Тексты
Вернуться к списку | редактировать | удалить | Создать новый | История изменений | Статистика | ? Помощь
Kut kon’djid’ sadas touvuu
Kut kon’djid’ sadas touvuu
вепсский
Средневепсский западный
Ez’meižeks
mecnikad mändas mecha , lüutas kon’d’jan jäl’gid’ möd , kon’d’jan panetadas pezha .
Panese kondi kaika diki paksuhu mecha , kus om äi kuzid’ .
Necen kon’djan jättas , kuni ii tehte äjou lumt’ .
Mändas da nutanzoittas koiril’ .
Sid’ eciškatas mecnikan , kudam voib necen kon’d’jan sada , inače nazįvaiše mödas-gi necen pezan .
Pezas voib uuda kaks’ kon’d’jad , voib poigidenke erasišti kuume – nel’l’ .
Tuudas mehed ohotsojuzaspei i osttas necen pezan .
Konz osttas kon’d’jan , mändas neci’ä kon’d’jad samha .
Ez’meižeks narodad kuctas mest’ kuumeküme .
Necen tahon kaiken ümbri ottas , ümbärtas , siižutadas narodan ühthe siihä ümbri kon’d’jas i jättas verejäd , kus mecnikad piittas oružjoidenke i varastadas , kut kondi tuleškandeb hiide päle .
Oma mugomad mehed , diki boikijad mecnikad , jegerid’ .
Nene mecnikad mändas i pezha čokaitas kiihou .
Kijaz mugoine : varz’ panese puine , agj-se roudeine , terau diki .
Necil’ kiihil’ čokoitas , kon’di lähteb sigäpei .
Narod zavodib kidastada .
Nu , konečno , kondi narodale päle mäne ii , hän mäneb , kus ele kidad .
Nu i koirad mugažno ajetas sin’n’a .
Konz tuudas vereihe , mecnikoidennost , mecnikad ottas i necen kon’d’jan amptas .
Erasišti putta ii sa kerdou .Ühten kerdan kahten kes’ken mecn’ikad siižuiba neniš vereiš .
Kon’di sin’n’a loihez hiidennost , nu i ambui tovariš sit’ .
Ambui , putui händast , a kondi-se ol’ sur’ , pudale vištoškümele .
Nu i hän päle hänele töndui .
Hän oti , tovarišou oružjan hvati , hloponi ampta toižen kerdan .
Konz kon’di valihez , siloi eskei jo hän vzdohni : «Oh , rikoin’ sindei ».
Nu i potom necen narodan , ked oliba sit’ , ižandad makstas , dengad hiiläze anttas , kons kon’djan todas kod’he .
Kut kon’djid’ sadas touvuu
вепсский
Средневепсский западный