Тексты
Вернуться к списку | редактировать | удалить | Создать новый | История изменений | Статистика | ? Помощь
Semenzimaa mö tatamu rughen
Semenzimaa mö tatamu rughen
вепсский
Южновепсский
Semenzimaa mö
tatamu rughen kezandho i vaamičimaa paraa hebool’ .
Mä ägestin’ , hän vezad koloti .
Pimedhasaa mö sigaa radoomaa .
I tata käeli näahtamha tagemba kagrad .
Kagr ani čoma , kagran necen kon’di , mäžotab , söb .
Hän i basib : «Ajagam mö sina öks , ödügam hebool’ ».– «Ajagam ».
Ajahtimaa mö ani vähäžen , vastha putui mužik da ak .
Mö i basimaa : «Ištkahat meiden heboole i ajagat kod’he ».
«Vömaa » – basiba .
Hö ištuihe , ajooba , a mö mänimaa jägaa sina .
Mänimaa kagralest , ani pahoo södud .Kagr pit’k’ , mužikan pitte mugoo .
Tata i basib mine : «Mä san haagood’ öks’ lämoon tehtes magates , a sä , – basib , – rahno nece sötätiž , mihe tehta lämoo kagrha ».
Mä kaiken rahnoon’ necen kagran i snapuužed kogho panin’ suslonoile kuhlile .Hän lämoon’ teg’ , keitimaa kašad , söhtimaa i pandaaze tarbiž , pimed .
Hän basib : «Tuhahtoitaške oružjaspää kerd ».
Mina ku tuhahtoitan , mi-se mäžegan’ korbes , logas sires metrad kümnen i vaikištui .
Tata i basib : «Enamb ii tulo , pangaazem ».
Panimoo .Homencoo noožimaa , päävoo jo noozeškaaz’ .
Tata kuzele läks’ lämoopää i basib : «Libu pigemba ».
Mä san : «Mibak ?».– «Ka näge , basib , sä ed dorahnnu kagrad-se ».
Mä san : «Nimittušt sötatišt en jätand , kaiken rohnoon’ ».– «Enamb sida täluu södut , kaik södut kondjaa ».
Čut’ meid kon’d’i ičtamoo ii sönu lämool’ .
Semenzimaa mö tatamu rughen
вепсский
Южновепсский