Тексты
Вернуться к списку | редактировать | удалить | Создать новый | История изменений | Статистика | ? Помощь
Primetad
Primetad
вепсский
Средневепсский западный
1. Svad’bas
ajaba ženih da nevest pagastale venčaimahaze i traviba .
Kattob eiž , zavertk kattob , vot sini i travitut .
Traviba susedad .
Molembit’ travitas , ak bolib i mužik bolib .
Pinoho pandas ka üks’ bolib i teine bolib .
Löudaba koldunįd’ , nene koldunad pästtas hiid’ .
A kudamod ii vįi löuta koldunat ka hätken bolišketas .
2. Prizordui laps’ .
Tuli vävu Vinglaspei , a minei oli roditut niičukeine .
Hän tuli (a oli hän bliskozor ) i ninga koverzihe lapsen päle , a mini-se mel’he g’ohtįi .Mä san : «Ii näge ka völ koverdase lapsele päle ».
Miite laps’ magas’ ku magas’ , sit’ nikus sijad iilä .
Mä i baihu , mä i bajuspei , ka laps’ vongub , nedalin’ mokičimei .
Se mä g’o it’keteses tegin’ , se mä prizoraspei tegin’ .
Völ pid’ab mez’ löuta , mitte laps’ , mugįi i koldun löuta , üks’ veri štobį oliž , mustverine ka štobį i koldun mustverine .
Mä sit’ akha käelin , ak tegi g’o it’keteses , a laps’ minei it’kob , ni öl , ni pejal ...
Erašti bajutan ka bajuspei laps’ lendab da bibu kattob , lükeidan bajun eskei .
Vot kudamol eigal tuli , sit’ eigassei vongub .
Potom ak tuli da saab : «Oks’a , to täl ehtal päčhe ouged i vast , mina pezetan lapsen , vastįin’ .(Mironovna Anna oli , Pečiine , hän eli mijal ).
Nece ak vastįi lapsen da pezet’ i möst minei laps’ magadab , ii pid’a bajud , ii pid’a ni mid’a .
Kravat’he panon i kučkahta ii .
A sihesei nu ka hot’ sä mäno kuna taht , vongub i vongub , ku eidha tartunu .
Potom mini nevotihe : «Mäške , kacu , Anna Mironovna maltab tehta ».
Tegi i minei laps’ päzįi .
3. Živatad sä gesli laid ili hubin išked , se čas tuleb i živat sinei bolib .
Tulon erašti , g’omad ii g’o lehm .
Mänod tanhal , prostitįi .G’oga soumeižehe koverdamįi , san : «Ižandeižed , emägeižed , prost’kad , enig min’a hubin sanund , enig hubin laind , prost’kad mindei nece kerdeine ».
Nel’hä kerdha ninga .
Tulod , kacud , g’o lehm vessel’ i söb da g’ob .
Min’a tulin' mulįi tänna elämaha .
Lehmän ajan mecha , lehm tagaze kändase , nimid’a embįi tehta .
Röngub .
Mä kodihe i lehm mödha .
Mi tehta ?
Sid’ akad mini saaba : mäno da tariče lehm stadha .
Sanu : «Mecižandeižed , mecemägeižed , otkat minun lehmeine neche stadha , prim’gat ».
Koumašti ningana kävelin’ rostanihe da ninga pagižin’ da minei lehm kävuškanz’ .
Gäl’ges üht pejäd ii tulnu kodihe .
4. Kül’betiš oleskenz’ ižahdeine .Pezomįi mä da podumein’ min’ni sigäna , minei tegob čustiid’ ičelįin’ , ajaškandob , što erašti išttaze ed vįi , hubale sijale ajab , perzopoliškole ili kuna ni .
Mänod , prostitįi .
Oli i mecas .
Min’a g’on vet’ , a mam saab : «Ala g’o nečiš luhtaspei , huba vezi ».
Se-že tegob , määd prost’mahaze .
Vot sizar mäni da ot’ da luhteižespei vet’ gii , a mama saab : «Ala g’o necida vet’ , huba vezi-se ».
Hän zaboli ka lainata sül’gid’ ii vįind .
Potom käveli prost’mahaze .
5. Mužikal da akal laps’ kol’ , a lapsid’ oli ei .
Siriči miide porthiš vösketihe necen lapsen .
Parįi saab : «Kati , laps’ kol’ ?».
– «Koli , saap , Parįi , koli , slava tebe hospodi , kol’ , pästi hot’ käded ».
Hän sanįi ninga ka nece laps’ verdįi .
Ka mama g’ougiil’ ii vįind kävelta .
G’ougad kibištab i kävelta ii vįi , nikut libuda g’ougįil’ ii vįi , peižoti g’ougad hänel .Sid’ miil’ ningiine časiineine da neche Karhil pol’he prostihe .
Koumašti prostihe i päzii .
Nel’l’anden kerdan g’o g’ougįil’ astuškanz’ , mäni pagastale da koumeižele völ mäni i prostihe i sousem päzįi .
6. Lehm kandaškab , ii vii rot’t’a ka abutad vedada vazan .
Maidon kahesa udojad em sögįi , potom sömei .
Ezmeine maid nece pagan maid .
Potom argeidamei lehmän .
Kašad kiitämei , vįidaldamei , andamei paleižen lehmäle .
Pezetan lehmän , panon sin’n’a g’umaleižen , roudad , vastan , sereižen , udaran keiken hosin sereižel .Potom händan lühendan , lehmän keiken pezetan .
Tulon pert’he , tohust panon i hilit’ väheižen pan pavaričeižehe , maidon ninga kuurin .
Potom sömei maidon .
Paganan maidon vazale panesketihe .
Kudam enamban andab ka skopišketihe rahtįkš .
Ezmeine kandates ka pakiine , ii hüvä , rugamaid .
Paštad paklan ningoman da kanįile vöd .
Ez’mäks paganaha vädrha i lüpsad .
Otad paganan maidon , roudeižehe padaha viškeidad da päčhe panod .Hän tegese ku kana-munamunarič , ningomaks paklaks tegese .Necen otad da viičel čapad i vöd kaniile , tahtįit’ ka iče sö .
Primetad
вепсский
Средневепсский западный
Приметы
русский
– «
[