Тексты
Вернуться к списку | редактировать | удалить | Создать новый | История изменений | Статистика | ? Помощь
Kronštatan vostanii
Kronštatan vostanii
карельский: ливвиковское наречие
Коткозерский
Tuhat
üheksäsadua kahtendeltostu vuvvel minuw priimittih vojennoih sluwžbah na Baltiiskoje more , krepost’ Kronštat , minnịi otr’ad .
Täs minä sluwžiin kümmene vuottu .
Kümmenen vuvven südämeh sai minul merdü müö ajua kudakuzgi , puwtui vierastu l’eibiä kaikenualastu süvvä sie .
Sit kümmenen vuvven südämeh tuli tämä revol’ucii meil’e , Rosiah ...
Konzu Kerenskoin pravit’el’svu rodiih , cuari se l’ükättih , meidü čotaittih bol’ševiekoikse .
Flottu , sanow , on bol’ševiekat nemme .
Tuhat üheksäsadua viijendel vuvvel [1905], enne revol’uciada tädä , značit , oli vostanije sie , Kronštatas , kuduas čuastis minä sluwžiin , se vostal pervịm .
Vostanija tämä sm’ali , carskoi pravit’el’svu neče [sm’alo ].
Sit meijan častis üksitostu hengie oli ammuttu , dostali otr’uadu oli katorgah bessročnoih [tüöttü ].
Konzu tämä revol’ucii rodih , üksi Kronštatskoi ruadaiju (se oli sit čuastis sluwžinuh , famielieda en musta ), ucel’el , piäzi , jäi hengih .
Se tuli järilleh minnoih otr’uadah .
Tämän procedurin kaiken sanoi , mittuah luaduh ammuttih i ozutti meile kus ollah muah pandu .
Net müö kaivoimmo iäres da sit paniimmo Kronštattah muah , na Jakornuju ploščat’ , suamoile parahale kohtale , üksitostu hengie net .
I heidü oli sellitettü paradnoih formah ammuttavakse .
Dostali minnoi otr’ad seižoi täs , kačoi .
Hüö omal käil kaivettih labjal ičelleh hawdu , kuh langeta dolžen .
Üksitostu čuassuw päiviä heidü ammuttih .
Konzu müö sie jo kaivoimmo , näimmö : ühtel oldih čuassut , sil’l’e čuasule oli azetuttu .
Konzu ambumah tuldih , treibuittih ezmäžikse flottu , oma flottu ambumah .
Flottu otkuažiiheze : "Omii , – sanow , – müö emmo ammu !"
Kučuttih kaksi artil’eriiskoidu polkua – net otkuažittiiheze ambumas , kaksi pehotnoidu (d’evänosto d’evätii i sotii ) – net otkuažittiheze .
Sit Pet’ergofas kučuttih sto semnatsatii pehotnii polk , se ottiiheze ambumah .
Gen’erualu , kudai kamanduičči heile ambuo , tuli ezmäžikse sih edeh : "Tüö , – sanow , – pakičiitto välliä (iče šuaškan obnažii , punaldii , – tüö , – sanow , – l’övvättö välliä toižel ilmal !
Tüö pakičiitto muadu – muadu minä teile annan !"
Šuaškan püsti muah i prikuazan andoi ambuo : zalp !
Ammuttih , sih kui piä kandaw langettih , peskužele , sinne meren randah ...
Tämä gu (matrossu ) tuli , n’evvoi , sit nostiimmo müö , avaimmo (sit oli , kačo , jo mi aigua proidinuh ).
[Heile ] buite ku oli vaste pandu paradnoi formu piäle , duumaičiimmo : vot-vot .
Vaigu nostiimmo – viijen minuwtan südämeh zatl’eli – ewluh ni midä .
Sit toižeh sijah muah paniimmo müö heidü .
Muah panijua meidü oli primerno tuhattu viižikümen vojennoloi .
Vot .
Kronštatan vostanii
карельский: ливвиковское наречие
Коткозерский
Кронштадтское восстание
русский
«