Texts
Return to list | edit | delete | Create a new | history | Statistics | ? Help
Mal'čik-pal'čik
Mal'čik-pal'čik
Veps
Central Western Veps
Ukoine
da akeine kahten eliba , elend hiilazet lapsid' nikeda .
Ukoine mäni hougoid' hougoimaha .
Hougod hougoi , hougoi dei čapoi pįiglon .
Tuli pert'he dei sanub :
– Ak , čapoin piiglon .
– Nu , čapoid , ka , saub , – kutak .
Mää , sanub , – bol'nicaha , da okha kärdäs pįiglon se .
Bol'nicha män’ dei pįiglon käriba hänou .
Tuli bol'nicaspei , ka nägob : sormenpä-se hänen , mal'čik-pal'čik , priheine , jo hougon hougoib iknanou .
Ak kacuhti , sanub :
– Ken , sanub , – hougon , kacuske , iknanou hougoib ?
Kacuhtiba , ka priheine-se , sormenpä-se hänen , mal'čik-pal'čik-se hougoib hougon .
– Oi , sanub , – uk , kacu sina , iik poig tehnus sormespei-se ?
– Nu , tegihe , ka slava bohu , nugude ka okha .
Nu , pert'he toiba , stolan taga ištutiba , sötiba , dei priheine kuti .
– Homen , sanub uk , – mina ajan künmähä .
A nece priheine-se :
- Ajad ka mina sinei , tata , liibäd ton .
A mam-se sanub :
– Ka vet ed vei , laps’ , kantta , liibäd-se .
– Vön , vön .
Dei nece mam liibäd paštoi , kašlin' ladi dei necile priheižele dei priheine liibän tatale .
Astui , astui dei surdui .
Surdui dei ištuihe gribale päle .
Kondi tuli necen griban süi dei necen priheižen süi .
Nu dei perskespei pän ličob priheine dei sanub :
– Kondi , pästa perskespei .
Nece kondi sanub :
– Ka lähte .
– En lähte , vö , sanub , – iknalle , ka lähten , muite en lähte .
Nece kondi vaiknašti diki vot kuna deruunaha iknalle tuli , sanub :
– Lähte , priheine , perskespei .
– En lähte ! Vö , sanub , – pordaggihe ka lähten .
Möst nece kondi pordaggihe hänen vüi .
– Lähte , priheine , perskespei .
– En lähte , vö pertedeshe , dei lähten .
Nece kondi vaiknašti diki libui pertedeshe .
– Lähte , priheine , perskespei .
Hän perskespei hüppästab , verejan hlop soubha da korendon da korondou kondjad dei kondjan rikoi .
Rikoi dei loučale pani .
Tat kodihe tuli , ka kondi loučuu .
Sanub :
– Ak , kenak kondjan-se ?
– Ka mal'čik-pal'čik .
– Ka kut hän ?
– Ka en teda , kut pertedeshe toi dei rikoi .
Hüvä .
Toižuu päivuu nece tat sanub :
– Mina liibän varastin' , a hän , näged , kondjan sab .
Ka kutak hän sai-se ?
- Homen mina mänen , kacu , to sina liib-se .
Hän [priheine ]:
– Tata , mina ton .
Dei möst toižuu päivou kašlin' sel'gha dei möst liibäd vemhä .
Liibäd vemhä sinnä mäni , tataze kündab .
Hän sanub :
– Tata , ištte da sö , mina kündan sil aigal .
Tatt sömhä ištuihe , a hän adrale päle ištuihe i žarib küntta .
Tulob sihe sused , ukonnu se tul’ .
Hän sanub :
– Näge , mitte hüvä hebo sinei om , üksnäz kündab hän .
– A ii üksnäz , sanub , – kündai minai om , poig kündai sigä .
– A kusak poig om ?
– A poig , sanub , – adrou päu .
– Oi , sanub , – mitte sinei poig om .
Mö sina minei nece priheine , – sused-se sanub .
– En mö , ičelain tolko üks’ om ka , min’ mön .
– Hot’ min’ andan , vaise mö .
– Nu , sanub , – andad havadon dengid , ka andan .
A nece priheine sanub :
– Mö , mö , tatoi , mina pagenen .
Dei necen müi , müi priheižen , dengad oti .
A nece mužik pani hänen kormanaha , kukroho pan’ necen priheižen , dei kormanaha , dei kodihe katib hüviš meliš : priheine osttud .
Tuli kodihe i sanub :
– Ak , mina vet , sanub , – poigan ostin .
– Kusak om ?
– A kormanas .
Kormanaspei vedouz’ kukron , a kukroižes čila tehtud dei prihašt’ ele .
Priheine pagen’ dei möst tatazennu .Tatale män’ dei sanub :
– Näged , mina sanuin : mö , mina pagenen .
Ukole hüvä : havadon dengoid sai dei poig hänele jai .
A se ukoine muga priheižeta jai .
Mal'čik-pal'čik
Veps
Central Western Veps
–
–
-
–
–
–
–
–
–
–
–
–
–
–
–
Мальчик с пальчик
Russian
–
–
–
–
–
–
–
–
–
-
–
–
–
–
–
–