Тексты
Вернуться к списку | редактировать | удалить | Создать новый | История изменений | Статистика | ? Помощь
"El’etäh-ollah molodoit"
"El’etäh-ollah molodoit"
карельский: ливвиковское наречие
Коткозерский
El’etäh
-ollah molodoit , da muamah da tuattah .
Mužikku l’ähtöw linnah .
L’ähtöw linnah , häi siä ostaw zirkaložen piänen .
Ostaw zirkaložen da tuaw kodih , da ei ozuta nikel’l’e , a panow pialuksih .
Pialuksih panow , a mučoi rubiawgi sijua kabrastamah .
Häi l’öwdäw siä pialuksis zirkaložen .
Kačahtaheze häi , ga siä moine nuarikkaine , čomaine , hüväine .
Häi davai itkuw , davai itkuw : "Oi , – sanow , – nügöi nengoman on l’öwdännüh hüväžen da čomažen , ga minuw iäre tüändäw , ei nügöi minun kel’e rubia el’ämäh !"
Tulow muatuškah pertih .
Tulow muatuškah pertih ga : "Midä bo , n’eveskü , itket ?"
"A itken , – sanow , – kačahtai nügöi , linnah tüäniittö poijan ga , nügöi minun iäre tüändäw .
Nengoman on hüväžen da čomažen l’öwdännüh , – sanow ga , – minunke taki ei rubia el’ämäh ".
Muatuškah sanow : "Vuatas minä kačon !".
Kačahtaheze häi ga : "N’eveskürukku , – sanow , – ga ei jo ole hüväine da čomaine !
Ga avoi-voi , midä nügöi ollow el’änüh , gu on nengoman tuhman da vanhan ottanuh !"
Mollei itkiätäh , mollei itkiätäh .
Tulow starikku pertih , tuattah se .
Tulow ga : "Midä bo nügöi itkettö mollei ?"
"Ga midä itkemmö , – i sanow , – gu poijan tüäniit häi linnah , ga , kačo nügöi , mittuman on l’öwdänüh staruwhan , – sanow , – näit go nügöi , ollow go kummua vai ewllene , nengoman on staruwhan tuannuh !"
Starikku sanow : "Ozuttuattos minule !"
Ga häi kačahtaheze häi , ga starikku , vanhu , parranke !
"Ga midä jo on – sanow , – ei häi ole tämä ni staruwhu , ewle ni mi , a tämä on starikku , da vanhu , da paha jo nügös ".
Starikku se sanow : "Midä , poigu-rukku , ollet el’ännüh nügöi ?"
Jo itkiätäh kolmei .
Itkiätäh , itkiätäh , ga tulow poigu kodih .
Tulow poigu kodih ga : "Midä bo nügöi kaikin itkettö ?"
"Ga midä itkemmö , midä ollet el’ännüh nügöi !
Vanhu starikku täs on !
Hüvin olet nügöi el’ännüh , ga hüvin olet el’ännüh !"
"Ga kui bo neče , da midä bo ?"
"Ga nenga i , nenga i : l’öwdi n’eveskü pialuksis sinul zirkaložen ".
Ottaw poigu zirkaložen dai sanow mučoile : "Tules nügöi tänne !"
Tulow mučoi .
"Kačahtai s sinä täh zirkaložeh !"
Kačahtaheze , dai sanow : "Olet go sinä iče ?"
"Ga en häi minä tiijä , minä iče go vai ken olen , – sanow mučoi , – en häi minä näi iččiä !"
"Gu et näi iččiä , ga sinä , iče olet , – sanow , – zirkaložes ozuttaw , što sinä olet iče !"
Nu mučoi ihastuw , što vot mol , mittuine olen nuarikkaine da čomaine , da hüväine – iččiädäh nägi .
Kuččuw muamuadah , sanow : "Muamo , tules sinä nügöi tänne !"
Tulow häi tänne ga : "Muamo , kačahtai , – sanow , – sinä olet go iče , ollah go sinun ruppižet ?"
"Ga minun ollah onnuako , poigu-rukku , ruppižet , dai minä olen gi , minä olen ...".
"Tules , tuatto , tänne ".
Tulow tuatto .
"Kačahtai nügöi iččiädäs !"
Kačahtaheze häi ga – parran ke !
"Olet go iče ?"
"Ga vrod’e , poigu-rukku , iče olen , iče olen ".
Nu , el’etäh -ollah , kaikin ruvetah iččiä nägemäh zirkalos , dai ihastuttih .
Da vai el’etäh , da zirkalos omua iččiä kačotah .
"El’etäh-ollah molodoit"
карельский: ливвиковское наречие
Коткозерский