Тексты
Вернуться к списку | редактировать | удалить | Создать новый | История изменений | Статистика | ? Помощь
Miiden der’oun Kerčak
Miiden der’oun Kerčak
вепсский
Южновепсский
Miiden
der’oun Kerčak om jogou , beregau .
Edou oli der’oun sur’ , kaks’küme pertid .
Der’ounalon oliba pöudod , kazvoi rugiž , nižu , kagr i ozr .
Minun dedau kanz oli sur’ diki , kaks’küme mes’t’ .
Lapsid’ sötiba eriže .
Mä läksin’ Kijaižhe mehele .
Miiden der’ounalon lähen oli Agj .
Agjas edou eliba čuharid , Kijaižes basiba miide karthe .
Tauvou mužikad radoiba pasekas , parzid’ čapoiba , vediba .
Mä radoin’ pasekas tatamu i vel’jemu .
Kevadou mö pašimai man , kündimai , ägestimai i semenzimai .
Pidimai lehmid’ i heboid’ paran .
Hiinan kosimai vitakhou , kuivatimai i kegho panimai .
Pöühän semenzimai .
Sügüzuu nüt’kimai , levitimai .
Kudaig lumt iile ka sel’gitamai pöühän .
Ken ühca kir’bid mälib , ken kahca keu kanz ii sur’ , ka kus’ kir’bid mälib pöuväst .
Pöühän mälid , vįbrosnuid , vįtreplid , sugid šetiu .
Viškime pijod sidotas tukuile .
Kaks’ tukud pandas – nece kir’b .
Kezertas pöühän , potom viht’akoile bipšimai tainan .
Potom ligotamai , pezemai i kudomai kanghan .
Pöuhine ka hoik kangaz , a pal’čosine ka järedemb , rohtmine ka vöu järedemb .
Balafonoikš r’adnina , käzipaikoikš pal’čosine kangaz , räčnikš hoikaane kangaz .
Miiden der’oun Kerčak
вепсский
Южновепсский