Texts
Return to list | edit | delete | Create a new | history | Statistics | ? Help
Prihä ot't’ akaks lindun
Prihä ot't’ akaks lindun
Veps
Northern Veps
Ende
eli ukk da akk .
Ukol da akal oli üks’ poig .
Nece mamm kol’ .Nu , koliškanz' bat't’ .
Nece bat't’ kucuškanz poigan .
– Vot , sanub , – poig , mina nügudi kolen . Sina , poig , elä i rada , mise vandhad kuštteiž i sö , ka mise liib oliž medenke .
Nece bat't’ kol’ .
Poig kaikuččel päival vandhad aji .
Batei käs’k rata sihessai , mise liib tegižihe söda ku medenke .
Nece poig :
– Vaitti , libo probuida rata da küntta küläks .
Nece prihä radaškanz küläks , ka liib tegihe maged .
Prihä i sanub :
– Proudan batei sanii : radad , ka liib tegese maged .
Bat't’ nakaži :
-Poig , naimha lähted , ka ken ezmäine vastha puutub , sida i ota .
Nece poig i zadumai naida .
Läks’ hän mecnikoimaha oružd'anke .
Läks’ , ka hänele lindįine vastha tuli .
Necin lindįižen tahtel’ ampta , ka hän uugale d'o nagolo ištuze .
Nece prihä-se sanub :
– Batei sanįi , mise ken vastha tulob , ka otta milei nece lindįine .
Necen lindįižen toi hän kodihe .
Eletaze , ka lindįine min voib rata .
Eletaze d'o koume päivad .
Nece prihä mäni rindal babįinnu .
Babįil i küzub :
– Milei om todud lindįine akaks , bateil om kästtud .
Nece babįi i opendab :
– Ota poutintrub i käske homen ombelta paid da kad'd'ad .
Nece prihä d'o tuli kodihe , ot't’ , andįi truban poutnad , käs’k tehta paidan , kad'd'ad :
– Mina olen otnu sindei emagaks .
Nece prihä läks’ mecha mecnikįimaha .
Nece lindįine ot't’ , adivoks tegihe , adiv tegihe , ka što nado .
Necile prihäle paidan , kad'd'ad ombel’ i varnha ripput’ .
Ka lindįižeks i kändihe .
Nece prihä tuli , ka par sobid ombeltud varnas .
Nece prihä babįinnu i d'oksob :
– Babuško , sanub , – ombelnu om paran sobid .
– Vot , sanub babei , – homen möst käske sobid ombelta , a iče mäne to üks'voččid viceižid i sanu , mise män mecha , a iče vardiiče verejan taga .
Nece niižne paidad , kad'd'ad ombel’ , vereile i läks’ .
Nece prihä näggob verejan taga , mise niižne lujas krasivį .
Nece niižne tagaze proidiškanz' , prihä hänt i tabaz’ i dotogo necen niiččen löi nenil viceižil .
Nece adiv d'o kändihe säkijaks zverikš : hän i gadaks , händikahaks .
Potom kändihe värtnäks .
No , nece prihä i sanub :
– Nazad , zolota gora , naper'ot , moloda žena .
Nece prihä ot't’ värtnän katkeiž i kandon alle i pani .
Adiv tegihe , ka što nado .
I eläškat'he .
Adiv-se i sanub :
– Aigiš , Van'uša , sina zavodid mindei opeta .
Hö eläškat'he .
Nu , toižiš maišpei tedišt’ prihä , mise om hivä adiv .Adivon pidab otta
toižihe maihe .
No siga hiil oma d'agi-babad slugad .
Van'ušad i kuctaze carinnu .
– Vot , sanub , – Van'uša , sina maltad , sanutaze , detskijan suman lüuta .
Nece prihä sanub :
– En mina malta .
Nece murzeimennu i tuli , murzeimele i sanub :
– Milei ninga kästtihe tehta .
Nu vot , murzein openz’ hänt i selgit’ , kut lüuta .
