Texts
Return to list | edit | delete | Create a new | Statistics | ? Help
Syndyy kuuneltih
Syndyy kuuneltih
Livvi
Syndyy
kuuneltih , sanottih , buite kuuluu , a en tiije kuuluu vai ei kuulu – minä sidä ne ispitala .
Yksi briha tuli da ezmäizikse vie raskaži : "Neičykät , lähtemmö Syndyy kuundelemah ".Minä duumaičen : minä en lähte , minä varoan .Illalla , jo čoasun yhtentostu aigoa – enne ei kuulu , sanottih .En tiije , kuuluu vai ei kuulu .Ezmäizekse roskaži segä .Mendih , – sanou , – neičykät Syndyy kuundelemah , istavuttih lehmän nahkal .A se kiertih , štobi ei Syndy ottas heidy , a händy jätettih kierdämättäh , lehmän .Syndy tuli , – sanou , – händäs gu shvat'aldi , lähti heidy kyleä myö taskaimah !"Avoi –voi –voi ! Minä , kačo , en lähte !"Ei niken ni lähtietty , ezmäkse gu straššaičči gu !A muga sanottih , što kuuluu , ga minä en tiije .Rostaniloil kävyttih .Sanottih što kuuluttih , što kus svoad'bu libo kus , libo pokoiniekku , libo midä predveš’ajet .En tiije , mi se oli .
Se ennen Rastavoa , tänäpäi on Synnyn päivy , a huomei jo on Rastavu .Sit on , toine Synnyn päivy on – tänäpäi on Synnyn päivy , huomei on Vieristy .Muga enne lugiettih .Pastettih , tulles pastettih kyrzeä .Minä mustan : mama pastoi kyrzät : Syndy tulou , pideä kyrzeä pastoa .A konzu lähti , sit pastettih kokkoi , sanottih : pidäy sukan n’okat pastoa Syndyl lähtijes , eiga jallat kylmetäh , kunne lähtöy .Kokkoi !Se oli pšenol libo hernehel , nenga kokkoi loaittih .Minä mustan , mama sanoi : "Huomei pidäy pastoa Synnyl sukann'okat ".A kyrzeä pastau ga se vroode gu tulou , ga ei jallat kylmetä sit – hattarat , Synnyn hattarat .
Mama net kai običait pidi : ligavetty Synnyn štobi sil promežutkal pihal ei koattu .Sanoi : "Ligoa pertispäi ne nosit' pihal ".Tuhkat otettih ga sinčois i piettih .A ligaveit tahnuoh koattih .Ei , ei !Sen minä mustan ylen hyvin , mama meijän ylen stroogo sen sobl'udala , štobi ei viijä ligoa pihal Synnynmoas .
Syndyy kuuneltih
Livvi