Texts
Return to list | edit | delete | Create a new | history | Statistics | ? Help
Sarail
Sarail
Livvi
Syamozero
— Sarail . Sarailhäi heinee oli
tukut sie suuret , sit sinne mennäh .Libo mennäh , nečidägoi , tiešoaroil mennäh .Sit en tiije , kui sie vie kohtu se kui sanotanneh , raukku , en tiije kui sanotah .Čertti vietäh .Sit sinne sih čertih ...da vie hoduine jätetäh , sit sih čertih sinne kattavutah miltah .Sit sie kuunellah .Sit sie voijah zagadat’ tože ...akat raskažittih , što zagadaijah ; kunnapäi gu mennen täl pyhäkeskel minä miehel , anna koiraine haukkuu .Sit znaačit kuunellah , sie istutah , istutah , sit vroode rubieu sie koiraine räyskymäh , kuultah koiraizen räyskehen .Sit znaačit sinä sil pyhäkeskel se tyttö menöy miehel .Ihan ozuttau napravleenien , kunnapäi häi menöy .Sen olen kuulluh tože .
— A äijygo ihmendy käi kuundelemah kerralle ?
— Käi toiči joukot kävväh . A toiči voijah kahtei mennä , toiči yksinäh .A toiči Syndyy ni kuunella ei .Iče kuuluu , Syndy iče kuuluu .Vot .Meijän Rupčois On’n’oin baba oli .Konzu tämä ennen voinoa häin kuuli , häin lähti Syndyy kuundelmah .Sit kuundeli , kuundeli Syndyy , iče häin raskaži .Sit tänne Jessoilahpäi , sanou , gu lehmy möngyi .Sit , sanou , lehmän möngeh kuului ."Mi neče , — sanou , — čuudo roih ? Synnynmoanaigah , — sanou , — lehmy möngyi ."Sil vuvvel laitih raududorogu i pojezdu rubei , nečidägoi ...Se ozuttihes hänel pojezdan röngeh .Pojezdan röngeh ozuttihes On’n’oin babal .Da-a .
— A käydih kuundelemah , pandihgo midä al vai ? Istuttih vai seizottih sit lumel vai ?
— Ga pandih ... Kattavuttih ...Naverno lumel , en voi minä sidä hyvin sanuu .Sanottih , što vroode kattavuttih — otetah valgei hurštine .Valgien hurstizen oal sinne kattavutah .Kattavuttih vroode .A moožet i muudu oli , minä en tiije .
— No a lähtielöil ?
— A lähtielöil , lähtielöil minä čevo-to en tiije .
— Kyzyygo se Syndy mitä kuulijoi ?
— Ga en voi minä sidä sanuu ... Syndyl kyzyttih .
— A midä hänel kyzyttih ?
— Nu a kyzytäh , ken kui vorožiu , kačo , što ozuta koiraine , kunna miehel mennen , dak anna siepäi koiraine haukkuu . I koiran haukkuu sidä kuultih , räyskäy koiraine daaže opredelittih .Eräs , kačo , räyskäy räyskäjen kui reboihut räyskäy .A eräs suurembal eänel , daaže vroode miettuine sie on ženihy .Ongo häi ylen bojevoi vai on ...roiteh räyskäččy moine .
Sarail
Livvi
Syamozero