Texts
Return to list | edit | delete | Create a new | Statistics | ? Help
Luvettih, jotta avannosta Syndy nouzou da piästäy boleznista libo pahasta
Luvettih, jotta avannosta Syndy nouzou da piästäy boleznista libo pahasta
Karelian Proper
— Luvettih
, jotta avannosta Syndy nouzou da piästäy boleznista libo pahasta .
— No mi se on ?
— Mamma sano . Hänellä jo oli lapsie , hänellä oli viizi vellie ...Uutta vuotta vassen , kuin se on yö , kun Syndie kuunnellah .Yöllä , jotta kellä mitä tapahtuu koissa .Männäh kolmen dorogan kandah da siinä issutah da kuunellah .Mamma sanou : "Dai mie lähen sinne ".Heitä nellä-viizi akkua kerty da siinä issutah da kuunnellah .Sanou : miun vuoro kun tuli , muuta kun yksi kolkotuš , yksi kolkotuš mänöy , buitto kuin grobuo kolkutetah , lyyväh nuaglua .Viizi vellie oli , yksi tuatto voinalla , toizet kai kuoltih kodih , sraazu kai molodoina .I starikka oli , dai starikka kuoli .Heilä lähillä oli kalmizmua da ni časovn’a i sielä časovn’assa buitto grobuo kolissetah , yksi kolkutuš mäni kaiken aijan kuni issuin siinä .A eräš sielä kuulou kuin kellošša ajetah , svuad'bua pietäh .Eräš kuulou sielä pruaznikkua pietäh , tanssitah ta .Seizotah lumella .Huilut vielä pannah piäh , jotta ei nävy ilmua , eikä mitä .Paikat semmozet , muššat paikat rivukkahat , šuuret , siitä ne piäh pannah , siitä täššä vielä sivotah , jotta ei nähtäis niketä .A dorogan bokašša seizotah .Dorogoin risteyksessä kykytetäh da kuunnellah …
Avannon särvillä tože kuunneldih .Tože mitä sielä kuunneldih , jotta mitä vedehini šanou .Sielä vedehistä vuotettih .Vedehini ved on se buitto kuin järven izändä .Midä se šanou , vedehini .
Luvettih, jotta avannosta Syndy nouzou da piästäy boleznista libo pahasta
Karelian Proper