Тексты
Вернуться к списку | редактировать | удалить | Создать новый | История изменений | Статистика | ? Помощь
Lesken Fed’a
Lesken Fed’a
карельский: людиковское наречие
Южнолюдиковский (святозерский)
– Viego muštat keda eli
Pelduoižen taloluois , zavodimme Lesken Fed’an taluois ?
Minä muštan d’oga taluois n’okaz n’okkah .
Kaikkid rahvahid muštan , dai kaikkit mužikuoid muštan dai , naižid dai kaikkid muštan , voin sanoda .
– Nu kedä oli Lesken Fed’an taluois ?
Lesken Fed’an taluoiz oli : Fed’a oli se , heil tuatto kaikiz vahnin .
Kolme poigad oli .
Iče Fed’a oli nainu Palatezd’ärvez .
A poigad ol’d’ih , vahnin poig oli Miikkul , keskimäine poig oli Timuoi , nuorim poige Ol’eša .
Vahnim poig oli Čarniemes , Maksimouna oli Irin’n’e hänel otettu .
A Timuoi oli nainu omas küläs Pelduoižis St’opin D’uard’e .
A Ol’eš oli nuorim poige nainnu Onuoin Fed’as .
Fed’al ielnu ni kedä .
Häi oli männu sinnä kodavävükse , Nastuoi oli mučuoi hänel .
Nu i nečil oli , Miikkulal last oli äi : oli poigat , oli tütärtte , kaks tüttärt oli .
Siit kačo keuhe da ülen oli keuhe pereh ka lidnas kuharkuoiččih .
Nat’t’ oli da siit toine Tan’a oli , entiä mändihgo ned miehele , lähtedih ka .
A poigad oli Iivan da Mač .
Siid Iivan tapettih se Miikkulam poige voine , a Mačči muga siit kaveli kaveli käveli da paimenzi da kai .
Entiä tožo kunna häi bezvesti mäni , se Miikkulan poige .
A Timuoil tožo da siid Duard’al oli kKaks poigat , kolmaiš tütär oli .
Tüttärel oli nimi Nataša , vahnimal poigal oli D’eša , а nuorimal poigal oli Timuoin poigit Ippu .
Vot tožo kazvettih da pahuoin nu sii paimettih da ol’d’ih da lapsit kačottih da kai da siid .
Endižel elaigal vid’ äj oli mugošte ka ed omas küläs kačo .
Siit tožo lähtedih lidnah , burlakuoiččemah da piät süöttämäh siit ainos sigä kävel’t’t’ih .
A Ol’ešal oli üks tutär Oksen’n’e , häi ei ni kävünü ni kunna .
Siid Nastuoi se kuoli , deigoni nainu deigoni midä tüttären ker eli .
Da sii lopun igän muga siid eli da d’älgele .
Akuacaih kouz lähtedih siid i kuoli se Ol’eša a Okku se d’iäi .
Nu , Okku siid omah küläh mäni miehele Borancovan Ol’oškan poigale .
Vot sii hüöhäi familii permenittih ei mändü Borancovikse , Nikitinäks kir’utettiheze .
Nu a siid elettih da tožo , ol’d’ih , a Okku vie on n’ügü hengiz , a Miša , se hänen ukko , entiä kunna lähti bezvesti Arhangel’skaz on , eletäh tožo .
Lesken Fed’a
карельский: людиковское наречие
Южнолюдиковский (святозерский)
Федя Лескен
русский
[