Тексты
Вернуться к списку
| редактировать | удалить | Создать новый
| Статистика
| ? Помощь
Jakovlev Sergei.
Lentäjä lehti
Jakovlev Sergei
Lentäjä lehti
карельский: собственно карельское наречие
Новописьменный севернокарельский
Tuuli liikuttau šykyšyn ilmua,
Pölyjä pyörittäy teitä myöten,
Unohtu eklini lämmin ilta,
Pohjoni tuuli purkautuu kotih.
Latvašša värisöy keltani lehti,
Vähäsen vielä himottau elyä.
Tuuli ei välitä – lujempah piekšäy,
Šillä kun pakko on juošša eteh.
Hoikkani varši voimatta katkei,
Lentämäh läksi keltani lehti.
Iloni vapauš humaltau piätä,
Tämmöistä onnie šyväin ei keššä!
– Vašta še kunnon elämä alko!
Lennän, kuin lintu, taivašta myöten!
Kaikista kallis miula on valta,
En myöššy enämpi omah kotih.
Vakautu tuuli, hommista piäsi,
Levähtäy mečäššä kuušen alla.
Lehti še kirpoi likaseh liäšöh,
Šielä ni loppu kultani valta.