– Mäne dorogad möto i siga künttaze serįjal höbol .
Nu vot , sina dergeida koume karvašt’ .
Nece i mäni detskijan sumannu .
A siga maa d'o kaik träsiše .
– Ne träsis’ mat’-sįra zeml'a , na tebe podarki .
Nece ot't’ , karveižed hiit’ sinna i sigapei lähttihe sumad , sundugan celijan .
Vot , nece prihä sundugan ot't’ pän pälagele i kodihe carile vöb .
Nened d'o slugad pordhil varastetaze :
– Anda , mö vöm .
Nece prihä sanub :
– Ken lüuz’ da toi , ka se i vöb .
Necen suman i vei .
Car’ sanub :
– Min-že voin pän čapta ?
Nece prihä möst kodihe läks’ .
Nened slugad i möst zamekait'he : kuni ii izvotkoi prihäd , ka iisa otta murzeint .
Car’ sanub :
– Van'uša , sina mahtad tehta carin longen .Kaiked , okrome lindunmaidod oliž , siga kaiked oliž .
Nece prihä kodihe läks’ , tuli murzeimennu i sanub .
Murzein sanub :
– Mina sanįin silei , mise aigiš zavodid opeta , äi hlopotįid liinob , nece murzein sanub , – vere magatta .
Nece murzein kuna-se kävelz’ i tegi do togo longen , kaiked , okrome
lindunmaidod .
– Mäne , sanub , – vö i ala anda nenile d'agi-babįile vöda .
Nece prihä i vei .
D'agi-babad d'o pordhil siištaze :
– Anda , Van'uša , mö vöm .
– En d'o anda , ken toi , se i vöb .
Nece car’ i sanub :
– Kut mö voim hänel pän čapta , hän möst tegi longen .
Nece prihä möst kodihe tuli .
Proidi väheine aigad , i prihän möst kuctaze carinnu .
– Vot , sanub , – Van'uša , sina mahtad eläbid gusid tehta .
Se božiže :
- En mahta .
A hö sanutaze :
- Et tehne , ka tegeze pä čapta .
Vot nece prihä i sanub Nastasja-prekrasnajale .
– Näged , mina sanįin , aigiš sina zavodid mindei opeta , ak i sanub , – mä pakiče kuks aigad nenid kaks’ akad , kudambid pidab izvot’t'a .
Tuld'he , läh'the .
Murzein andįi paikeižehe entä mida kirdit’ , nu i selgit’ hiid ičeze rodimijale male .
Nu vot , nene mänd'he , mänd'he kuverdan-se aigad .
Pertiine i tuli .
– Pertiine , pertiine , päivhapei ocin , miihepei pordheižin .
Pertiine azotihe .
Pert'he i mändhe .
– Fu , fu , tritsat tri goda žila , russkogo duha ne videla , russkii duh javilsa .
Nece prihä i sanub :
– Babuško , hilläšti , čomašti .
Ed ehtnu sötta , ni d'otta , a rigehtid kidoštada .
Nece akk i küzub :
– Kuspei tö olett , kuspei mänett ?
Nece prihä i sanub : – Ninga i ninga , sanutihe : täs tehtaze eläbid gusid .
Akk i sanub :
– Minun poigad tehtaze .
Vot , sanub , – poigad tuldaze , ka kuna tiid panda ?
Hö tiid södaze .
Nece ot't’ , pani ühten kaimloho , toižen pani toižhe , prihän – pän pälagele .
Vot , nene prihäd i tuld'he mecaspei :
– Entä mida om russki duh pertiš .
– Old'he naku rahvaz , mamm sanub , – kästtaze gusid eläbid tehta hö .
– Mikš-žo pästid hiidazei ?
– Vaitti , mina pordhile mänen , hiikaldan .
Mäni , trähni , hö i lähttihe .
Tuld'he pert'he .
Prihäd i sanutaze :
– Mida kävelett ?
– Kävelem , sanutaze , – tö maltatt eläbid gusid tehta ?
