Тексты
Вернуться к списку | редактировать | удалить | Создать новый | История изменений | Статистика | ? Помощь
Kut spravitadas ličindhiinil’
Kut spravitadas ličindhiinil’
вепсский
Средневепсский восточный
1. Iunanpääd vast
kaik ličindhiinad nütkitas i gättas öks kastken allo , miše ivanovskijau kastk’uu kastaiž .
2. Prizorhiinad nütkitas i kuivatas .Konz laps’ om prizoras , siloi lapsen kuritas nenil’ prizorhiinil’ : pandas suukažehe hiluzid’ , nened hiinäižed pandas hiluzile i kuritas .Suren-ki ristitun kuritas , konz om prizoras , konz hondou süumau kactas .
3. Konz pän kibištab , ka siloi mechumalan kuivatadas , haudutadas i gödas .
4. Konz rügitab , g’odas muraškkored , haudutadas i g’odas .I prostudaspäi g’odas .
5. Konz gügedan lendad ka nadsaditoi , siloi gödas natsadgüren .
6. Konz vacan kibištab ka mustikaižen kuivatut haudutadas i g’odas .
7. Konz ristit läžub vesnuhau (läumain’ om , kaik sijad kibištab , eras ka kaiken magadab ), ka siloi haudutadas vesnuhhiinid’ i g’odas .
8. Konz laps’ läžub zolotuhas , siloi haudutadas zolotuhhiinid’ , i lapson g’ottas i pezotadas nečuu veduu .
9. Tät’uklehtesen sidotas konz g’augan herotad , ili konz ajab sor’mhe , ka siloi žarun vedab .
10. Konz vacan kibištab , siloi g’odas kaugangüred .Lapsolo haudutadas čajus , a surele nastoidas vinha .
11. Bolbarbad g’odas rügihen täht .Päčiš tömiše čugunas vedota , toižou päivau haudutadas i g’odas kuti čai .
12. Konz pahkan ajab , mačohlehted lämäs vedos ligotada , muilatada i panda pahkan pälo .
13. Kalinbarbad g’odas zolotuhan täht .Kuivatadas gürod i oksat (toroh ii latte ), haudutadas i pezotadas .Anttas vähäine g’oda .
14. Kukinkaranged kuivatas , haudutadas i g’odas zolotuhan täht i terfhudon täht .
15. Miše higodaiž , ka tariž g’otta babarmbarboil’ .
16. Koivun urbaižed nastoidas vinha i g’odas , konz kül’mäd .
17. Konz tegep kädele koiran lapan , siloi voitas garbl’uu ili paindas lämän liiban i liiban tačitas koirale .
18. Kalinau lapsid’ pezetadihe i g’ottihe , konz lapsou korvišpäi valub , süumad kibištab (zolotuha ).
19. Vacankibištusespäi sösketihe kadagen mar’g’ad (haudutadas i g’odas ).
20. Prostudaspäi i nervnostišpäi g’odas gekophiinad , nastoidas vinha i g’odas .
21. Purendhiinad g’ottas lapsile , haudutadas maidos i g’ottas konz om lapsuu purend .Purendhiinad g’ottas vazalo , konz vazau vacas uraid’ab (haudutadas i pandas g’omha ).
22. Konz lomip lud ka lomothiinid’ haudutadas i sidotas .
23. Miše rodnikad puhtastudaiš teramba , ka lehmän g’ottas gäl’ghe kandandad rodnikhiinil’ i sihlaižil’ .
24. Konz lehm vähemban andaškab maidod i konz kandab , siloi lehm g’ottas rodnikhiinil’ .Kuivatut rodnikhiinad haudutadas i g’ottas .Rodnikhiinad nüt’kitas Junanpääd vast .
25. Konz lendandtullii lapsou om ka tulliihiinad kuivatas , puuttas i nečuu tuhkau putkotadas kibedad .
26. Konz lehm čakau lüpsab , siloi lüutas puikiižen , miše oliž lähtnu oksaine , i sid’ om riigįine , i nečhe riigįižehe lüpstas nečiš nižaspäi maidon .Lüpstas i läbi kol’čaižes .
27. Konz lehm hätken ii puhtastu , siloi tariž täi tabata i sötta lehmale liibadme .
28. Konz lehm kandab , puhtastub , siloi lüpstas kuume kerdad paganaha vädrha , a potom pezetadas ristvedou i lüpstas puhthaze .Potom kiittas surinkašad gärg maidos , panob emag kašad liipsupalale , panob pavaričhaižehe hilid’ , panob ladanad , miše savustaiž , mäneb tanhale , ümbri lehmad proidub i nečiin’ liiban lehmale andab .Tulob kodihe , panob kašan stolale i ezmäižen luzikan andab d’oočkaižele , miše toižuu voduu lehm tegiiž lähtmäižen , a ii härgäšt’ .
29. Konz g’augad kibištab ka haudutadas murašmätos g’augad .Butuukan pandas murašmätho , mänob sinna murahaižid’ , todas kodihe i pandas päčhe .Konz hauduse , siloi puzertas i hositas g’augad muražvoil’ .
30. Konz ailastab , ka siloi sigankärzau abutoudihe (sigan riktas , kärzan čaptas i kuivatas ).
31. Konz rungun kibištab , siloi pandas ristitun kündusele , üks’ otab ludaižen kädehe , a toine otap kirfhen i iškeb ludaštme i čapetas; üks’ küzub : «Mida čapad », toine sanub : «Ut'ugan ».– «Čapa igaks kaikeks ».
32. Miše rungud ii kibištaiž rahndes , tariž konz ezmäižen kerdan gromiškab , ka tariž käraut’uuda kalačumid’ .
33. Konz laps’ hätkelo ii käu , ka čapetas gäl’ged , viičuu , sanutas : «Čapan strastin’ ».
34. Konz lapsou om rustteine , ka pandas pölusele rusttan paikan , lapsen pidetas pimedas .
35. Konz lapsou oma sugased ka lapsen vedas kül’betihe i vastoidas ezmäi , a potom hositas kvassil , pezotadas i kärautas rukaižihe .
36. Lüpstas maidod nižaspäi , tehtas kolobaižen i pandas harg’oile , sidotas šuukuižuu paikau .Nece om kibed hiitta , sugased kolobadme lähttaski .
37. Konz ruskotap käzi libo g’aug – nece roža .Rožan spravitas muga : hositas meluu i sidotas sinižuu bumagau; sidotas rusttan vatkesiižen ripakon .
38. Konz kukoin’süumad oma , pärman kiittas i nečuu puruu hauttas süumad .
39. Gänišan maks kukoinsüumišpäi ez’meine zel’l’ .
40. Kokib tik’ dupl’an i panob sinna käbuižid’ .Ende sanoudihe , miše tariž otta nece käbuine hambhil’ koumašti ka hambhid’ ii kibištaška nikonz .
41. Iškmüu olakivehe soittas , ka letas kibinoižed modolo , rubile pälo i rubudod kuivaškatas .
Kut spravitadas ličindhiinil’
вепсский
Средневепсский восточный