Тексты
Вернуться к списку | редактировать | удалить | Создать новый | История изменений | Статистика | ? Помощь
Endine svuad’bo. Venčal tulduu
Endine svuad’bo. Venčal tulduu
карельский: ливвиковское наречие
Сямозерский
Vai
venčal päi tullah , ezmäzikse päčil , sit tuvvah d’uvva (ženihü da hn’ägin päčil istutetah , vai d’aksavud dai nowze päčil da päčil istoi ).
Päčil rinnakkah istut kodvaizen , čuaju vie ewle kiehunuh , samvuaru kuni kiehuu da stolal varustetah , sini päčil .
Da ül’en on se hüvä .
Müö kui venčal tänne Vuoht’ärveh kävüimmö , Ofon’ah menimmö ga , meil oli , hot köwhäd olimmo , ga valgie päčči oli , ei tuldu savut pertih , а Ofon’az oli mustu päčči , pidi pidiä uksi avoin .
Menimmö kui ga , olan’n’ua luajitah , sidä piiraidu luajitah , uksi avoin , truba avoin , perti vilu , vilu , meidü pal’ton piäl heitimmö da pačil , päčil , da päčil istavuimmo .
Hoz savuu vähäine oli ga ničevoo , l’ämmin oli sie .
Istuimmo kuni varustettih dostali süömine se .
Sit truba salvattih , da sid uksi salvattih , sid rodih l’ämmin .
Päčil annettih ezmäizikse juvva , annetah maidua libo mard’an herua , mard’ua , mard’an herua annetah , štobi lapsed rodizih verevät .
Sih niškoi annetah , štobi lapsed vereväd rodizih , a maiduo ga , roiteh lapset valgieverizet tože , sid d’uotetah ezmäi mard’an herua .
Minä d’uon i ženihü d’uow , kolmeh kerdah minä d’uon i ženihü d’uow .
Sid maiduo – rieskua maiduo d’ällel , päčil , sie päčil istummo , sie d’uommo .
Piiraidu ei päčil , vai ku d’uvva annetah venčal tulduw , ezmäizikse annetah maiduo , štobi valgieverized rodizih , a sid i mard’ua annetah , štobi ruskied rožad rodizih lapsile , se on primiettü , ennen oli , kui päčil ollah molodoit , annetahe rieskua maiduo , mard’ua .
Sid süömized on valmehed se stolal , sid vähäizen päčil olemmo , süömäh da d’uomah .
Süömmö da d’uommo sid ühteh palah , sid ühteh stolah sih čuajut tuvvah dai süömized .
Süömmö da d’uommo , stola kabrastetah , net , süömized iäreh , pühkimed d’äril’l’eh oijendetah stolil rinnal , l’eiväl piäl obrazu , sid molodoit stolan tuakse mennäh .
Sit tervehtämäh kävväh , ga d’engat sih torielkal pannah da sih l’eibiä da obrazua nostellah – blahostovitah .
Viinua , viin’ua stolal ewle sid i tervehtüzaigah .
Hn’äzevöi stola , ku meil oli vie hn’äzevöi stola ga , sidi stolaz iäre l’ähtimmö da sid orren ual seizatuimmo , sid viinua oli .
Stolaine sih tuodih viinubutilku sih stolal da r’umkat stolal , sit čilkaittih , d’uodih sid , molodoloin kel čilkaillah da heimokundu , se kedä tulow sih tervehtämäh , ga ned , sid d’uodih vaiku hn’äzevöis stolas .
A ku kozi kačotetah muččoidu , täs suures čupus seizotah molodoit stolan tagan , sid ewle viinua ...ei d’uvva viinua tervahtüzaigah .
Ewle , endizes svuad’boz ewlluh , süönüaigah vai .
Ga d’o nügöi sid ollah d’o humalaz rähistäh d’o , d’o humalaz ollah svuad’boveh .
Konzu tullah venčal päi , d’engu on d’öngöi valmis käis , hobd’aine d’engu , nu vai kui tuled ukses päi , dai päčil vai kamahtah .
Meijän kolpakkua ewlluh , mustu päčči oli , pertih tuldih savut .
Kos kui tervehtämäh ruvettih , d’engan sen minä päčil l’ükkäin , sinne vai kamahtihe , venčal tulduw käskiettih l’ükätä .
En tie viistostu kopeikkuago oli vai kaksi griunua oli , en musta sidä , a d’engu oli hobd’aine .
Sit kui söimmö da d’oimmo , sit se tervehtüstola rodih , mučoin kačotus , sit kui riehkittih orziloi , da sit otetah net kädeh , kedä mi : ken kalun , ken min ottaw , sit kui riehkitähhäi , kirrutah : "Hüviä muččoi , hüviä molodoloi , hüviä muččoi !"
Sit kui nogie kirboi , oi hospodi !
Minul oli šulkuine paikku , oli keldaine paikku neče , valpas keldaine , ga sid rodih d’oga sija täwzi nogie paikkah !
A kui muul pertil ga , sit täwdenäh kai on !
Alahakse jo suwred ned novet kirvotah alahakse , a pertis onhai kui savuine !
Muga nogie l’ähti , muga kolotittih !
Mustu päčči oli Ofon’as .
Ga annettih räd’žäitettih minuu vägehes .
Endine svuad’bo. Venčal tulduu
карельский: ливвиковское наречие
Сямозерский