Texts
Return to list | edit | delete | Create a new | history | Statistics | ? Help
Laiska akka
Laiska akka
Karelian Proper
Uhta
Mieš
ennen šielä löytäy tyttären .Kuin hänellä šilmäh pistäy , tai kos’s’ou šitä , tai ottau šiitä akan .Alettih hänellä kylän akat šiitä šanuo , jotta "a-voi-voi , hyvä poika , mikse otit niin laisan moršiemen , kun ei kehtua ičelläh ruokua laittua ".
– Ei ole hätyä , kullä mie šuan naisešta naisen ! Još on halu šyyvä-elyä , niin šiitä pitäy šuaha naini .
No kun ruvettih elämäh , näköy , jotta šen verran kun šyömäštä piäšöy , niin šijalla käy , ei ni tikkuo tikun piällä pane .Hyö männäh illalla muate .Alkau mieš šanuo :
– A-voi-voi , kun olet šie kylmä , kun jiäpalani , enhän mie voi šiun kera muata .
Naine šanou :
– Miten niin , enhän mie ole šen paremmin kylmä kui ennen .
– En tiijä , no en voi muata šiun kera , niin kylmä olet kuin jiäpala .
No nouštih huomenekšella .Mieš läksi töihih , naini ei muuta kuin nousi kiukualla .Kiukuan puatiešša istuu , jotta anna kuumenou takapuoli .No päivän istuu , ei ni mihi liiku .Tuli mieš työštä kotih illalla .Hiän ei liikaha šieltä .Palvelijat pannah šyömistä ta juomista stolalla , hiän ei liiku .Kravatti luajittih i valmehella petillä mäni muate , kun mieš jo viruu .Miehen viereh kun mäni , a mieš i šanou :
– A-voi-voi , kuin olet šie kylmä , en voi mie šiun kera muata , kuin jiätukku huahat viereššä .
Šanou :
– Elä nyt turhie , päivän issuin kiukuan reunalla , jotta ihan tuškuau takapuoltani .
– Issu mitä issu , niin toivotko , jotta šillä lämpiet ? Et lämpie šillä .
– No mitä pitäis ruatua ?
– Mitä pitäis ruatua ? Työtä pitäis ruatua !Mitä enemmän ihmini ruatau , šitä kuumempi on .A tulen reunašša ei lämpie !
Ollah päivä .Naini rupei ruatamah , halkuo šahai , vettä kanto , puita kanto , päivän ruato , jotta hiki tuli očašta .Tuli mieš työštä – šyötti , juotti .Männäh muate .
– Ka mi [šiula ] on , kuin olet näin kuuma ? – naisellah šanou .
– Ka älä virka , koko päivän olen ruatan , jotta hiki očašta tippuu .
– Šanoinhan mie šiula , jotta työn ruannašša , ihmini lämpiey , eikä tulen reunašša .
Tuošta šai naisen , ruatajanaisen .Eikä laiskana muannun .
Laiska akka
Karelian Proper
Uhta
–
–
–
–
Ленивая жена
Russian
–
–
–
–