Тексты
Вернуться к списку | редактировать | удалить | Создать новый | История изменений | Статистика | ? Помощь
Ol’oška-diädön pereh
Ol’oška-diädön pereh
карельский: людиковское наречие
Южнолюдиковский (святозерский)
– Nu
kedä oli Ol’oškan taluois ?
Miituine pereh oli ?
Ol’oškan taluois oli ...
Kačo , ühte prikol’en’ait sidä ku olimme .
Diädön taluoit ka müö diädöks kirguimme .
Diädö diädin oli diädin oli omas küläz otettu .
Siit hänele rodiiheze d’o laste osobi .
Da vie heill oli kačom minä , unohtin sanoda , heil oli sizärtte kaks - Matr’uoi da Maluoi .
Meiden d’etkal da , sil Ol’oškal , nu , vot , siit Matr’uoi se mäni Siidniemeh miehele , Mačin Semuoile , a Maluoi mäni Vašakkah , Töbökse kirguttih ,Töböle mäni , vot .
Siid d’o net kačo meile kävüttih gostih da ad’vuoih da kai n’eičükät .
Minä muštan , d’o minä sen unohtin sanomat .
Sil Matr’uoil oli poige Mačči , tütär In’a , enämbi ni oln ei .
Mačči voinile tapettih , a In’a kunna liennöü männü Murmanskuoin čurah , sinnä miehele mäni , Belomorskan čurah da sigä eläugi .
Vot se In’a .
A Töbön tožo oli Vašakaz elettih .
Töbökse kirguttih .
Neičükät tože lähtedih lapsit kaččomah da kai .
Da Vas’a oli , tožo voinile tapettih .
Da vie Ondrii oli , entiä tožo naverno еj ole bezvesti ieloni vous’o , ni sluuhu , ni duuhu heiden rodut .
Nu , a Ol’oška siit tožo zavodii elädä (heil ), oli lapsed rodittiheze da kai .
Enzimäin oli diädöl sil Miša .
Nu , siid rodiiheze Katti , omas küläs tožo miehel oli .
Siid Min’ka rodiiheze garmoniste , tožo burlakuoičči da käveli , da siit S’er’göväz Natašan otti miehele .
Nu siid oli Oguoi , siid oli Man’a .
Man’a lidnah kuoli .
Tožo last äi .
Kuharkuoičči da käskülüöičči , da sit tägä lidnaz eli , eli , sii häi kuoli .
Siid Oguoile d’älgeh rodiih Liza .
Nu tožo kai enämbe ni nu art’t’e laste , art’t’eli .
Da eli keuhännü , da kai tožo besputi kai lähtedih iminkummin , ken kuzgi eletäh .
Min’ka se nügü eläu Sortovalas , nu nai d’o kolme n’el’l’ kierat .
Dai Min’ka vai se tožo eli iminkummin , a mučuoid ned eletäh , lapsid kazvatetah da kudamat heiz d’iädih da muga sit eletäh .
Dai , Oguoi se Petrouskuoil eläu , mäni miehele sogedale , siid nügü sidä sogedad vai vedättelöu .
Entiä , miituin oli suomelaine , vai mi oli sil’l’ .
A Liza sigä muga eläu Suojärvil .
Se Ol’oškan lapset .
Vot entiä kunna , vot siid heiden i pokol’enii , vot kai lopiiheze .
Ol’oška-diädön pereh
карельский: людиковское наречие
Южнолюдиковский (святозерский)