Тексты
Вернуться к списку | редактировать | удалить | Создать новый | История изменений | Статистика | ? Помощь
Ažlak mecoi
Ažlak mecoi
вепсский
Младописьменный вепсский
(Evenaine sarn
)
Möhäsügüzel lindud lendiba mecan röunale , sikš ku oli tulnu aig lähtta lämihe maihe . Seičeme päiväd ned kerazihe da kucuiba toine tošt :
– Oma-ik kaik lindud tägä ?Kaik-ik oma vaumhed ?
Kaik lindud kerazihe , vaiše mecoid ei olend .Kotkoi iški ičeze gurbnenal kuivad oksadme , iški völ kerdan , a sid’ käski norele tedrele kucta mecoid .
Leviti tedr suugid , lendi mecha i nägeb : mecoi ištub pus da pähkmid käbuspäi söb .
– Hüvä mecoi ! Mö kaik lendam lämihe maihe , vaiše sindai jo seičeme päiväd varastim .
– Ei ole rigod ! Kacu , äjak tägä om völ pähkmid .Kut niid jätta ?Tedr pördihe mecan röunale i sanui toižile linduile :
– Mecoi kedran pähkmid söb i ei tahtoi leta nikuna .
Siloi lendi habuk mecoinnoks .A mecoi ištub da kedran pähkmid söb .
– Mecoi ! – sanui habuk – lindud varastiba sindai jo nel’l’toštkümne päiväd . Tarbiž jo leta lämihe maihe .
– Ala rigehti – andoi vastusen mecoi , – ehtim ! Tarbiž söda hüvin edel pit’käd matkad .
Habuk pördihe linduidennoks i starinoiči , miše mecoi ei rigehti lendmaha , sikš ku tahtoib söda külläks .
Lendiba lindud lämihe maihe , a mecoi jo seičeme päiväd ištui kedral da söi pähkmid .Kahesandel päiväl hän lopi söda .Zavodi hän puhtastada nökud da suugid , a iče meletab :
– Ei , nacein , kaikid pähkmid en voi söda !
Lendi mecoi mecröunale .Mi nece om ?Mecröunal ei ole nikedä .Kavagneglad oma mas , oksad oma pal’had .Kahtes nedališ varastades mecoid lindud kokiba kaik neglad kavag’pus .
Itkeškanzi mecoi :
– Vaiše minä jäin !Kut-žo minä tal’vdun üksnäin ?
Kündlišpäi mecoin kulmad ruskniba .Siš aigaspäi kaik sen lapsed da vunukad kundleba necen starinan da itkeba .Sikš mecoiden kulmad oma rusttad kuti pihläčud .
Ažlak mecoi
вепсский
Младописьменный вепсский
–
–
–
–