Texts
Return to list | edit | delete | Create a new | history | Statistics | ? Help
Muštvoik maman koumal
Muštvoik maman koumal
Veps
Central Western Veps
Tulin'
ku minä kal'hele kladbiščeižele-se
sinun i , rodimį roditel’ i setei mamoihudem , i suride avaroide da abidoideke-ni .
I surid' i avaroid' abidoid'-ni alendelmaha , krugovijoid' i kručinoid'-ni polendelmaha ,
I rodimį sinä roditel’ i setei mamoihudem ,
i oi ved’ i minei oma i avarod i abidod , i raffaližed , i ristituližed-ne .
Ii kelle mini ole alendelda , polendelda-se surid' i avaroid' abidoid'-ni .
I rodimį roditel’ sötei mamoihudem ,
i stanovideške i latteške minunke surid' i avaroid' abidoid' polendelmaha ,
i surid' kručinoid' alendelmaha ,
tänambeižou vouktou pravednijou da peiveihuduu-se .
I setei mamoihudem , vouged peiveihudem ,
ii kelle ole mini alendelda i polendelda-se ,
i om tijou laskou čižoihudem , ka ii jo lendate ,
ii libutade i minun gor’o-gor’kijan tütrennost-se .
I minä kolen en i raffaližikš , en i ristituližikš-ni ka ,
ii libutade , ii lendastade gor’o-gor’kijan da gor’akogonnost-se .
I setei mamoihudem , vouged peiveihudem ,
i stanovideške i latteške jo minun i surid' i avaroid' i abideižid'-ni aloštelmaha ,
surid' kručinoid' polendelmaha .
I setei mamoihudem , vouged i peiveihudem ,
i aigoin' sinä minunke stanovitoi i laditoi ,
i kärouteške , i punouteške nügde , veslou käbedou keväduduu
i käbedaks kägoihudeks ,
lendaške sinä i libutade i minun i gor’o-gor’kijan tütrennost-se ,
i alendelmaha , i polendelmaha surid i avaroid' i abideižid'-ni .
I setei mamoihudem , vouged peiveihudem ,
i minä i tämäl sügüzuduu-se varastelen jo korktaha da jo kodižehe-se
ičiin' i libedan linduižen-se , sokolan da jo poigan-se ,
i sinun i laskvan da vonukan-se ka ,
i sinä jo abutaške mini i setei i armaz adivoine
veslemba-ko , kebnemba-ko pravadida i mänetada .
I setei mamoihudem , vouged da peiveihudem ,
ii kelle ole mini surid' avaroid' abidoid' alendelda ,
ii kelle ole surid' krugovijoid' kručinoid' ka polendelda ,
i üks’-ühteliin' , i üks’-ičeliin' olen-se .
I kazvatimei , i libutimei suren armhan artelin'-se ,
i suren i vouktan da vatagan-se ka .
I nügde olen jänu üks’-ühteliin' , üks’-ičeliin'-se ,
i äjou tühjas-se tühjuškanzin , i hudras-se ka jo minä hudruškanzin .
I setei mamoihudem , vouged peiveihudem , kutak i mini
i nügu vanhembil' armhil' aigeižil'-se eläškata i oleškata-se .
I aigoin' , minä jo surhe bluduščijaha uradaha da unudehe-se ka
i sinä ozutaške mini i sanuške , i sovetoiteške sures da unudes-se ,
i kutak i mini linneškandeb eläškata i oleškata-se .
Muštvoik maman koumal
Veps
Central Western Veps