Texts
Return to list | edit | delete | Create a new | history | Statistics | ? Help
Čoma murzein
Čoma murzein
Veps
Northern Veps
Endei eletihe kupec i
kupčih .
Oli hiil üks’ poig .
Poig i sanub :
- Papa , mili pidab naida .
– Nu , keda mö otam ?
Algį otkį bohatad , otkam bednį da čoma .
I poig i nai , čoman murzeimen i ot't’ .
Eläb poig hivin , toine tošt’ navedtaze .
Nece bat't’ i sanub poigale :
- Voidįk ajada Ribinskijale tavaraha ?
Andį koume ast't'ad i poig läks’ tavaraha .
Poig läks’ i andį murzeimele kuudeižen kolceižen , suukįžen vöhuden .
Nece poig aji Ribinskijaha i tavarad gruzi ast't'ad töuded i läks’ kodihe .
Äništ’ möto ajetihe i döl tabaz’ .
Hö , näged , toižideke kupcideke vätaze karteihe .
Ühten kupcanke sporiškat'he .
Sanub :
- Mina tusttun akad mötö .
Toine kupc sanub :
- Ala tusttu , možet hän , akeiž , tusttub mindei möto ...
Nece toine kupc mänob noidan akannu i sanub :
- Mäne murzeimennu i vargasta hänel vöhutt .
Hän , noidakk , mäni teraveidešti murzeimennu , a murzein kil'betin lämbitanu oli , a noidakk necen akeižen kil'betihe ot't’ i necen vön i vargast’ .
Vöb sinna i andab kupcale , a kupec sanub mužikale :
- Kacu , akeiž selgit’ vön , kudamben dätid .
Nece kupc i usk , mise vö on hänen .
Hän viinan d'oškanz’ .
Aji kodihe ka murzeimenke ii ni zdorovod annu , ehtkįžel mužik sanub :
- Lähkam guleimaha , mina kaiken sili starinįičen .
Händast mänitab sildale i d'ogehe lükeidab murzeimen .
Murzeimen vett möto kandįi i toi rįbakįde pertižennu .
Rįbakod nägištet'he i vedespei vedetihe eläban .
Murzein oli lujas čoma .
Murzeimen ottihe emagaks pertižehe .
Hän abutab rįbakįle , kalad kiitab .
A nece mužik suuditihe kümneks vodeks .
Nece murzein mänob carile kuharkaks .
Nece car’ om ravaz , hän lujas navedib murzeimen , mise čoma om .
A car’ se käub türmha kacelmaha türömščikįd i hän , murzein , i sanub carile :
- Papa , ota mindei kacmaha türömščikįd , miččed oma .
Hänenke ku mänob , papazeke , türmha kacmaha , ka mužik-se siga ištub .
Murzein i küzub :
- Kut sili om nimi ?
Hän i sanub :
«Sina ved oled minun mužik .»
Mužik i langen’ kombuleze , voikaškanz’ i sanub :
- Edįk sina ole minun akk ?
– Papa , sanub , – nece от minun mužik . Hän ii teda , mise mindei vedespei vedetud .
Nece car’ toižel päival mäni dei päst’ türmaspei i ot't’ händast poigaks , a murzeimen tütreks i nugune eletaze .
Čoma murzein
Veps
Northern Veps
-
-
-
-
-
-
-
-
-
«
-
Красавица жена
Russian
–
–
–
–
–
–
–
–
–
–
–