Texts
Return to list | edit | delete | Create a new | history | Statistics | ? Help
Midä tegiba kagraspäi
Midä tegiba kagraspäi
Veps
Central Western Veps
Miide
rüunas semenziba kaikid enamban kagrad .
Kagrale krome piidmad oli äi houmhid’ .
Toine liib ii kazvand houmhile , a kagrale kaikiš paremb ma , ii tarbi olend händast herettä .
Kagr hoz’aistvas mäni kaikjale .
Kagrou sötiba hebon , a lopuile živatoile kagr mäni suruseks .
Kagraspäi mellincou pahmniš tegiba kagraižen jouhon , houduiba kagran i jouhotiba touknaks .
Kagraižes jouhospäi valoiba kürzad , tegiba tahthan , korboin’ .
Kürzad valoiba nepremenno kaikuččou homencou , süibä hulalaz pain’miženke välläs maidospäi i kandatesespai , senenke , bolanke i sulatud voin’ke .
Tahthan tegiba libutajan tahthan , bolanke tahthan i korboin’ – murg’n’as , užinas ezmäižikš södihe tahthan , mecha otliba kerdale tahthan , kürzid’ valoiba äjan murgn’aks , lemusenke , lihakiitosenke , munaričanke , liibäd ii södud .
Touknaspai hämen’ziba touknan , paštoiba touknaspäi kalitkad , kolobad , rehtikürzan .Hänespai kiitiba maitkašan .
Kiitiba kagraižen kis’lin’ .
Žaruaigou vertes , palotes , hiinäntehtes jüibä jouhveden .
Midä tegiba kagraspäi
Veps
Central Western Veps