Тексты
Вернуться к списку | редактировать | удалить | Создать новый | История изменений | Статистика | ? Помощь
Oravis
Oravis
карельский: ливвиковское наречие
Коткозерский
Minä
ühten kerran l’ähtiin oravih .
Kaksi koirua oli minul .
Sinne minä üövüin meccäh .
Meniin pitkäl’e matkal’e , järvirandah üövüin .
Minul oli l’eibiä vaiku palaine keral , kaksisadua grammua .
Prišlos’ minul üö muata siä .
Minä ammuin oravua palua kümmene .
Nu vot , palua kümmene ammuin , üövüin .
Minä luajiin tulen , minul pidäw üö muata : pimies et mene ni kunne – kilometrii kaksitostu kois päi .
Minä magain üön .
Koiru minul ühtes čuras , toižes – toine , muatah minuw vaste , onhäi ku ižändiä vardoijah .
Valguow huondeksel .
Minä l’ähten opät’ oravih .
Kodih päi nügöi pidäw .
Leibiä on minul vähä , ga minul kodih päi pidäy mennä .
Nu minä vie ammuin palua kaksi-kolme sie kodih mennes .
Tuliin kodih .
Oravua minul on jo nügöi palua kolmetostu .
A oraw oli sillois hüväs hinnas , kallis oli .
Kolmehtostu palah minä sain jo nügöi huavon süömistü , l’eibiä .
Nu tuliin minä kodih , net n’ülliin , akku sanow : "Ole täs !
Nügöi meil’e l’eibiä roiheze .
Mene tuo huomei vie ".
Tossu piän minä l’ähten vie .
Net paniin kuivah , sie kuivetah lais nahkat oravan .
Tossu piän minä en loitos mennüh , en üödünnüh .
Viiži palua vie sain toižennu päivän .
Koirat minul oldih , oružu minul oli oma .
Nu , hüvä sit .
Jo nügöi on minul kaheksatostu oravua .
"Viegu , – sanow akku – iellehpäi meččuija gu , sanow , enämbi oravua , sit kerras zdaičemmo , enämbän kerras voimmo ostua l’eibiä müö ".
Ka , pidäw kävvä .
Sillos ewlluh l’eibiä .
L’ähten minä meččuičen .
Sit palua puolensadua oravua suitan , kerras zdaičen .
"Ohoh !
Nügöi meil’e l’eibiä piäzöw talvekse süvvä ".
Nu , oravat minä zdaičiin hüväl hinnal , bez d’efekta .
Minul značit ewle ni mittumua nečida lowkkua nahkois pahua , vaiku drovun lowkot ollah .
Nu net priimitäh pervoih sortah kai .
Minul jengua on jo nügöi , talvekse l’eibiä suan minä .
Tämä dielo hüvä !
Vot sil vuvvel oli oravua äijü meijän mečis , Karjalas .
Leibiä ostiin , jengua puwtui , ga talven eliin lapsien kere hot’ bị što !
L’ühüös talvigi proidii .
Nu kezäl midä sit , kevätpuoleh ?
Kevätpuoleh jo ei pušnin mene .
Kevätpuoleh pidäw varustua verkua , kalua püwdämäh ruveta .
Oravis
карельский: ливвиковское наречие
Коткозерский