Texts
Return to list | edit | delete | Create a new | history | Statistics | ? Help
Strašnoi peätenčy
Strašnoi peätenčy
Livvi
Syamozero
Strašnoi
peätenčy .Äijänpäivän jälgimäizel nedälil roavot roattih kai .Äijänpäivän nedälil nečidägoi , Strašnoil nedälil glavnoit roavot jo dolžni roata olla : pezot nenet , kai , ligaroavot .
— Ei roattu ?
— Ei roattu , da . A Äijän peätenčän voops’e ei roattu , ei soannuh ligaroadoloi roata .Nu midä l’ohkoidu sai roata , nenii midä ježednevnoidu .A štobi lattiet pestä , senčoit da kai nenet .Net jo ennen kai uberittih .
— Ei soannuh pestä ?
— Ei soannuh pestä , da . A Strašnoin peätenčän meijän mama ainos pyhitti .Häin argehistu nimidä ei syönnyh , häin pyhitti kaloa da vot .Kaloa g’ei lienne olluh , ga parembi siendy söi da pyhitti .
— Sinä pyhitätgo muga ?
— Minä en pyhitä . A teijänhäi suomelaiset nenga sanotah : "A ei häi ...se suuh tule , häi suuspäi lähtöy .A pyhitys se on tyhjy dielo " — suomelaizet nenga sanotah .Suomes pyhitetähgo ?
— Toizet pyhitetäh , toizet ei .
— Nu meijän rahvas pyhitettih , pyhitettih . Erähät ristikanzat peätenčän voops’e ei syönnyh nimidä , nimidä ei syönnyh kaiken päivän syömättäh oli , kudamat äijäl Jumaloa vieruittih da kai .Oli .A mama meijän pyhitti Strašnoin peätničän ob’azatel’no pyhitti .Daaže konzu pyhä zavodih , dak ...pyhä konzu zavodih , sit on enzimäine nedäli , konzu pyhä zavodih , sit tože , nečidägoi , pyhitti .
— A vie midäbo kielettih peätenčän roadoa ? Mužikal da akal ?
— Oi , se on reähky . Tiijen minä , midä sinä duumaičet .Äijänpeän sidä roadoa ...dai peätinčän se tože on reähky , se roado .Ei , sidä ei .
— Kielettih ?
— Kielettih , kielettih .
— Kogo nedäli vai ?
— Naverno , kogo nedäli . Se on kielty .Sidä ei .
— Kuultihgo konsa joka ... sen reähkän , ja midä sit tuli ?
— Sit voi Jumal rangastoa . Nakazat’ .
Strašnoi peätenčy
Livvi
Syamozero