Тексты
Вернуться к списку | редактировать | удалить | Создать новый | История изменений | Статистика | ? Помощь
Minun muamo oli Ar’hin rodut
Minun muamo oli Ar’hin rodut
карельский: людиковское наречие
Южнолюдиковский (святозерский)
– Muštadgo sinä
omad muamod ?
Muštan .
– Nu kui oli hanel familii , nimi , tuaton nimi , midä rodud oli ?
Häi oli Ar’hin rodud , Priäžäspiä minum muamo .
Nu vot , muštan , a tuatt oli , entiä kuga muailmal tulnu Moskovas v entiä kuz oli tulnu .
Nu siid muamo (pro buabo ) se minun lähti Pelduoižih , tuli ad’vuoih Sekon diedolloh ...
Tuodih muam (pro buabo ) sizär Sekon sizär , tuodih ad’vuoih D’ürgimpäile .
Siid mami minun sih suadih i Sekko d’iätti hänen tüttärekse ni muamo Priäžäh ottanu ei häntte .
Nu siit kazvuoi siid eli .
Dai sen Petrovnan ker , hänel oli se rist’uoi .
Da siid diädö Sekko , sen ker hüö elettih , siid dai kazvuoi .
Oli Ignuoi , oli häi , sig entiä kuz muailmal tuli siit .
Hüö poznakomilis’ siit hüö dai hänen ker poženilis’ dai elettih siit Sekos Pelduoižis .
Muštan i sil Sekol ielnu muid laste ni kedä , ülen oli suuri kondu : niitut hüvät , peldod hüvät kai .
Nu siit hüö zavodittih elädä , da , kačo , d’o laste rodii art’t’eli , üheksä laste oli muamol .
Kai kedägi elettih da kedägi nuorembad ne .
Vanhembad elettih , poige vahnin eli tütär eli , Ošakse kučuttih , häi eli tütär se üheksäkümenkuuz vuotte .
Häi toin oli muamol , vot kaikiz enzimäine poig enzimäine .
Siid d’o müö lähtimme , tägä nuorembad , nuorembat kai .
Siid vie poige eli hätken tožo .
Siid vie nuorin poige minun müödäččü eli , a minä kaikis nuorin .
Nu tožo sit kai a tuatto vie kuoli , minä diäin hänes kakstošvuod’aine .
Muštan eno hüvin , zabol’eičči dai kuoli .
D’o oli meil uuzi kodi sroittu , siga kudamal oli d’etkal se Sekol kodi ...
Ka d’o tuatto uuden kodin sroii .
Ne siit siid elimme dai siid mänim , minä miehele omah küläh , piäl’či seiččemes taluois .
– Nu kedä oli lapsid muamol sinä muštele kedä eloh d’iäi ?
Ket d’iäi eloh ?
D’iäi Daša , siid Maša d’iäi , St’opan-vel’l’i d’iäi , а loput siga kuol’t’t’ih : Puavilad da Annit da kai (mami mušteli ainos ), net kuol’t’t’ii üheksä oli ka ...
Nu siit e Mašale d’älgeh , kač , oli St’opan vel’l’i , siid Ondrii-vel’l’i oli , siid minä kaikiz nuorimaine .
Ühtez elimme .
Meit mi on äi : Vas’a , Oša , Daša , Maša , d’o n’el’ , St’opan viideš , Ondrii kuudež , minä seiččemež .
A kolme hänel kuoli , daže ni kolme , kaks vai kuoli .
Siit muga elimme vai küläs .
– Muštadgo sinä tuaton tuattod ?
Em mušta , em mušta .
Tuaton tuattod ainos , Dašačii mušteli , ei olnu ni , üksit Pelduoižis ej olnu .
A buabuška oli toižem vel’l’ellöh elettih .
Se moskoučče babuška vai entiä midä , sizäred ol’d’ih dai sizär oli se tatin sizär miehel pogostal .
Sem minä , muštan , sizärtte emmušta .
Hänen tüttären muštan , Gavruškinaz oli miehel , pogostal , se tuaton pl’emännikk .
A buabod minä em mušta ni diedod e mušta , Dašačii vai ku mušteli .
Sanou , mänet sinnä , ainoz : ”Olgat täz , olgat täs ”.
Toižen vel’l’ellös sigä häi eli küläs , kirguttih häi Haudal .
Ainos tati abutti sinnä , tüöndäu maidod lihad kaikked midä hresjansval on on sigä .
A minä emmušta minä d’iäin tuatos kakstožvuodine ka se oli d’o buabuška ende , kuoli sinnä toižen poigalloh .
– Nu oligo sinun tuatol kedä rodud Pelduoižes ?
Pelduoižis ni kedä ielnu .
Üks oli , ku vel’l’i vai dai se kuoli en’t’iä kesken igät a siit e , kač vel’l’i se tuaton .
Mäni sizär pogostale miehele Zakkuh .
Sem minä muštan .
Vot se sizär da sizären lapsed üks oligi .
Muid ni kedä еj olnu tuatol entiä kuspiäi sigä häi oli muailmal tulnu .
I ainos (sipinittih ), minä sanou en ole se pikkaraine sanottih ku meiden oli Kaškan’čče .
Sizär t’otka se oli Zakus .
”Minä , kač , en ole Liävän D’akun akke , min olen loituoine D’akun tütär , nečen tütär Sekon ”.
Ignatii Rodionič oli ka .
– Kui hänel oli rodun nimi sinun tuatol ?
Ka rodunnimet minä hänen entiedä .
Häi oli siid , kač , Sekkoh tulnu da Sekkoh kir’uttiheze häi , kodavävü .
A hänel , Ignatii Rodionič se , entiä miituine oli sigä hänel familii .
Häntte mugai kirguttih : Sekkojev Ignatii Rodivonič .
Siid hüö naverno sih kir’utettiheze .
Otti poigakse ka sen famil’ain pani Sekon .
Minun muamo oli Ar’hin rodut
карельский: людиковское наречие
Южнолюдиковский (святозерский)
Моя мать была из рода Архи
русский
[
«
[