Texts
Return to list | edit | delete | Create a new | history | Statistics | ? Help
Semenziba nargišt’ pertin päle
Semenziba nargišt’ pertin päle
Veps
Central Western Veps
Eliba
ende uk da ak .
Uk sanub :
- Semekam mö peitin päle nagrišt’ .
Nagrišt’ pertin päle semenziba .
Nagriž nece , näged , pertin päle kazvį .
Akeine sanub :
- Mända mini nühtmähä .
Män’ sinnä nühtmähä , sigapei langez’ , langez’ i satuihez .
A nece mužik oti da jougas tabaz’ da toižes da keskou rebiti akeižen nu dei aiteižhe taci .
- Mända , sanub , – voikkid ectä .
Mäni voikkid ecmähä .
Astui , astui , händikaz tuli vastha .
- Edahaksik , dädä , astud ?
- Astun , sanub , – minai ak kol’ , ka voikkid ecmähä .
– Ota mindei .
- Ka kut voikad ?
– Uu , uu , uu .
– Tule perskusihe .
Ukoine perskusihe händikhan pani .
Astub möst , astub , astub .
Tuli hänele vastha janiš .
- Dädei , edahaksįk astud ?
– Ka minai ak kol’ , ka mina män voikkid ecmähä .
– Ota mindei .
– Ka kut sä voikad ?
– Lu , lu , lu .
– Čomin voikad , tule perskusihe .
Sen-gi ot’ .
Möst astui , astui , rebįi tuli vastha .
- Dädei , edahaksįk astud ?
– Voikkid ecmähä , minai ak kol’ .
– Ota mindei .
– Ka kut sä voikad se ?
– Ou , ou , ou .
– Tule , čomin voikad .
Hüva .
Astui , astui , kondi vastha tuli .
- Dädei , edahaksįk astud ?
– Ka voikkid ecmähä .
– Ota mindei .
– Kut sä voikaškad ?
– Mäm’ , mäm’ , mäm’ .
– Tule perskusihe .
Ot’ dei kodihe vüi .
- Kus sinai akeine ?
– Aiteižes .
Nene kaik zverid päst’ sinnä , necen akeižen kaiken drebezgi süiba , nanet süiba .
Ukeine aveidab čiluižen i :
- Jogo voikitei ?
A nece sigapei rebįi :
- Voumiž om , aveida !
Bude tarbi , ka sina-gi tule tänna , sindei-gi voikamei .
Aveiž , ka akašt’ ele : ühted luhuded .
Nu dei ukoine päst’ zverid sigäpei hot’ i akeižen žvakeižiba söda kaiken .
Nudei nagriž pertin päle jänu otmata .
Semenziba nargišt’ pertin päle
Veps
Central Western Veps
-
-
-
-
Посеяли репу на крыше избы
Russian
-
–
–
–