Texts

Return to list | edit | delete | history | ? Help

Nevest i hänen podrušk voikaba änel

Corpus: Laments and lamentations

Central Western Veps, Bridal laments

Informant(s): Герасимова Оксинья Петровна, 1912, Ладва (Ladv), Podporozhsky District, Leningrad Oblast
recording place: Ладва (Ladv), Podporozhsky District, Leningrad Oblast, year of recording: 1989
recorded: Кузнецова Валентина Павловна, Лукина Н.

Source: “Käte-ške käbedaks kägoihudeks”, (2012), p. 82-85
audio archive of ILLH, KarRC RAS: №3196/22

Nevest i hänen podrušk voikaba änel
(Vepsian)

Nevest podruškale:

Žalanni sinä da podruškeižem,

mikš sinä edemba-ko edendeletoi, tagemba-ko tagendeletoi,

i mikšag sindei emboi homeita i nägištada-se

tänambeižuu vouktou pravedninijou peiveižuu-se.


Podrušk voikab vastha:

L’ubovni sinä laskou da podruškeižem,

oma sinei sidotud i soubatud jo zorkijad da sil’meižed plotnijou da paikou-se,

i ičiiž setei tatoihudem krepi

ka sikš, sinä ed voi i homeita, sikš ed voi i nägištada,

i en i tagendelde, en i edendelde-se, laskou sinä podruskeižem.


Nevest voikab:

Puuni sinä, laskou da podruškeižem,

otaške ku sinä minun i vouged da voudeine-se,

i krasuižoita i likuižoita armhas da molodeckijas da arteližes-se.


I okhaske hän i sinunke krasuiše i likuiše,

minun i vouged i voudeine-se.


Podrušk voikab:

L’ubovni sinä laskou da podruškeižem,

en i mahta minä sinun kartte krasuižoitta i likuižoitta vouktad da voudašt-se.


I sinun i vouged i voudeine-se om kaznu

kaksilpoližil [armoižil] rodimijoide da roditel’oideke-ni,

a minun om i vouged voudeine-se

üks’ sirotskijiš kaks’poližiš avaroiš armoižiš kaznu i libunu ka,

i en i mahta sinun kartte krasuižoitta i likuižoitta,

laskou sinä da podruškeižem.

Невеста и ее подруга причитывают
(Russian)

Невеста подружке:

Желанная( милая) ты да подруженька,

Почему ты подальше устраняешься, дальше удаляешься,

И почему тебя не приметить и увидеть-то

В сегодняшний светлый праведный денек-то.


Подружка причитывает в ответ:

Любовная ласковая моя подруженька,

у тебя завязаны и закрыты зоркие да глазоньки плотным платком-то,

и твой милый батюшка закрыл,

так поэтому ты не можешь заметить, поэтому не можешь увидеть,

я и не устраняюсь, и не удаляюсь, ласковая моя подруженька.


Невеста причитывает:

Милая ты, ласковая моя подруженька,

Возьми ты мою белую да волюшку-то,

И покрасуй и поликуй в любимой да молодецкой да артелюшке-то.


И пусть она с тобой красуется и ликуется,

моя и белая волюшка-то.


Подружка причитывает:

Любовная ласковая да подруженька,

не умею я по-твоему красовать и ликовать белую да волюшку-то.


И твоя белая волюшка выросла

двухсторонними [ласками], с родимыми родителями,

а моя белая волюшка-то

одна в сиротских двусторонних больших ласках выросла и поднялась,

и не умею я по-твоему красовать и ликовать,

ласковая ты да подруженька.