Texts
Return to list | edit | delete | Create a new | history | Statistics | ? Help
Аk pagižiškanz
Аk pagižiškanz
Veps
Central Western Veps
Ende
eliba uk da ak .
Oli üks’ tütar .
Hüva .
Nece ak mugažo koli , mam .
A nece tat necen tütren offot kuti hänele otta mehele .
Ii teda kut rata .
Mänd'he hö mecha tatazeke radole , entä mida radmaha , mänd'he .
- Astu , sanub , – mänemei mecha minunke .
Mäniba .
A hän mecha-se töndui tatazeke , dei bab se hänele nevoi :
- Mäned mecha-se ka , ota sugeine da harj » (a koumanden se en mušta min’ käski otta ).
Dei nece oti , dei mäniba tatazeke mecha .
Mäniba dei süiba dei sanub :
- Tütar , naske minei päs kacuhta teid’ .»
Tataze pan’ pän üskha .
A neičukeine nägeb , mise tat jo ii čomin' hänenke otnosiše .
- Oi , sanub , – tatoi , užoske mina mänen nakhu kuzoudamoi penshan taga .
Hän sanub :
- Ka ala penshiže , kusto minun aigan .
- A ii , nehorošo sinun aigan mända .
Dei nece niižne pagen’ , nägeb , mise hän jo ii čomi'n tatazeke-se ...
Pagen’ dei jokseb dorogadmö .
Joksi , joksi , joksi , a nece hänele jäl'ghe .
Hän joksi , joksi , joksi , joksi , taci hänele harjan (pän suktes oma harjad enččed ).Harjan taci ka mugoi pihk kazvoi , nikut pihkus-se ii sa ličtäs .
A nece uk jo neciš pihkus ličoihe , ličoihe , a se neičukeine kaiken aigan uidib tataspei-se , uidib .
Hän sikš taci harjan se , mise pidemba uidiiš .Nu dei joksi , joksi ...Nece jo mužik pihkus ličoihe , niičukeižele sanub :
- Užo , sanub , – tabadan , užo , tabadan .
Nece niičukeine kulob , kulob tat jo hiikab : «Užo , tabadan .»Nece uk möst joksob tomarom - se .
Nece niičukeine joksi , joksi dei taci sugan , luižen sugan .
Sugan taci , mugoi mägi tegihe , libed ogromni se , sugaspei , diki libed mägi .
Mužik libub , libub mägen-se – tagas šurahtab , ii vei .
A nece niičukeine kaika pageneb , kaika jokseb , [mužik ] ii vei libuda ka .
Möst jokseb , jokseb , libub , libub ülähaks i möst orgho päzub , libed mägi-se , luine .
Niičukeine pagen’ edahaks jo .
Möst kulišt’ :
- Užo mina tabadan , narovi , sinun tabadan .
Hänele jänu üks’ kereine .
Otab i necen kereižen tacib , nece jo kuumanden veššan .Kereižen tacib i kereižespei tegihe jogi , süvä diki jogi .Taci .
Niičukeine , näged , proidi , a jogi-se tatan edehe jäi .
Tat jogirandha tuli , heikab :
- Ehtata , tütar , ehtata , en kosketa , en ota mehele dei en kosketa .
A nece niičukeine sanub :
- En ehtata .
Hän molihe , molihe :
- Ehtata , ehtata .
Hän ii ehtata .
Tat oti , ičeze kilad čapį dei huneiž niičukeižele-se , dei putuiba niičukeižele-se uugale .Taci kilad-ne , dei uugale putuiba .
Dei nece niičukeine sanub :
- Oi , mina gor’ki , ani tatan se čudan radoi , kacuške , sanub , – kilad čapį , uugale minii huneiž .
Nene kilad-ne .
Ani tatan-se čudan radoi : kilad uugale taci .
I lähtkį ii i pagištas , min’ niičukeine sanub , sen i kilad sanutas .
Hüvä .
Nece niičukeine kodihe mäni , nikelle sanu ii nimidä .Minni sanub , ka edelez kilad-gi sanutas .
