Тексты
Вернуться к списку | редактировать | удалить | Создать новый | История изменений | Статистика | ? Помощь
Kondikulu razihe minum päle
Kondikulu razihe minum päle
вепсский
Южновепсский
Mä
läžuin’ , otpravime bol’nichu .
Siga primiba mindaa , pidiba päivad kümne .
Bol’nicuspää kebnendust iile .
Mä pakičime kod’he .
Mä otpravime kod’he .
A feršal krincaa ištub i kizui minaa : «Omaik sinaa dorogale spičkad ?»
Mä basin : «Iile minä spičkood’ , mä kuri en ».
«A otaške sä , basib , ei tariž öduda ».
Mä pol’ ted astuin’ , virstad kuz’ , ostanovime lebazuuhtta .Minaa kädes kalu .
Homaačin’ , ühtnägoi poikpoli tes metrad kimnen minuspää skokahti kaks’ händikast poikpoli tes .A mä kaluu-se otin’ i stuknin’ mechašt vast i basin : «Kunak te , mecamehed skokitaa-se ?».
Sid’ mučuižid’ kaks’ skokaht’ i min-se murmutaba bas’ta .
Dumain’ händikahad , ažno kon’d’jan poigad .
Mä voo kerdan ku plakaadan raidad vast kaluu , mechašt vast .Ku sigäpää razihe sur’ kondikulu ( mam heiden ), da davai kesked ted-se skokta .
Su avaitud , pr’amo minum päle .
Nägin’ kuverz’ i hambhid’ sus , i mindaa harhotil’ kaiken roib .
Mä pätime , hän minhupää .Mä sihesaa pätime , varaidan lankten zatp’atki .
Jäl’gmää poigad-ne uidiba vähääžoo edembahk i nece mam jaagad päst’ maha i en teda uidi ali ei .A mä tagasp’ati kod’he .
Kegolest saime , lämoin’ tegin’ , ištun , kaik muštnin’ i jaagad säregan’ba .En teda , mi i tehta .
Ühtnäghu telegaa sigääpää mužik ajaškaaz’ i basib : «Midak sä , Vas’ka-d’ad’a , sid’ ištud ?».
Mä san : «Ninga i ninga ».
«Davai , basib , ištte telegha ».
Mä telegha ištuume .
Ajemaa sile tahole , ka hebod satta ii , hebo mujab kondiid’ .
I tariž oonu kunutad , hebo segi varegaaz’ .
Kondikulu razihe minum päle
вепсский
Южновепсский
Как медведица на меня бросилась
русский
«
«