Тексты
Вернуться к списку | редактировать | удалить | Создать новый | История изменений | Статистика | ? Помощь
Оl’oška – kurd’e mies
Оl’oška – kurd’e mies
карельский: людиковское наречие
Южнолюдиковский (святозерский)
– A
Al’oška sinule ken oli ?
Ke , Ol’oška ?Se oli ukom minun diädö .
– Nu sanele hänen elaigas kui häi eli ?
Ka muga eli , iminkummin .
Last art’t’eli , kuus seiččei .
Da eigo n azuu lähtedih d’agoh da kai ka siga lapsed äi , bes’otperttit pidäu da .
Ka iminkummin .
Ostau lehmän , se töllönöu , toižen ostau , se töllönöu libo kondii süöu mečäs , libo midätahto rodih , kellorihman mänöu libo hebo tožo .
Siid ainoz muga vinutti da vänütti , odva , odva , odva eli .
Vaiku süz dä kädeh , da siit bes’otperttit pidi , da sit kem bes’odaz vieu sinnä .
Palkk andetah : kengi dengat , kengi leibäd libo kalad libo midätahto .
Sil kazvatti lapsit .
Nu , a siid lapset kazvettih ka vie buitoku , kodin siit stroii a tožo .
Iminkummin kai , ič iminkummin eli , dai lapsed lähtedih kai iminkummin elämäh .
– A mizbo lähti hänel muga elaige ?
Ka mänetiedä , midä siiten hänel män’t’iä miz lähti muga pahah , da voinu ei da .
Siid vie , kačo , sroii da muad guurii da kai da vie rodii hänele griža se rodiiheze , dai kädet kibevüttih , ekz’emal , neččih k eivoinuni daaže ištui ka tukuz ol’d’ih kädet lopul aigal .
– Midäbo hänel lehmät kuolttih ?
Ka vod l’ehmäd entiä midä kuol’t’t’ih , oligo hänel siid muasiat pahat , vai entiä midä .
Daže udiv’l’alis’ kai kül’äs : kai , ainos pahah luaduh , lehmän ostaul vähäižem pidäul toš kezän d’ ielo lehmät .
Naverno siid , može muailman hn’evaiheze , vai midä hänel siid ruaduoi pahal sial .
Lähti kačo elämäh , ka sanotah , häi pahale kohtale sroit kodin .
Ka kus proiditah n’ečistuoi se sila ka sii häi mugai vedättäu .
A hänen oli moižel mingo moin oli .
Peldod ol’d’ih , ku vezi matkaži , savehižed da kai .
Sille kohtale guurii , guurii , ükskai igässäh ni puttit ni mid ei nähnü , sil kohtal , pahal sial .
A muut sus’edad el’ettih , kačo , ümbäri tänne suvehpiäi libo kus , ka kai elettih hüvin , parembi häntte .
A hänel siid oli d’uuri perimäine , pohjaižehpiäi d’uuri , pahal kohtal .
Sii häi muga hänel muga mäni , entiä , nu , ilmaine igä kai mäni pesput’n’uois elaigas .
– A kuibo hänel lehme mäni rihmah ?
Kellon , rihmah entiä kui sinn oli d’algam pannu , da sih i töl’l’öni .
Kellonen ol’d’ih , kello kaglas da rihme sigä remeni , eeigo katkennu se .
Oli pannu d’algal , da siid mugai , töllöni , da siit kr’ado kačo tule kodih ei .
Löuta voida ei , sutkad on libo mi mändäh .
Ka d’o henged ielo .
A siid eräz mäni kuoppah , erähän kondii süöi .
Ka oi hänen elaigad älä anda ni ken muštelta , n’e dai boh .
Sii toko käveli itkunker diädinkulu .
Оl’oška – kurd’e mies
карельский: людиковское наречие
Южнолюдиковский (святозерский)
Олёшка-горемыка
русский
[