Tuliba svatud , svatud tuliba .Nece tat ii nimidä , tedab , ninga ratud , ka ii nimidä .
-Nu , sanub , – otta voitei mehele , kuume vot jo tütar ii pagiže .
Nece niičukeine ii pagiže ni kenenke : ni tatanke , ni kenenke , iisa .
Pagižiškab , ka hänou pagištas nenod kilad .
- Otkat , hot’ ougat , a pagiže ii .
Nece mužik sanub :
- Mina otan mehele , ka pagižiškandeb minunked .
Tegiba svad'ban , nu dei svad'boitasoi .Svad'ban tegiba .
Nece mužikanke nimidä ii pagiže .
Tegi hän lapsen nece ak .
- Ii pagiže , ka , sanub , – rikon necen niičukeižen , ka pagižiškandeb , vet’ žaldiičiškandeb .
Nu dei ičeze lapsen rikoi .
Hän ii sanund daže nimidä , nece ak , tirpi , ii pagiže .
No , hüva .
- En tä , sanub , mužik , – min’ zavotta , ii pagiže nimidä .
A , sanub , – čortu , nain , nain .
Otan erasen akan mehele , nu ka minni ka sanub .
Nu dei ajei hän svathuzile jagi-baban tütrehe dei jagi-baban tütren mehele otab , dei svad'ban tegiba .
A nece anop , ap (a ostalnijad sigä ol’ keda vei elend-ki , en teda ), svad'baha prigotoud'as , ka kahtou päčil pašttas , kiittäs : tuleb svadib tälehtou .
A toižhe pert'he necen , kudamb ii pagiže-se , anop-se pani , oigenz' sinnä kiitmähä midä putui , näged .
Dei kiiti hän kislin' , ak se , kislin' kiiti , kislid'-se mujaht’ luzikeižen :
- Oi , sanub , – mitte maged kisel'-se .
A kilad-ne :
- Oi , mitte maged kisel'-se .
A nece ak :
- Maged ka , sanub , – slötkotagat sinnä .
Dei nened kilad uugoupei - šlöp kislihe .
Hän necen padan kislinke hvati da män’ irdale da soumad vast hlop .
Nece anop šaraht’ i :
- Ka , sanub , – nevesk , mi hän ninga hloppab - se ?
- A ni mi , mamei , habįžed hougod päčhe putuiba da hloptetas päčiš .
Nece anop ihastui ka surmhassei : nevesk pagižiškanz ka , a kuume vot eli , ii pagižend nikut .
A svad'ban varastadas , poigan varastab erasen neveskanke , jagi-baban tütrenked .
Ii teda midä tehta , muga ihastįi .
Svad'buu tuliba .
A anop ii sanu mužikale , mise pagižeb murzei .
Murzei , kudam pagižeškanz' , oti nogikahan padan , šuukuižed platjad päle pan’ dei nogekahan padan hijamiil-ne ninga kandab .
A nece murzei stolan taga , nece jagi-baban tütar-se , ištub da :
- Ed nogestaiž platjod-se , andeižid minei murzeimen kactes platjid-ne šuukuižid , a ed nogekahid padoid kandaiž suukuižil platjoil - ne .
A nece murzein-se sanub :
- Aha , äjou sina loukii , mina tulin' mehele , kuume vot vareižin' anoped , en pagižend , da kuume vot vareižin' apen , en pagižend , da kuume vot vareižin' mužikad , en pagižend .
A sina ezmeižehtou jo šuukuižed platjad jo panižid päle .
Ka mužik ka ihastui ka , ii teda , mi zavot't'a .
Hippäst’ stolan tagoupei , necen udon murzeimen fati da ubehele händhä sidoi nu da kolomatidme oigenz dorogadme .
A mužik enččen akeiženke jäi eloile .
Nu dei tänambeigi eletas tat dei mam , dei ak , dei mužik .
Аk pagižiškanz
Veps
Central Western Veps
-
-
-
-
-
-
-
-
-
-
-
-
-
-
-
-
Жена заговорила
Russian
–
–
–
–
–
–
–
–
–
–
–
–
-
–
–
–
–