Тексты
Вернуться к списку | редактировать | удалить | Создать новый | История изменений | Статистика | ? Помощь
Primetad
Primetad
вепсский
Средневепсский восточный
1. Endo mijau praznuidihe
Gürginpäjan (primetoitas ).
Gürginpäjan päivau piittas värtnäd da neglad vaumheks , miše ii nähta hiid’ .
Gesli nägištad Gürginpäjan neglan , ka nägištad kezau madon , a nägištad värt’nan ka nägištad kezau kondg’an .
2. Živatan pästtos ala sano «Nu , nu , mäno hot’kemba », ika mecauk otab , libo : «Nu lähto sitpäi , mä , gul’ai », sanud ninga vaihen , ka mecauk otab živatan .
Gesli otab da hätkelo lüuta ii vįigii , ka pandas gostincad mecba .
Kaks’ kromašt’ vastaiti čapetas kaurigaspäi , solad sipl’otadas , munan vauktas kanaspäi , potom pandas geršiižen kuivatut , tol’ko geršiižen , a tošt kalad ii pangoi , libo haugin hambhad kuivatut , potom tabakod pandas , spičkad pandas , saharad pandas , čajud , rusttad šuukud pandas , nitiižid’ rusttid’ .Ninga tukuižehe murdkädolo sidotas libo šauguižen murdkädolo omb'uutas .
Mändas mecha da kuume kudambus om ladvašt’ puhudos , sen puhudennoks , sihe puhudoho riputadas , a kumardasoiš kuumhe tesaraha , pakitas nenid mecaukoid’ da mecaakoid’ da lapsid’ , detkon da bapkon da služankoid’ ninga pakitas .
Kumardasoiš da neno gostincad gättas .Toižuu päivau živatan lüutas-ki .
3. Udon läväižen stroib ižand , ruun’aib pohg’an i semendab kuumeiččed güväd : ozran lehmživatan täht , rugihen hebon täht , kagran semendab lambhiden täht , miše plodihezoiš pahemba neno živataižed da elotaiž .
Potom panob gostincad (lahg'an ) ühcandon lahkon allo lagehe i taričeb : «Ižandaine , emagaine , primgät minun živataine , ningitte-se naku karvau , must sigau libo rusked , neceverd-se minäin’ hiid’ om , i plotk’at i rot’k’at enamb , ustaug’at , beregoikat , sötkat i götkat , maganzoitkat spokoino ».Kaik .
4. Pandas kanan haudumaha .
Haudub kana , pästab poig’aižid’ , sigau viž libo kuz’ .
Neno poig’aižed täuzigau pästtut , elotas sur’he pühazosai .
Sures pühäs tulob edohko äjädpäjad sur’ nelläns’päi .
Suren nellänspäjan vast pandas öks vaumeks güväižid’ stolan allo , kanoile homesoks söda .
Kanaižed eduu päivanuuzmad tom stolan allo da stolan au sötad da i pagižet-ki : «Kut neco stolaine ii käu laptaha nikuna pertišpäi , muga i neno minun (živataižet ) kanaižed ii käutas laptaha mun’m’ah'a nikuna ičiin’ horomaižispäi ».
Nu ka hö igan muniškatas ičezoi horomaha , piitoho mun’m’ah’a laptaha lähtkoi ii .Kaik .
5. Kazdas ningimad čokkaižed , metran kortte da i korttomb erasos sijas kazvab .
Tačid da putub sobaha ka erigoitta ii sa .
Ningiman čokkaižen mecas kuna ii kulugoi kukoid derüun’aspäi , sigaupäi nüt’käitas čokkaižen i todas kodihe , pandas ukson реlelo pälo .Nu ka ni mitte bol’ ii tuloška , bolin’ hän kuti tuukib pertišpäi , ii pästa bolid’ .
6. Mändas vencalo molodijad .Gesli kuk’ištub mužik huralo g’augalo , nu ka mužik kolob kesk’uu igad , a gesl’i oiktau g’augau kukištub ka erigandop akaspäi .
7. Ajetas vencaupäi heboil’ , nu ka remnil’e kuuduidas da kopatas maha , hot’ lumehe necon remnin' poikhezo ted .
Hebod siižutasoiš , heboile ozutasob neco remen’ kondi , a potom paukan makstas , neno rad’g’ad g’o side laptas siištas-ki , tačitas hiile den’gid’ .
Remnin' nüt’käitas i hebod lähttas möst oiktaha hüvin’ .
8. Kevaduu mecha mänod da ez’mäižen šihlikon näg’štad ka tariž tabata .
Tabadad necon šihlikon ,(panod ) matican allo , bumagaižhe käraudad libo ripakoišhe .
Luged siinaverespäi ühcandalo lahkolo kohtha panlod , pagižet-ki : «Kut neco šihlikoine kuivahtub , muga neno ludoguded kuivahtaiž minun horomaižes ».
Ižandan nimenki sanud .
Neco om tühg’ , ii kuivahtugoi .
Potom toine primet ludogihe näht .
Mänod ez’mäižuu sirpüu rahnmaha rugišt , čapaudad , tol’ko kuume sängut čapad da pagižed : «Kut neno kuivehtudas sängudod , lüustkudod lähttihe , erigatihe neniš šänguzišpäi , muga neno ludogudod erigataiž da lähttaiž nen’iš horomaižišpäi , kuivehtudaiž igaks kaikeks , amin ».
A kaik neco tühg’ , mina probuin’ da iile ližad .
9. Kül’betin’ konz saudas da žarhu äjak smenoid’ käuda raffalo , nu ka pakitas ižandašt’ da emagašt’ : anda sina miniin’ viš peremenad käuda kül’betiš pestas ka .
A ülemba vit’ käuškab nečhe kül’bet’he ka ižandaine toropl’aiškab rahvast , ii pästa pezmahakso .
Primetad
вепсский
Средневепсский восточный
Приметы
русский
[