taloh , mih pyritettih riihtä puimah .Mänöy taloh ta šanou , jotta "kuin olen kučuttu vieraš , niin rohkiešti tulen ".
– Ka tule , tule , meilä on vet riihimiehen tarviš .
Akka šanou , jotta "rupiemma muata , jotta piäšemmä riiheh ".Muatah , ta šanou kuin isäntä noššattau , jotta ka alkuat männä .
– Vet miun pitäy vielä šyyvä .
– Ka ei ni miiä šyömistä kuin riiheh !
Isäntä läksi , nin ei ni kerin riihen luo , kuin riihi oli jo kokonah palan .
Hiän ukko nousi ta mänöy yhen akan luo , ta akka juštih taikinua luatiu .
– Ka hyvä akkaseni , – šanou ukko , – luaji miula rieška .
– Ka mäne leikkua šse aikua puuta pihalla miula .
Ukko leikkasi puuta ta tuli pirttih , ta akka i antau vain riešan laitua vähäsen .Ka ukko šanou , jotta "mäne i šie , akkaseni , puušta ruokua šuamah ta šua ilmani ikäš ", ta niin akan työnši puušta ruokua šuamah ta ruokua šuamah ta muutti tikakši .Nytki tikka on akašta šyntynyt ta lentäy .
Šiitä hiän mänöy yhteh taloh , ta šiinä on kakši hyviä hevoista , ta šanou , jotta "milma pitäy lähtie kyytih ".
– Ka mitä šie et vielä pakaja !
Ka emmä myö šiun näkösie lähe viemäh .
– A että lähe , ka että i heposilla huomena aja .
Ukko läksi , ka toisena piänä heposet i kuoltih .Nyt hyö , tiijät , lähettih ukkuo jälkeh ajamah , ka kun ajetah ka nähäh , jotta šuuri herra ajau heposella .
– Ka etkö šie nähnyn ukkuo ?
– Ka näin , vain vašta rnäni .
– Ka ota meitä rekeh .
– Tulkua .
Kun läksi ukolla jälkeh ta ajau pilvih , jotta tiälä mänöy .
– Ka piäššä pois !
– Ka ei vielä .
Viimein hypättih pois ta niin kuoltih ta česnittih .
Šen ni pituhuš starina .
Kulkijaukko
Karelian Proper
Uhta