ВепКар :: Тексты

Тексты

Вернуться к списку | редактировать | удалить | Создать новый | Статистика | ? Помощь

Никольский Виктор. Двѣнадцать Страстныхъ Евангелiй, чтомыхъ въ Великiй Пятокъ на утрени на карельскомъ нарѣчiи. 5. Jevangelіe

подкорпус: памятники письменности

Источник:
Двѣнадцать Страстныхъ Евангелiй, чтомыхъ въ Великiй Пятокъ на утрени на карельскомъ нарѣчiи. Выборг: Выборгская новая типография, 1908, с. 32–35
Издание Православного Карельского Братства во имя Великомученика и Победоносца Георгия

Двѣнадцать Страстныхъ Евангелiй, чтомыхъ въ Великiй Пятокъ на утрени на карельскомъ нарѣчiи. Евангеліе 5-ое

Mѳ. 27, 3–32.
3. Ӱхтэль-айгуа, Їуду, кудай мëй Їусусъ Христанъ, нäги, ку Гяндӱ суудиттыхъ, тостыйгесъ, и андой яриллехъ архейрейлёйле и пiäликкö-мiегилъ колме-кюмменъ сребреннiекуа,
4. и саной: "рiäхкявюйнъ минä ойгiенъ вэрэнъ мюёдӱö". Гюö саноттыхъ гянэль: – мù онъ мейле сихъ? иче и качо".
5. И люккяй Їуду кирикёсъ сребреннiекатъ, ляхты и мени и рипуттавуй.
6. Архейрейтъ отэттыхъ сребреннiекатъ и саноттыхъ: "Эй олэ кяскюö панна нäмятъ денгатъ ӱхтэхъ кирикенъ денгайнъ келъ, – ку нäмя онъ – вэрэнъ гинду.
7. Совiэтанъ пiэттӱö остэттыхъ нäмихъ денгайхъ паданiеканъ муа, страннiеккой муахъ пандаваксе.
8. Сидä-мюö куулуй се муа-вери-муа тäхъ пяйвяссäхъ.
9. Сiитъ сполнiйгесъ Еремей пророканъ-каутэ санотту: "отэттыхъ колмекюмменъ сребреннiеккуа, гинду гиннанъ пидäясъ, Кудамалъ луаиттыхъ гинду израильскойнъ муанъ пойятъ".
10. И аннэттыхъ нэтъ паданiеканъ муасъ, куй саной минуллэни Юмалъ".
11. Їисусъ Христосъ сейсатуй правiйтеляль iэлъ; и кюзюй Гянэлъ правiйтель: "Синä-го олэтъ Їудейскойнъ муанъ Цуари?" Їисусъ вастай – "синä сенъ санотъ".
12. И конзу архейрейтъ и пiäликкё мiегетъ Гяндӱ вiäритэттыхъ, Гяй эй вирканухъ ни-мидä.
13. Сiитъ Пилатту саной Гянэлъ: "этъ-го куулэ, мù онъ Синунъ пiялъ вiäритӱстӱ?"
14. Гяй эй вастанухъ гянэлъ ни ӱхтӱ сануа; кай иче правiйтель силъ äйялъ дiйвiйгесъ.
15. Äйянъ-пяйвянъ пруаздниiекаксе правiйтель айносъ пiясты ӱхтэнъ генгенъ тӱрмясъ истуисъ, кудамуа тахтой вай рагвасъ.
16. Оли силъ-айгуа тӱрмясъ туттаву кайкилъ мiесъ – Варавву.
17. Муга, конзу гюö керявюттыхъ, Пилатту саной гейле: "кедä тӱö тахтотто, ку минä пiястäзинъ тэйле, |– Вараввуа, вай Їисусъ Христуа".
18. Гяй тiэды, что суудиттыхъ Гяндӱ виганъ-перäсъ.
19. Силъ-айгуа, конзу Пилатту истуй сууданду-тилалъ, гянэнъ мучой тӱöнды гянэлъ саномахъ: "äля луаи нимидä пагуа нэчилъ ойгiелъ генгелъ; ӱöлъ унисъ минä äйянъ тирпинъ Гянэнъ перясъ".
20.Но архейрейтъ и пiäликкö мiегетъ неввоттыхъ рагвасъ пакита пiястыä Вараввуа, а Їисусъ Христуа таппуа.
21. Сiитъ правiйтель кюзюй гейле: "кудамуа кахтэсъ тӱö тахтотто, ку минä пiястäзинъ тэйле?" гюö соноттыхъ – "Вараввуа".
22. Пилатту саной гейле: "мùнъ минä луаинъ Їисусъ Христалъ? "Гянэлъ кайкинъ вастаттыхъ: "анна ройтэхъ Гяй нуаглитту".
23. Правiйтель саной: "мùнъ пагуонъ Гяй луадiй?" Но гюö вiе энäмбялъ руветтыхъ iäндäмяхъ: "анна Гяй ройтэхъ нуаглитту".
24. Пилатту нäги, что ни-мù эй аута, а гёлю ноы̆зоы, отты веттӱ, и рагваганъ-iэсъ пези кядэтъ, саной: "минä энъ олэ вiäрю тäмянъ ойгiенъ генгенъ вересъ; тӱö каччуотъ".
25. Кай рагвасъ вастай: "Гянэнъ вери онъ мiянъ и мейянъ лапсiэнъ пiялъ".
26. Сiитъ Пилатту пiäсты вяллялъ Варавванъ, а Їисусъ Христуа, люöдӱö, андой нуаглиттаваксе.
27. Сiитъ Гянэнъ салдататъ туодыхъ Їисусъ Христуа суудинду кодихъ и керявюй Гянэллюö кай полку.
28. Гюö яксатэттыхъ Гяндӱ и шуоритэттыхъ музаву рускiенъ-келъ кирьёйхъ собахъ,
29. Луаиттуо, пандыхъ Гянэнъ пiянъ-пiяль äйялъ чокиттаясъ казваясъ венчу, и аннэттыхъ ойгiехъ кядэхъ Гянэлъ савакко; и сейзатуттуо полвуйллехъ Гянэнъ-iесъ, нагреттыхъ Гянэнъ-пiялъ и саноттыхъ: "игасту, Їудейскойнъ муанъ Цуари!"
30. И сюлгiеттыхъ Гянэнъ-пiялъ и саваколъ люöдыхъ Гяндӱ пiядӱ-вастэ.
31. Кюллялъ нагреттуо Гянэнъ-пiялъ, отэттыхъ Гянэсъ гейянъ панду соба, и шуоритэттыхъ Иччехъ Гянэнъ собихъ, и вiэтэттыхъ Гяндӱ нуаглиттаваксе.
32. Ляхтыесъ, гейле тули вастахъ Семой Киринейской и кяскiеттыхъ гянэлъ кандуа Гянэнъ ристу.
Х

