Тексты
Вернуться к списку | редактировать | удалить | Создать новый | История изменений | Статистика | ? Помощь
Kondruoin taluoi
Kondruoin taluoi
карельский: людиковское наречие
Южнолюдиковский (святозерский)
– A
kedä oli Kondnioin talos ?
Kondruoin taluoiz eli Kondruoi iče starikk oli .
Siid oli hänel kaks poigat , daže kolm oli , vot .
Vahnim poig oli Fed’a .
Sii häi se , se ku nečidä , Kondrat’ouna kuoli hänel , sil Kondruoil , siit häi nai toižen , otti Il’l’an D’akum Madžun .
Madžul oli kaks poigat : D’akku da Mit’t’u .
Nu a Fed’a se oli endišt akkat Kondruoil .
Nu siid hüö , kačo , muga siid elettih da ol’d’ih da kai siide , Fed’a nai , vahnim poige , Agd’an St’opanaz otti Dašan , vot sen ker elettih .
Siid Daša vähäižel siid eli da kai nu lapsiit suai ühten , poigan suai sevo , siid Daša se kuoli .
Fed’a nai uudessah Lidžmil , otti Sieni-korolin tüttäreks , Sieni-koroliks kirguttih .
Tüttären otti , Ivnounan Maša .
Maša nimi oli , Ivanouna oli oččesvo .
Sen otti .
Nu siit hüö siid davai se Fed’a elädä da kai da olda , siid i kuoli se , Kondruoi tuatto , siid Madžu sii sih d’iäi muamindam .
Nu siid elettih siid d’o sil rodiih Ivanounal laste , hänеl rodiiheze : poige Miikkul , toine rodii S’er’oža , kolmaiž rodii Nataša , n’el’l’äiz Liza , viideiž Anni .
Vot sit Fed’as , nu a siiten , kač d’o ned d’agettiheze , kai heiden se perelo .
Lähtedih Mit’t’u da D’akku , osobi se Kondruoin poigat , a Fed’a se tožo ühteh kodih d’agettiheze ka , osobi elettih .
Siid D’akku se lähti Piit’erih , Piit’eriz nai .
Kondruoin poige se nuorembe Madžun d’o Madžum toižen akan poige .
Nu da Mit’t’u .
Nu a siit kačo hüö sigä ol’d’ih da neččida mi rodiis se voine vai entiä mi sigä heil rodii siit hüö tul’d’ih d’o Pelduoižih d’ärilleh .
Vera Sergejouna akk oli , siid lähtedih op’äd’ d’ärilleh , se Veran kera .
Sii hüö otettih sinnä Mit’t’u , dai Madžu lähti sinnä Piit’erih .
Na a emmušta sigä miiččed vuoded ol’d’ih da kai midä hätkigo ol’d’ih vai midä .
Siid D’akku se sinnä d’iäi , Piit’erih .
Vera Sergejouna kuoli , häi tuli d’ärilleh Pelduoižih .
Se D’akku , Jakou Kon’dratič , dai Mit’t’u .
Nu sii häi nai d’o učiiheze feršalakse d’o nai .
Häi otti Rugan Pešan tüttären Oksen’n’an .
A Mit’ttu nai , otti Burakon Tan’an pogostäl .
Da siid elettih ol’d’ih da siit kačo se muga , a Madžu d’o d’älgele siit heidenker eli dai Madžu kuoli .
Dai d’o kai kačo net , Mit’t’u kuol’t’t’ih dai , Tan’at kuol’t’t’ih dai kai .
Ni ole ni kedä heiden pereloimud ei , lopittiheze .
Vot a Ivanounann oldah se Fed’an Sini-korolin (Sini-korolin = Sieni-korolin ) tüttären vie tüttäred da poigat kai oldah hengis .
S’er’oža vai voinile tapettih , Anni tožo vai kuolnnu .
A Miikkul on hengis , Nataša hengis , Liza hengis on .
Priäžäz eletäh .
Vot kaiken heiden pereloimun sem muštan , muid enämbi ni ked ielnu .
Kondruoin taluoi
карельский: людиковское наречие
Южнолюдиковский (святозерский)