Texts
Return to list | edit | delete | Create a new | history | Statistics | ? Help
Eli derenas čigan
Eli derenas čigan
Veps
Central Western Veps
(Sarn
)
Eli derenas čigan , a toižes derenas eli zmei siičimepeine , sii kaiken narodan , jäi iks’ vanh uk .
Nece čigan tuli derenaha .
Uk sanub : «Midäk sä tulid’ , lähte , ika zmei seb mindai da sindai ».
A čigan sanui : «Možet mii händast semäi ičtaz ».
Zmei tuli , sanub : «Nugude tiid’ muugotid sen ».
Čigan sanui : «Probuigam edou väged ».
Čigan sanub zmejale : «Vihel’douda , ken enamban vihel’däb , sen i vägi ».
Zmei vihe’d’ouz’ , čigan čut ii kurdištun .
Zmei sanub : «Vihel’d’ouda sinä ».
Čigan sanub : «Krepkäm sil’mäd , ika viheld’oudan , ka lähttas sil’mäd ».
Krepib’ä zmejou s’il’mäd balafonou .
Čigan oti kalun , iški zmejad ocha , zm’ei čut’ ii lankten .
Čigan sanub : «V’olak vuu vihel’d’outa ?»
Zmei sanub : «Ala vihel’d’ouda , ika houkten , iisa iznesida ».
Siloi zmei sanui : «Sinun vägi , elägam ihtes ».
Zmei oigenz’ händast vedele .
Čigan män’i , zavodi imbri lähtken kaida .
Zmei ii voind’ varastada , mäni iče vedele .
Mäni , ka čigan kaivab lähtken imbri : «Miak sä kaivad ?»
«Minä ladlin’ toda kogonas lähtken ».
Zmei sanub : «Eragakam , ika iisa sinunke rata , sinä vägekaz , a minä vägetoi ».
Muga i eragauziba .
(AA 1084)
Eli derenas čigan
Veps
Central Western Veps
Жил в деревне цыган
Russian
– «