Никольский Виктор

Двѣнадцать Страстныхъ Евангелiй, чтомыхъ въ Великiй Пятокъ на утрени на карельскомъ нарѣчiи. 5. Jevangelіe

карельский: ливвиковское наречие
Старописьменный ливвиковский
Mѳ. 27, 3–32.
3. Yhtel aigua, Iudu, kudai möi Iusus Hristan, nägi, ku Händy suudittih, tostiihes, i andoi järilleh arheireiloile i piälikkömiehil kolmekymmen srebrenniekua,
4. i sanoi: "riähkävyin minä oigien veren myödyö". Hyö sanottih hänel: – mi on meile sih? Iče i kačo".
5. I lykkäi Iudu kirikös srebrenniekat, lähti i meni i riputtavui.
6. Arheireit otettih srebrenniekat i sanottih: "Ei ole käskyö panna nämät dengat yhteh kirikön dengain kel, – ku nämä on – veren hindu.
7. Sovietan piettyö ostettih nämmih dengoih padaniekan mua, stranniekkoi muah pandavakse.
8. Sidä myö kuului se muaverimua täh päivässäh.
9. Siit spolniihes Jeremei prorokan kauti sanottu: "otettih kolmekymmen srebrenniekkua, hindu hinnan pidäjäs, Kudamal luajittih hindu izrail'skoin muan poijat".
10. I annettih net padaniekan muas, kui sanoi minulleni Jumal".
11. Iisus Hristos seizatui praviitel'al iel; i kyzyi Hänel praviitel': "Sinägo olet Iudeiskoin muan Cuari?" Iisus vastai – "sinä sen sanot".
12. I konzu arheireit i piälikkömiehet Händy viäritettih, Häi ei virkanuh nimidä.
13. Siit Pilattu sanoi Hänel: "etgo kuule, mi on Sinun piäl viäritysty?"
14. Häi ei vastannuh hänel ni yhty sanua; kai iče praviitel' sil äijäl diiviihes.
15. Äijänpäivän pruazdniekakse praviitel' ainos piästi yhten hengen tyrmäs istujis, kudamua tahtoi vai rahvas.
16. Oli sil aigua tyrmäs tuttavu kaikil mies – Varavvu.
17. Muga, konzu hyö kerävyttih, Pilattu sanoi heile: "kedä työ tahtotto, ku minä piästäzin teile, – Varavvua, vai Iisus Hristua".
18. Häi tiedi, što suudittih Händy vihan peräs.
19. Sil aigua, konzu Pilattu istui suudandutilal, hänen mučoi työndi hänel sanomah: "älä luaji nimidä pahua nečil oigiel hengel; yöl unis minä äijän tirpin Hänen peräs".
20. No arheireit i piälikkömiehet nevvottih rahvas pakita piästiä Varavvua, a Iisus Hristua tappua.
21. Siit praviitel' kyzyi heile: "kudamua kahtes työ tahtotto, ku minä piästäzin teile?" hyö sanottih – "Varavvua".
22. Pilattu sanoi heile: "min minä luajin Iisus Hristal? "Hänel kaikin vastattih: "anna roiteh Häi nuaglittu".
23. Praviitel' sanoi: "min pahuon Häi luadii?" No hyö vie enämbäl ruvettih iändämäh: "anna Häi roiteh nuaglittu".
24. Pilattu nägi, što ni mi ei auta, a höly nouzou, otti vetty, i rahvahan ies pezi kädet, sanoi: "minä en ole viäry tämän oigien hengen veres; työ kaččuot".
25. Kai rahvas vastai: "Hänen veri on miän i meijän lapsien piäl".
26. Siit Pilattu piästi välläl Varavvan, a Iisus Hristua, lyödyö, andoi nuaglittavakse.
27. Siit Hänen saldatat tuodih Iisus Hristua suudindukodih i kerävyi Hänellyö kai polku.
28. Hyö jaksatettih Händy i šuoritettih muzavuruskien kel kirjoih sobah,
29. Luajittuo, pandih Hänen piän piäl äijäl čökittäjäs kazvajas venču, i annettih oigieh kädeh Hänel savakko; i seizatuttuo polvuilleh Hänen ies, nagrettih Hänen piäl i sanottih: "ihastu, Iudeiskoin muan Cuari!"
30. I sylgiettih Hänen piäl i savakol lyödih Händy piädy vaste.
31. Kylläl nagrettuo Hänen piäl, otettih Hänes heijän pandu soba, i šuoritettih Iččeh Hänen sobih, i vietettih Händy nuaglittavakse.
32. Lähtijes, heile tuli vastah Semoi Kirineiskoi i käskiettih hänel kandua Hänen ristu.