Nene prihäd sanutaze :
– Siičas , söm da d'om i tegem .
Söd'he , d'od'he i lähttihe tehmaha .
– Anda , sanutaze , – miile tänna pidatei mez’ .
Nece akk mäni , akan i selgit’ .
– No , vot , sanutaze , – tulid , ištte i nukkahta ala , a nukkahtad , ka sad korvale .
Nece akk , rouk , pidät’ , pidät’ i nukkaht’ .
– Nukkahtid ?
Akk ii teda , mida sanuda .
Sanub :
– Nukkahtin .
Hö – korvale , akk i riktihe .
– Anda toine pidatei .
Nece toine akk mäni .
– Nu vot , sina ala nukkahta , akale i sanutaze .
Akk nukkaht’ , akale i sanutaze :
– Nukkahtid ?
Akk sanub :
– Nukkahtin .
Akale päd möto korvale hlopni , akk i kol’ .
– Nu vot , nugudi tule iče .
Nece prihä i mäni .
– Tulid , a nukkahtad ka i silei se-žo .
Nece prihä pidät’ i nukkaht’ .
– Sina nukkahtid ? - sanutaze .
Prihä sanub :
- En nukkahtanu .
– A min tegid ?
– A dumein .
– Min dumeid ?
– A märgad mad , vei kuivad om enamb ? - prihä sanub . - Märgad mad om enamb .
– Vaitti , mö mäam märičem , iilä proud , ka surm silei .
Mänd'he , märitihe - i märgad mad enamb .
Hänen proud i läks' .
Edeleze i pidatab .
Nu , möst i nukkaht’ .
Möst sanutaze :
– Nukkahtid ?– sanutaze .
– En , sanub , – dumein .
– A min dumeid ?
– A dumein : pen’t mecad vei sur’t enamb om , mindei möto , sanub , – pen’t mecad om enamb .
– Vaitti , sanutaze , – mö möst märičem .
Nu vot , händast möto i läks’ : pent’ mecad enamb .
I möst pidatab edeleze .
Hän i nukkaht’ möst .
– Nukkahtid ?
– En , sanub , – nukkahtanu , a paikeižen kormanaspei otin .
– A nu vei , sanutaze , – mii om silei paikeižes ?
Ottihe paikeižen , lugetihe : nece om hiide vävu .
– Oh , sanub , – mö hätkestįim , adiv om ottud i stolan taga išttaze , varastetaze
čas na čas .
Ottihe , teravašti nened gusid tegaltihe i sanutaze :
– Kudamb miiš teramba vöb ?
Üks’ sanub :
– Mina vön časus .
Toine sanub :
– Mina vön poles časus .
Koumanz’ sanub :
– Mina sil'male panen , mignin i siga liinoba .
Nu , nece sil'male pani i migni .
Hö d'o pordhil oma .
Nece adiv d'o siga varastab , ii usko .
Adiv nägišt’ , mise mänob prihä , d'o tulob .Nece niižne d'ougal stolale i lavale hippäht’ , ot't’ nene gusid kaivįi da päst’ vämmaha , adiv i sanub :
– Gusi , što možete igraite .
Nened gusid dotogo tehthe , stolad veretihe , narodad äjan riktihe .
A car’ i sanub :
– Azota , ika kaikid d'o rikįid .
Nece murzein i sanub :
– Gusi , što možete , to i igraite .
Nece car’ sanub :
– Täizö , azota !
A prihä sanub :
– Kirditaned kaikele carstvole carikš , ka askei azotan .
Nece car’ ot't’ i kirdit’ carikš i tänambei siga eletaze .
Prihä ot't’ akaks lindun
Veps
Northern Veps
–
–
–
–
–
–
–
–
–
–
–
–
–
–
–
–
–
–
-
-
–
–
–
–
–
–
–
–
–
-
–
–
–
–
–
–
–
–
–
–
Парень взял в жены птицу
Russian
.-
-
-
–
–
–
–
–
–
–
–
–
–
–
-
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–