Тексты
Вернуться к списку | редактировать | удалить | Создать новый | История изменений | Статистика | ? Помощь
Pelduoine on ammuine külä
Pelduoine on ammuine külä
карельский: людиковское наречие
Южнолюдиковский (святозерский)
– Nu
a ongo ammuine külä tämä ?
Mi vuotte on küläl Pelduoižil ?
- Ka en tiä .
– Kui muštelttih ?
Kui muštel’t’t’ih kah ammuine vid’ on , vit’ , kačo d’o mille on mi seiččeikümen nel’l’ vuotte , ka vid’ d’o ende sigä ol’d’ih da kai ka kui miidumat , kui miittumat tul’d’ih da kai , ei olnu , küläd meiden täs .
Biegluoid azuttih se külä meiden , vot mušteltah kui .
Miittumad enzieläjäd rodittiheze da kai em minä mušta sidä , em voi sanoda .
Oli minä oli ülen muštačče , oliis sanelttu da muštanuižin ka lopun , kaikem muštažin istor’ain ka , vot embo minä kulnu mis siten hüö kus zavodittih .
A toko sanottih korbi oli , miittumad oli korbed da kai ka .
A , lugettiheze , pagolaižed küläh sih strojimah da kai , kus hüö pagettih kuz ol’d’ih miittumat .
Peldod da kai а d’älgele vit’ , kačo pokol’enii da peldod da kai da rubetah da kai .
Kui meiden kačo d’agetaheze vel’l’ed da rahvast enämbi kazvau ka .
I neččidä rodiheze , mualuoid d’agetah da kai , a siid mi bedn’akkad oli siit kai burlakakse da paimuoiks da kai lipottih küläz iäris (iäris = iäres ), ken ei ’kiehtannu ruata küläs .
Ei olnu kač ei äijät peldot .
– A eigo sanottu mi ezmäine rodiihes : Sürd’e vai Muale vai Haude ?
Vot embo voi sidä sanoda : Sürd’e vai Muale .
Moužet’ Sürd’e rodih enzimäižekse ku oli Koččuri-mäged da kai .
A toko se sanottih biegluoid enzimäižeks zavodittih külä srojida .
Korbi čistuoi oli ...
Teilegi tulou muštai Pedäi-zapol’kaz oli miidne pedäi ?
Ka d’äredembi tädä stolad nenguoin oli , Pedäi-zapol’ke , oksad ol’d’ih ka vot d’äredembäd nenit ...da kuuzed da koivut storokol’ennuoit (storokol’ennuoit = starokol’ennuoit ).
A vit’ kuh rubettih elämäh ka , siid i korbi muretah kač da elaige azetetah .
Pelduoine on ammuine külä
карельский: людиковское наречие
Южнолюдиковский (святозерский)