Тексты
Вернуться к списку | редактировать | удалить | Создать новый | История изменений | Статистика | ? Помощь
Sekot
Sekot
карельский: людиковское наречие
Южнолюдиковский (святозерский)
– Nu
otamme nügü Sekon taluoi , kedä sigä eli ?
Mokin sanuoit ?
– Sanuoin .
Sekon ?Kudama ?
– Sekuoin taluoi .
Sekuoin taluoiz , oli heit kolme taluoit Sekon taluoid oli .
– Nu enzimäižes siit .
Enzimäižekse kuz meiden , oli se , nastojaššuoi tatin taluoi Sekon Ignuoin taluoi .
Sii oli häi tulnu kodavävünnü .
Siit , kačo , sen kodin anduoi , kristaa raadi , kudamah hai kodavävükse tuli .
Sit stroii uuden kodin , d’o minä muštan uudeu kodin stroii , nu .
Siid oli kolme poigad , kolme tütärtt oli , daže n’el’l’ tütärtte .
Siit kačo hüö siit vahnembe poige se Vas’a-veiki d’aguoiheze nai lähti heiz iäre tati ajuoi ei ottanu , keuhäz mikse nai .
Nu siid hüö burlakuoittih lidnaz n’eveskän ker siid lidnaspiäi d’ärilleh tul’d’ih .
Sit tata anduoi heile vuitin kodis elettih alahan , bokpertiižes .
I ülähän oli bokpertti alahan tahnuoi pertti se oli meil sroittu .
Nu a siit tati-pokuoinikke , kačč , kuoli hänele .
Vuitin anduoi , a müö elimme se Ondrii-vel’l’i , St’opan-vel’l’i , ühtez a tati heit d’aguoi eriže .
Nu siid hüö sigä bokpertiz vähäine elettih , sii häi D’urasovad vaste stroii Vas’a-veikki kodin oman .
Sid d’o , kačo , müö mänimme miehele dai kai .
D’o Kaškanah sizär mäni miehele .
Kouz müö tatis , tati kuoli , müö d’iäimme n’el’l’äi , kai pienet .
Vas’a-veikki hänen aiga nai , a St’opan-vel’l’i nai d’o tati oli kuolnu , siid häi nai Agd’an St’opanas , a Ondriivel’l’i nai St’opis otti Šan’an , nu .
Siid hüö davai siid elettih da d’o lapset rodittiheze .
St’opan-vel’l’ele rodiih poigat , tütärtte , Ondr’aile d’o kaks kolme rodiiheze .
Siid hüö d’agettiheze .
– Nimed lapsil muštat ?
Muštan kai .
Siit St’opan stroii osobi kodin .
Ondrii-vel’l’i d’iäi tatin pomestale kudai tati stroii sih kodih d’iäi .
St’opan-vel’l’ell oli , poige Vas’a , se kuoli .
Siid rodiiheze hänel Van’a da Nas’t’a .
Vie häntte ni tapett ei vie oli hengiz .
A siid d’älgele häntte tapettih , sigä d’o uudel pomestal häntte .
Nu а vahnale pomestale d’iäi Ondrii-vel’l’i elämäh sinnä , Ondričihkan ker , Šanan kera .
Tüttärel oli Anni , siid oli Klaša , siid oli Man’a , siid oli vie Van’aine , siid oli Vova , vot viiž d’iäi .
Siid iče häi zabol’eičči .
D’o ol’d’ih kolhozat , tiifal zabol’eičči , siit kuoli .
Nu siid ned lapset kač n’eveske sih d’iäi , siit kuoli , Vovaine kuoli .
Siit kačo voine rodiih da kai akuirovaittih .
Siid häi lähti Arxangel’skah n’el’l’an kera .
I sit sinnä Van’aine kuoli .
A siit kolmen tüttären ker - Man’a , Anni , Klaša lidnaz n’ügü tägä eletäh , omat kodit , omat kvartirat .
Kai vot siid meiden pomeste .
Siit kač , minä omale pomestale lähtin , toižet Kaškanan sizär mäni Kaškanah miehel omal elaigale sinnä .
Häi tožo akuacais käveli da poigad da kai rodittiheze .
Sinnä kuoli häi Kaškanah i kuoli .
Hänel oli tožo sil sizärel Kaškanan kolme poigat , tütärtte ni olnu ei , poigat .
Voinan aiga kačo ükse poige se oli oficer sigä , germanskuoil ...ende germanskuoid voinat sluužii .
A toine poige siit Kaškanaz oli , D’eša poige se precedat’el’annu da kai .
Da Miša tožo siit sluužii da vie Viidan , nügü Viidanal häigi eli tožo , milicaiz ruaduoi da kai , a nügü Viidanale .
Viidanče hänel oli mučuoi .
Sinnä mäni , kodin sroii , da tožo kuoli .
Vot siiten sen sizären , kodid da plodut lopittiheze kai .
Sekot
карельский: людиковское наречие
Южнолюдиковский (святозерский)