Страстные Евангелия. 5-е Евангелие Страстей Христовых

русский
Mѳ. 27, 3–32.
Тогда Иуда, предавший Его, увидев, что Он осужден, и, раскаявшись, возвратил тридцать сребреников первосвященникам и старейшинам,
говоря: согрешил я, предав кровь невинную. Они же сказали ему: чтó нам до того? смотри сам.
И, бросив сребреники в храме, он вышел, пошел и удавился.
Первосвященники, взяв сребреники, сказали: непозволительно положить их в сокровищницу церковную, потому что это цена крови.
Сделав же совещание, купили на них землю горшечника, для погребения странников;
посему и называется земля та "землею крови" до сего дня.
Тогда сбылось реченное через пророка Иеремию, который говорит: и взяли тридцать сребреников, цену Оцененного, Которого оценили сыны Израиля,
и дали их за землю горшечника, как сказал мне Господь.
Иисус же стал пред правителем. И спросил Его правитель: Ты Царь Иудейский? Иисус сказал ему: ты говоришь.
И когда обвиняли Его первосвященники и старейшины, Он ничего не отвечал.
Тогда говорит Ему Пилат: не слышишь, сколько свидетельствуют против Тебя?
И не отвечал ему ни на одно слово, так что правитель весьма дивился.
На праздник же Пасхи правитель имел обычай отпускать народу одного узника, которого хотели.
Был тогда у них известный узник, называемый Варавва;
итак, когда собрались они, сказал им Пилат: кого хотите, чтобы я отпустил вам: Варавву, или Иисуса, называемого Христом?
ибо знал, что предали Его из зависти.
Между тем, как сидел он на судейском месте, жена его послала ему сказать: не делай ничего Праведнику Тому, потому что я ныне во сне много пострадала за Него.
Но первосвященники и старейшины возбудили народ просить Варавву, а Иисуса погубить.
Тогда правитель спросил их: кого из двух хотите, чтобы я отпустил вам? Они сказали: Варавву.
Пилат говорит им: чтó же я сделаю Иисусу, называемому Христом? Говорят ему все: да будет распят.
Правитель сказал: какое же зло сделал Он? Но они еще сильнее кричали: да будет распят.
Пилат, видя, что ничто не помогает, но смятение увеличивается, взял воды и умыл руки перед народом, и сказал: невиновен я в крови Праведника Сего; смотрите вы.
И, отвечая, весь народ сказал: кровь Его на нас и на детях наших.
Тогда отпустил им Варавву, а Иисуса, бив, предал на распятие.
Тогда воины правителя, взяв Иисуса в преторию, собрали на Него весь полк
и, раздев Его, надели на Него багряницу;
и, сплетши венец из терна, возложили Ему на голову и дали Ему в правую руку трость; и, становясь пред Ним на колени, насмехались над Ним, говоря: радуйся, Царь Иудейский!
и плевали на Него и, взяв трость, били Его по голове.
И когда насмеялись над Ним, сняли с Него багряницу, и одели Его в одежды Его, и повели Его на распятие.
Выходя, они встретили одного Киринеянина, по имени Симона; сего заставили нести крест Его.
Х
Сайт создан сотрудниками Карельского научного центра Российской академии наук
Вы можете свободно использовать материалы нашего сайта и делиться ими, главное — указать авторство и ссылку на наш ресурс.
Подробнее о лицензии CC BY 4.0
© VepKar. Открытый корпус вепсского и карельского языков